Вербалды қарым-қатынас дағдыларын дамыту жұмысы 8-сыныпқа

Абай облысы Ақсуат ауданы «М. Әуезов атындағы Көкжыра орта мектебі» КММ

«Вербалды және вербалды емес қарым-қатынас

дағдыларын дамыту» Мақсаты: оқушылар арасында вербалды және вербалды емес қарым-қатынас дағдыларын дамыту. Қажетті материалдар: ватман, маркерлер, көздің суреттері, эмоциялы кубиктер, психолог кеңесі парағы. Уақыты: 40 «Сәнді сәлемдесу» жаттығуы Уақыты: 3 минут Мақсаты: психологиялық ахуал туғызу Психолог оқушыларды ортаға шаттық шеңберін құруға шақырады. Әр қатысушы өзінің есімін керісінше айтады. Мысалы Арай, йара деген сияқты. Бұл жаттығу тез орындалуы керек. Кез-келген қатысушыға доп лақтыру арқылы кімнің есімдері есте қалғаны сұралады.

«Көзің әдемі» жаттығуы Мақсаты: оқушылардың бір-бірін жақын тану қабілеттерін дамыту. Уақыты: 7 минут Психолог оқушылардың алдын ала түскен фотосуреттерінен көздің кескінін қиып алады. Сол көздің суреттерін тақтаға іліп қояды. Оқушылар тақтаға бір-бірден шығып, көздің суретін алып сыныптағы оқушылардың ішінде кімдікі екенін табады.

«Түрлі-түсті эмоциялар» жаттығуы Уақыты: 3 минут Оқушылардың алдына тіктөртбұрыш көлеміндегі кубикте түрлі эмоциялар ұсынылады. Оқушылар осы кубикті лақтыру арқылы бетіне бірінші болып түскен эмоцияның қиындысын құрастыруы керек.

Топтық пікірталас «Біздің күтулеріміз-біздің қауіптенуіміз» Мақсаты: сабаққа байланысты күтулер мен қауіптерді вербализациялау. Материалдар: ватман, маркер. Уақыты: 10 минут. Мазмұны: Оқушылар екі топқа бөлінеді. І топқа тапсырма: Сіздер болашақтан нені күтесіздер? Соны вербализациялайсыздар. Қаласаңыздар ватманға түсіруге болады. Пікір/комментарий: «өмір сызығы» жаттығуы арқылы деп нұсқау беруге болады. ІІ топқа тапсырма: Сіздердің армандарыңыз бен мақсаттарыңыздың орындалуына кедергі келтіруі мүмкін қауіптерді вербализациялаңыздар. Екі топтың оқушылары берілген тапсырманы ортаға шығып жест, мимикалармен көрсетуіне, ватманға сызған сызба түрінде ұсынуына болады.

«Серіктесіңді сезін» жаттығуы Уақыты: 10 минут Қатысушылар сапқа тұрады, бірінің артына бірі орналасады. Қатысушыларға ақ парақтар мен қалам беріледі. Әр қатысушының артына ақ парақтарды жабыстыру сұралады. Тізбектелген қатысушылар бірінің артына бірі орналасқаннан кейін соңғы тұрған қатысушы бір суретті бастап салады, тек бір элементін, тура осы элементті арқасымен сезінген қатысушы келесі қатысушының арқасындағы параққа салады. Осылай жаттығу жалқасады. соңында бір қарапайым сурет шығуы керек. Қатысушылар жаттығу аяқталғаннан кейін осы суреттерді алып, көрсетеді. Жаттығу соңында қатысушылар суретті салған кезде қандай қиындықтармен кездескендігі туралы пікірлерін білдіреді.