Үздік оқырман 2025 колледжішілік байқау сценарийі

Тақырыбы: «Үздік оқырман - 2018»

Іс-шара мақсаты:

«Рухани жаңғыру» - болашаққа бағдар» бағдарламасын іске асыру шеңберінде студенттерге кітап оқудың маңыздылығын насихаттап, студент жастарды оқуға тарту, кітаптың құндылығын ұғындырып, дәстүрлі оқуды сақтау және дамыту, кітапхананың мерейін артыру, үздік оқырманды анықтау.

Эстетикалық талғамы бай, ойы зерек, қиялы жүйрік, жан-жақты білімді оқырмандар санатын іріктеу.

Кітапхана мәртебесін маңызды әлеуметтік-мәдени институт ретінде позициялау, кітапхананың жаңа имиджін көрсету.

Көрнекілігі: кітап көрмесі,қанатты сөздер,слайд

Нақыл сөздер:

1.«Кітап- жан азығы», «Кітап- білім бұлағы, білім- өнер шырағы»

2.«Артық білім кітапта, ерінбей оқып көруге.» Абай Құнанбаев

3.«Әрбір адамның ең жақын досы, өмірлік досы кітап болуы тиіс» М.Әуезов.

Барысы:

Жүргізуші: Армысыздар,кітап сүйер қауым! Жас оқырмандар, ұстаздар. Бәсекеге қабілеттіліктің басты көрсеткіші –білім, ал білімнің бұлағы кітап екені бәрімізге белгілі. Бүгінде кітапханалар еліміздің болашағы жастардың ғылым, білім жолындағы өмірлік құлшынысына жолдама беретін мәдени-орталыққа айналып отыр. Олай болса, «жүзден жүйрік, мыңнан тұлпарды» анықтау үшін сайысымызды бастайық.Сайыс ережесі бойынша топ жетекші мен 1 оқушы қатысады. Жүру барысы:спикер мен дауыс берушілер қатыса алады.Спикер дегеніміз кітапты жарнамалаушы, дауыс беруші деген сол жарнамаланған кітапқа "оқимын","ойланамын" деп дауыс беруші. Осыған орай «Үздік оқырман» колледжішілік сайысына қош келдіңіздер!

Жүргізуші: «жүзден жүйрік,мыңнан тұлпарды анықтау үшін,әділ баға беріп ,төрелігін айтатын әділқазылар алқасын сайлап алайық.

Жүргізуші: Сайыста озып шығар жүйріктері,

Әрқайсысы бақтарынан көрер енді.

Қанекей,оқырмандар сайысқа шық,

Таң қалдыр біліміңмен көрерменді. Бүгінгі байқаудың негізгі қонақтары спикерлерімізді қарсы алайық.

І кезең: Таныстыру(электронды тұсаукесер түрінде таныстыру, үш тілде. Уақыты – 5минут)

Жүргізуші: Кітап-біздің рухани құндылығымыз,теңдесіз байлығымыз.Өткен замандардың тұңғиық тереңінен сыр шертетін тарихты да,әдебиетті де,басқа ғылым кереметттерін де кітаптан табамыз.Ең алғаш та бізге Алладан қасиетті Құран кітабы түсті.Ғылым мен техника,жоғары технология дамыған ХХІ ғасырда да бәрінің бастау алар қайнар көзі –кітап.

. Өмір мәні-өнер менен білімде.

Айтайықшы кітабыңды жыр ете.

Әрі ақылшың,әрі рухани қазынаң

Құнды байлық баға жетпес бұл өте.

ІІ кезең: «Мен оқыған кітап» (Әр топ жетекшісі өзі оқыған кітап бойынша жоба ұсынады, уақыты – 5 минут)

Жүргізуші: ІІІ кезеңді А.Байтұрсыновтың мына өлеңімен бастағанды жөн көрдім.

Балалар,бұл жол басы жаңалыққа,

Келіңдер,оқып,байқап қаралықта.

Бұл жолмен бара жатқан өзіңдей көп,

Соларды көре тұра қалалық па?

Даналық –өшпес жарық,кетпес байлық,

Жүріңдер,іздеп,тауып алалық та!