Ұжымды топтастыруға арналған психологиялық тренинг жаттығулары

«Жаңартылған білім аясында мектеп тәлімгерлерінің жұысының маңызы мен ролі» тақырыбындағы аудандық семинарда өткізілген Тренинг жоспары

Күні: 19.01.2019ж

Өткізуші: психолог Қуанышева И.С.

«Танысу» жаттығуы

Қатысушылар шеңбер құрып тұрады. Ойынның шарты: Әр қатысушы атын атайды, қалғандары солардың есімдерін есте сақтап қалуға тырысады. Жүргізуші қолын сілтеп кез келген адамды көрсетеді, қатысушылар сол адамның атын жылдам айту керек.

Рефлексия: Есте сақтау қиын болды ма? Не ұнады, не ұнамады?

«Жемістер бағы» , «Ақ сандық»

Жемістерді таңдап, ақсандыққа инемен жапсырады.эСуреттік болжам «Өзіңді тереңірек тани біл».

Сіздер көрсетіліп тұрған жеміс жидектерден өзіңізге ұнайтын, бір жемісті таңдаңыз. Сол жеміс арқылы сіздің мінез-құлқыңыз қандай екені анықталады.

Кілті:

Қарбызды ұнататындар орнықты адамдар. Олар шиеленіске, дау-дамайға бара бермейді. Ешуақытта, ешнәрсеге шағымданбайды. Тұрмыс пен көңіл-күйін тек қана өз күшімен жақсартуға ден қояды. Отбасында үлгілі, артық ауыс сөзі жоқ. Кейде табандылық жағы жетіспейді.

Шиені ұнатсаңыз, мінезіңіз жұмсақ, кішіпейілсіз. Өзгеге қуаныш пен жақсылық жасау үшін кейде өзіңізге зиян келтіріп алуыңыз мүмкін. Өтірік, өсек сөзге жоқсыз, әсіресе анекдоттарды ұнатасыз. Ал махаббат жөнінде сәби тәріздессіз, сізді оп-оңай өкпелете салуға болады.

Қара өрікті ұнататындар өз атына айтылған сынды көтере алмайтындар. Олармен достық, жолдастық қарым-қатынас орнату да қиын болады. Бойыңызда менмендік қасиет басымдау.

Шабдалыны ұнататын адамдар көпшіл, кез-келген адаммен тіл табыса алатын, ашық-жарқын болып келеді. Сізден сыпайылық пен мәдениетті адамның белгілері айқын байқалып тұрады. Тек бір кемшілігіңіз - қиындықтарды ауыр көтересіз, кейде оларды жеңуге дәрменсіздік танытасыз.

Жүзімді ұнататындар өзіні ң де, өзгенің де сырын сақтай білетіндер. Бірақ мұндай тұйықтық,кейде шектен асып кетеді. Сіз мақсатты нақты қоя аласыз, бірақ сол мақсатқа жету үшін жігерлілік, батылдық керек.

Құлпынайды ұнатсаңыз, сіз қонақжай адамсыз. Адамдармен тез тіл табыса аласыз. Сізге сыпайылық тән, талғамыңыз нәзік. Ешкімге тәуелді емессіз. Дегенмен қызғаншақтығыңыз да жоқ емес.

Алманы ұнатсаңыз жігерлі, бірақ аздап ескі көзқарастағы адамсыз. Берілген тапсырманы тиянақты атқаруға тырысасыз. Аздап ақынжанды, өз-өзіңізге риза адамсыз.

«Ақсандық болжамы»