Ұжыммен семинар өткізуге арналған жұмыс материалы

Бекітемін:______________

атындағы қазақ орта

мектебінің директоры:

Мұғалімдерге арналған әдістемелік семинардың жоспары

Мектеп: Б.Аманшин атындағы қазақ орат мектебі

Семинарды тыңдаушылардың саны: 12 мұғалім Мерзімі: 2.04.2018 ж.

Мұғалім: Игалиева Айымгул Айдынгалиевна

Мұғалімдерге арналған әдістемелік семинардың тақырыбы: Жалпыадамзаттық құндылық мектептің біртұтас педагогикалық үдерісінің негізі

Мақсаты: Рухани адамгершіліктің маңыздылығы туралы терең мәліметтер бере отырып, ұстаздардың бойында ізгілік қасиеттерді бала тәрбиесімен ұштастыра білуге бағыт беру.

Міндеттері:

Балалардың бойындағы рухани бастаудың көзін ашып және жалпыадамзаттық құндылықтарды жарыққа шығарта білу керектігін түсіндіру.

Мұғалімнің рөлі оқушының ішкі әлеуетін, оның рухани –адамгершілік мәнін ашуға жағдай жасау.

Мұғалімдердің гуманис педагог болуына ықпал ету.

Ресурстары: Интерактивті тақта, слайдтар, бейнеролик, ойын: «Кесемен жұмыс»

Жоспар

«Өзін – өзі тану» рухани – адамгершілік білім беру бағдарламасының психологиялық – педагогикалық негіздері.

«Өзін - өзі тану» рухани - адамгершілік білім беру бағдарламасының аксиологиялық негіздері.

«Өзін – өзі тану»

«Өзін - өзі тану» рухани рухани адамгершілік білім – беру бағдарламасындағы мұғалімнің рөлі.- адамгершілік бағдарламасының және басқа пәндердің интеграциясы.

Тыныштық сәтi. «Нұрға бөлену»

Ыңғайланып отырыңыздар, денелеріңізді дұрыс ұстаңыздар. Аяқ- қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмып, елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқанү Гүлдің түйнегі нұрдан баяу ашылып келеді. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Енді, нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек сәулелі ой келеді. Нұр бірте- бірте күшейе бастайды, сіздің денеңізден тарап, жан- жағыңызға сәуле шашады. Осы нұрды туысқандарыңызға, мұғалімдеріңізге, достарыңызға

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзді ашуға болады.

- Қандай сезімге бөлендіңіздер?

Ойын: «Кесемен жұмыс»

Ойын шарты: Алдымен төрт кесеге бір деңгейде су құямыз. Содан соң 4 топқа бөлініп, үш қадамға кеседегі суды төкпей жаймен апару керек. Содан соң бірінші тұрған кісіге береді. Әрі қарай ойын осылай жалғасады.

- Қандай күйде болдыңыз? /ой бөлісу/

Қорытынды. Ойынды ойнатудағы мақсат адамдарға сенім орнату, адамның өзін-өзі тануы. Сенім болмаса жұмыс нәтижелі болмайды

«Өзін – өзі тану» рухани – адамгершілік білім беру бағдарламасының психологиялық – педагогикалық негіздері.

Рухани - адамгершілік білім беру үдерісі жүрекке арналған білім, ол интелектуалдық білімнен айтарлықтай өзгеше. Рухани – адамгершілік білім-ішкі білім.

- «Өзіңнен баста» (видео)

- Бейнетаспадан қандай ой түйюге болады?

- Бала айналадағы адамдарға, жануарға, қандай жақсылық жасады?

- Жақсылық жасау үшін адам бойында қандай қасиеттер болу керек?

Бұл видео да күнделіктегі өмірде жасаған жігіттін жақсылығы, ізгі ісі көрініс табады.

«Біз рухани бастаудан туындайтын, сыртқы әлемнен келетін ақпаратты дамытамыз, асқақтатамыз, ізгілендіреміз. Міне, осы бейнелермен оқушыларымыздың рухани әлемін толықтырамыз» дейді Ш.А. Амонашвили

Ізгілікті педагогика Манифесінде мұғалім - нұр себуші, нұр таратушы бала сол нұрды іздеуші, сол нұрға ұмтылушы деп жазылған. Ал, нұрлы балаларға қандай педагогика қажет. Оларға сүйіспеншілік, мейірімділік, түсіністік, шабыттандыру, құлшындыру, жанашырлық, қорғаныш педагогикасы керек. Мұндай педагогика оқушыларды тектілікке, бекзаттыққа, кеңпейілділікке, олардың танымдық белсенділіктерінің өсуіне, сонымен қатар өздерінің өмірлік бағытын іздеуіне бағыт - бағдар береді.

