Үздік педагог байқауына арналған эссе үлгісі

Мырзағалиев Сейден Ноянұлы

Қызметі: Сепе ОМ-нің тарих және география пәні мұғалімі

Туған күні, айы, жылы: 01.09.1971ж

Педагогикалық еңбек өтілі: 10 жыл

Білімі: жоғары. Ы.Алтынсарин атындағы Арқалық пед институты

Ақмола облысы, Атбасар ауданы, Сепе орта мектебінің

тарих және география пәнінің мұғалімі:

Мырзағалиев Сейден Ноянұлының ой-толғауы.(Эссе)

«Халық пен халықты, адам мен адамды теңестіретін нәрсе -білім»

«Ақырын жүріп анық бас ,

Еңбегін кетпес далаға.

Ұстаздық еткен жалықпас

Үйретуден балаға» деп Абай атамыз айтпақшы, өзімнің ұстаз мамандығын таңдағаныма кейде сондай риза боламын. Әрине мұны тек жанымен түсініп, ұғатын нағыз ұстаз ғана түсінеді деп ойлаймын. Ал ұстаз болу-бұл әркімнің қолынан келе бермейтін мамандық.

Ұстаздық бұл өмірдегі ең жақсы, ең адал, ең жауапты мамандықтардың бірі. Ұстаз әрқашанда іздену үстінде болу керек, үнемі жаңалықты ашушы болу керек, елбасымыз:Н. Ә. Назарбаев айтып кеткеніндей «Біздің басты байлығымыз – адам, және адамдағы бар жаксылық - мұғалімнен» біздерге қазіргі таңда үлкен жауапкершілік артылып отыр, өйткені Қазақстанның болашағы – қазіргі жас ұрпақ, ал болашақтың қандай болатынына тікелей әсер етуші біз- ұстаздармыз..

«Өмір – теңіз, онда жүзем демеңіз ізгіліктен жасалмаса кемеңіз» делінген

А. Рудаки даналығында. Ендеше, баланың жан-дүниесі өте нәзік, жүрегі ізгілікке толы. Әр бала - жеке тұлға. Біріне – бірі ұқсамайды, жаңалықты асыға күтетін талантты. Сол талантты бала жүрегіндегі ізгілікті шынайылықпен тани білетін қазіргі заманғы ұстаз қандай болуы керек? деген өзекті сұрақ өз жауабын күтуде.

Қазақстан Республикасының жоғары педагогикалық білім беру тұжырымдамасында «Жаңа формация мұғалімі – кәсіби дағды мен педагогикалық дарыны қалыптасқан, жаңалыққа құмар, рухани дүниесі бай, шығармашылықпен жұмыс істейтін жеке тұлға» деп көрсетілген, атап айтқанда, ол – ізгілігі мол, әр іске жаңашылдықпен, үлкен ізденіспен зерттеуші ретінде қарайтын, ақпараттық технологияларды жетік меңгерген коммуникативті, толыққанды құзырлы адам.

Ұстаз алдында тұрған мақсат өте биік, міндет өте үлкен. Ендеше, әлемдік өркениетке бет алған бүгінгі қазақ елінің де болашағы білім мен тәрбиенің алауын жаққан мектеппен тікелей байланысты және мектеп тағдыры халық тағдырымен тамырлас.