Ұстазы жақсының – ұстанымы жақсы эссе, 3 сынып

Оңтүстік Қазақстан облысы

Кентау қаласы Б. Момышұлы атындағы

№ 12 жалпы орта мектептің

бастауыш сынып мұғалімі

Косжанова Меруерт Муслумхановна

Шәкірттері: Сыздық Қарақат Оспанқызы, Сыздық Кәусар Оспанқызы

ҰСТАЗЫ ЖАҚСЫНЫҢ – ҰСТАНЫМЫ ЖАҚСЫ«эссе»

Ұстаз! Осы бір қарымы мол сөздің өзінде қаншама теңіздің тереңдігіндей мән - мағына, таудың биіктігіндей қасиетті ұғым жатыр. Заманының дүбірлі аламанында тауқұдірет құсындай ұлы ұстаз алдынан өтпейтін ешбір жұмыр басты пенде жоқ. Даланың кіршіксіз аспанындай пәк жүрексіз жаздың жайдары күніндей жарқыраған өмір болмаса, әлемнің төрткіл дүниесін мойындатқан мұғалімсіз күн сәулесіндей сөнбейтін білімнің, тасқа қашалып жазылған таңбадай өшпейтін тәрбиенің іске аспайтыны бесенеден белгілі. Небір ғылым мен білімнің сайыпқыраны атанған данышпан адамдар, қарапайым еңбеккерлер, тіпті, болашаққа құлаш сермеп, арман қуған жеткіншектер де бәрі бір адамға қарыздар. Ол – ұстаз!

Жаңа ғасырға аяқ басып отырған заманымызда қоғам мүддесіне лайықты, жан-жақты жетілген, басында ұлттық сана - сезім қалыптасқан ертеңгі қоғам иелері боларлық азамат тәрбиелеп өсіруде, ең алдымен, «мектептің жүрегі» болған ұстаздар қауымының еңбегі зор. Сол себепті, ұстаз мамандығы ғажабы мол ғаламда, әсемдігі мол әлемде қанша жыл, тіпті, ғасыр өтсе де, ешқашан ескірмейді.

Менің сүйікті ұстаздарымның санына шек жетпейді. Алайда, көңілі пәк, ойы нәзік шәкірттерінің жүрек нұрынан өз жемісінің өнімін көруге асыққан бағбан әрі бала жанына ақыл дәнін сепкен ұстаздарымды мен әрдайым мақтан тұтамын. Әрі өмір мен еңбек жолдарын өзіме үлгі етемін.

Сондықтан менде ұстаз болуды жас кезімнен қатты армандадым. Арманы мені алдамады. Мектепті бітірген соң, «бастауыш сынып мұғалімі» мамандығын таңдадым. Арнайы диплом алып, маман атандым.

Еңбек жолымды Б. Момышұлы атындағы №12 мектепте «Бастауыш сынып мұғалімі» болып бастадым. Содан бері аталған білім ордасында бастауыш сыныптан сабақ беріп келемін. Үлігілі ұстазбын. Жеткен жетістіктерім де көптеп саналады.

Ақ мақтадай кіршіксіз жүрегін, қазақтың сайын сахарасындай қайратын, тау суындай шетсіз-шексіз ақылын тек көңілі дархан еліне, аяулы шәкірттеріме арнап келемін. Әрдайым өзімді-өзім қамшылауды, білімдіден үйрену, білгенімді үйрету, сол арқылы қоғамды алға сүйреу –мұғалімнің тағы бір айрықша қасиеті. «Тас қияға…