Педагогиканың үш типі

• Қалыптастыру педагогикасы (авторитальдық)

• Қабілеттерін дамыту педагогикасы (диалог ретінде)

Мұғалім Оқушы

• Кемелдендіру педагогикасы

Кемелдендіру педагогикасының мақсаты- адам бойындағы рухани бастаудың көзін ашу және жалпыадамзаттық құндылықтарды жарыққа шығару.

Педагогикалық қызметтік сұлбасы

Рухани бастау

Мұғалім Оқушы

Педагогтың үш стилі

Авторитарлық - (өктем) мұғалім оқушыларға қатал болады. Өктемдік көрсету арқылы білімді талап етеді. Бұл жерде педагог жоғары, ал оқушы төменгі сатыда болады.

Либералдық - педагогтар үшін ешқандай мақсат - мүдде болмайды, яғни тек қана дәрісін өткізсе болғаны.

Ізгілікті - педагогтар шәкірттерін адамгершілік пен ізгілікке тәрбиелейді.

Сана арқылы оқыту: Біз бірте-бірте бала санасын жалпыадамзаттық құндылықтардың нұрымен сәулендіреміз. Біз осы құндылықтарды өмірімізге енгізгенімізде теріс қасиеттер мен эмоциялар өз күші мен өктемдігі біртіндеп жояды.

Түпкі сана - сыртқы әлемнен алынған ақпарат бес сезім мүшесі арқылы түпкі санаға келіп түседіде, онда психоэмоционалдық реңге ие болады.

Сана - шынайы шындықтың идеалды түрде бейнелеудің адамға тән ең жоғары деңгей.

Жоғары сана - бұл біздің жеке тұлғамызға әсер етуші маңызды фактор, оны оқушы бойында дамытудың маңызы зор. Біздің жан дүниемізде ар-ұжданымызды түсінуге бағыт беретін, көмектесетін, жақсы мен жаманды ажырата білуге мүмкіндік беретін “бір нәрсе” бар. Ол біздің шынайы жоғары рухани табиғатымыз (жоғары сана) ол бізге даналық және білім береді. Санаға ақпарат жоғары санадан интуиция мен ар - ұждан даусы арқылы келеді.

Сұрақ: Бір стақан лас суды қалай тазалауға болады?

Сананы қалай тазалауға болады?

1.Күн сайын жағымды көңіл күйге ену тәсілін қолдану. Бұл сананы тыныштандыру мен бақылау үшін, әлемді ұғынуға арналған тура әдіс.

2.Күні бойы адамдарға сүйіспеншілік нұрын шашуға талпыну.

3.Ұйықтар алдында күні бойы не істегеніңізді еске түсіру үшін бірнеше минутыңызды бөлу.

4.Ашу ызаңызды бақылаңыз. Өзіңізді ұрсып, ренжіткен адам сізге өз ашуыңызды бақылауға көмектесетінін әрдайым есте ұстаңыз.

5.Өзіңізді тыныштандыратын ізгі немесе жұбату сөздерді дауыстап айтыңыз.

6.Жаныңызды тебірентіп, жайландыратын, жалпыадамзаттық құндылықтарға толы ән салыңыз.

7. Жақсы компания, орта табыңыз.

8. Басқаларға тыныштық беруге, оларға қызмет етуге және оларды жұбатуға үйреніңіз.

9.Тыныштықты сақтауға үйреніңіз.

10. Тыныс алуыңызды бақылаңыз.

11. Күнделікті өмірде жалпыадамзаттық құндылықтарды ұстануға ұмтылыңыз .

«Өзін - өзі тану» рухани - адамгершілік білім беру бағдарламасының аксиологиялық негіздері.

Аксиология (грек тілінен аударғанда ) акcио - құндылық, логос - ілім – «құндылық» категориясын зерттейтін философия саласы.Философиялық тұрғыдан алғанда құндылық дегеніміз – жалпы қоғам үшін, адам үшін ең қадірлі, ең қасиетті нәрсе туралы…