Волейбол ойынының нәтижелері туралы мақала

Волейбол ойыны: шыдамдылықтан нәтижеге

Оқушылар арасында спорттық байланысты нығайту, салауатты өмір салтын қалыптастыру жұмыстары арқылы нәтижеге жетеміз. Волейбол – мектеп оқушыларында шыдамдылық, сұлулық пен тұрақтылықтың қалыптасуына жол ашатын спорт түрі.

Қаламыздағы ҚББО- да «Намыс» волейбол үйірмесі жұмыс жасайды. Үйірмеге қала мектептерінің оқушылары қатысады. Үйірменің балаға үйретері көп. Осы бағытта үйірме мүшелерінің арасында жарыстар, жолдастық кездесулер ұйымдастырылады.

Сонымен қатар жыл сайын қосымша білім беру орталығының ұйымдастыруымен дәстүрлі түрде қала, ауыл мектептерінің 7-8- сынып оқушылары арасында «Жеңіс» спартакиадасы өтеді. Осы спартакиада қорытындысы бойынша ер балалар арасында 1-орынды Ы.Алтынсраин атындағы гиназия, 2- орынды А.Құнанбаев атындағы мектеп-гимназия, 3- орынды Ш.Уәлиханов атындағы №1 жалпы білім беретін оқушыларының командасы иеленді. Қыз балалар арасында өткен жарыс бойынша 1- орынды Кейкі батыр атындағы №4 жалпы білім беретін мектебі, 2- орынды Ы.Алтынсарин атындағы гимназия, 3- орынды Ш.Уәлиханов атындағы №1 жалпы білім беретін мектебінің командасы иеленді.

Қостанай облысы әкімдігінің дене шынықтыру және спорт басқармасының ұйымдастыруымен 2009-2010 жылы туылған жасөспірімдер арасында Қостанай облысының жүлдесі үшін өткен волейбол жарысы ұйымдастырылды. Осы жарысқа қаламыздан ҚББО- ның «Намыс » үйірмесінің оқушылары қатысты. Жарыс қорытындысы бойынша «Намыс» үйірмесінің оқушылары жүлделі ІІ орын иеленді.

Спорт – әр адамның өмірінде маңызды рөл атқаратын сала. Өскелең ұрпақты салауатты өмір салтын ұстануға тәрбиелеу – біздің борышымыз.

Қосымша білім беру орталығының «Намыс» волейбол үйірмесінің жетекшісі Жапаров Е.Д.