Верботоналды әдіс арқылы ертегіні меңгерту материалы

Сабақтың тақырыбы: Верботоналды әдіс арқылы «Қоянның анасын іздеу» ертегісі Күні: 28- 02.12

Мұғалім- логопед: Ұ.Берекетова.

Сыныбы: Тұтықпа балалар Сабақтың мақсаты:

Білімділік: верботоналды әдіс арқылы дыбыстың анық айтылуын, әуезділігін, ырғақтылығын қалыптастыру. Артикуляциялық жаттығуды дұрыс орындауға үйрету. Түзетушілік: дыбыс әуезділігін, ырғақтылығын, тыныс алуын, ұсақ қол моторикасын, байланыстырып сөйлеуін дамыту. Тәрбиелік: қоршаған ортамен байланыс жасау арқылы мейірімділікке, адамгершілікке тәрбиелеу. Сабақтың әдісі:

түсіндіру, әңгімелесу, сұрақ- жауап, верботоналды әдіс.

Сабақтың көрнекілікт ері:

жануарлардың суреттері, табиғат бейнесі бейнеленген плакат.

Сабақтың барысы: Сабақтың кезеңі:

Логопедтің іс- әрекеті:

Ұйымдасты ру кезеңі:

- Сәлеметсің бе?! Көңіл- күйің қалай? - Қазір жылдың қай мезгілі? - Күзде қандай құбылыстар болады? Өткен сабақты қайталау:

-Балалар, өткен сабақта біз қандайжаттығуларды өттік. -Үйге «Бірінші дыбысты ата», «Бұл не қылған дыбыс» ойындарын үй жағдайында орындау. Жаңа сабақ:

Логопед: - бүгінгі біздің сабағымыз қызық болғалы тұр. Мына орманға қарайықшы! Қоян орманда жидек теріп жүріп, өз анасынан адасып қалыпты. Қоянға анасын тауып беру үшін, орманға саяхат жасап, түрлі тапсырмаларды орындауымыз қажет. Ал, онда сәттілік!

1. Артикуляциялық жаттығуы Ерінге арналған жаттығу Логопед:- Мына кубиктердің ішінде қоянның анасы жасырынып қалған шығар, мүмкін осы кубиктерді үрлеп іздеп көрейік ( кубиктің іші домалақ болып ойылған, оған мақта салынған сол мақтаны үрлеу арқылы бала мақтаны кубиктің ішіне кіргізу керек). Тілге арналған жаттығу «Тәтті тосап» жаттығуы: (жолдан аю шығады)

- Ооо аю аға, сәлеметсіз бе?! - Менің анамды көрмедіңіз бе? - Жооқ, көрмедім.

- Қасыңыздағы не ол дәмін татсам бола ма? - Иә, болады. Бұл тәтті тосап. - Ммм, өте дәмді. (осы тосапты баланың ерніне жағып астыңғы, үстіңгі ернін жалап жаттығуды жалғастырады) «Тіс тазалау» жаттығуы Осы тосапты тісімізден тазалап тастау үшін «тіс тазалау» жаттығуын жасаймыз. Логопед: - біздің жолымызда кездескен қасқыр ағаның көңіл- күйі жоқ екен. Кәне, қасқырдың эмоциясын салып, қасқыр мырзаның көңілін аулайық. (қабақты түю, жымию, ууу- ууу деп қасқырдың дауысын салу).

2. Саусақ жаттығулары. (ұсақ моториканы дамыту) Логопед: - Қасқыр бізге өзінің ермексаздан жасалған гүлін әсемдеп беру керектігімізді айтып тұр. Енді сол гүлді әсемдейік. (ермексазбен гүлді әсемдеу) Логопед: - біздің алдымыздан түрлі кедергілер кездесті, сол кедергілерден сүрінбей өттік. Жарайсың! Енді мына кірпілерді қарашы үстінде заттары көп болғандықтан сала алмай отыр екен. Кәне, көмектесейікші! (ермексаздан жасалған кірпілердің үстіне заттарын салып беру). (Түлкінің жылап отқан дауысын саламын) Логопед: - мына қарашы түлкі жылап отыр. Ол бағанағы кірпілерді алдаған ғой. Ал кірпілер оған тікенектерін жапсырып кетіпті. Түлкіге көмек береміз бе?!

- Иә, көмектесейік. (түлкінің үстінде тікенектер жабысып тұрады, сол тікенектерді алып тастаймыз).

3. Дауыспен жұмыс Логопед: - келесі тапсырмамыз біздің мына кемелер суда арғы бетке өте алмай қиналып тұр екен. Кәнекей, кемелерді өткізіп берейік. (үлкен, орташа, кіші кемелерді ШШШ дыбысын шығару арқылы дауысты жоғары, орташа, төмен етіп дауыстау)