XX ғасырдың бірінші жартысындағы ғылыми жаңалықтар жоспары

«Дүниежүзі тарихы» пәні бойынша 8 сынып

Бөлімі:

1-бөлім.

ХХ ғасырдың басындағы әлем

Сабақтың нөмірі:

2-сабақ

Сабақтың тақырыбы:

§ 3 ХХ ғасырдың бірінші жартысындағы қандай ғылыми ашулар мен жаңа технологиялар ерекше маңызды болды? Индустриалды қоғамнан ақпараттық қоғамға өту. Ғылыми-техникалық прогресс

Мақсаты:

Тарихи оқиғалардың себептерін, нәтижелерін, маңызын тұжырымдау арқылы ғылымның әлем мемлекеттерінің әлеуметтік-экономикалық дамуындағы рөлін, XX ғасырдың басындағы техникалық революция жетістіктерінің мемлекеттердің шаруашылық жүйесінің дамуына ықпалын бағалау.

Күтілетін нәтиже:

XX ғасырдың басындағы техникалық революция жетістіктерінің мемлекеттердің шаруашылық жүйесінің дамуына ықпалын дәлелдейді.

Техникалық революция жетістіктерінің қоғам өміріндегі орнын анықтайды.

Ғылымның әлем мемлекеттерінің әлеуметтік-экономикалық дамуындағы рөліне баға береді.

Ресурстар:

«Дүниежүзі тарихы» оқулығы 1-бөлім Мектеп 2019жыл 15-20 - беттер

Сабақ барысы:

Индустриалды қоғамның дамуы. Еуропа мен Солтүстік Американың капиталистік елдерінің әлеуметтік-экономикалық дамуында сапалы өзгерістер болып өтті. ХХ ғ. басынан бастап екінші өнеркәсіп төңкерісі жүре бастады. Қазіргі заманның басты белгілері ретінде трансконтинентальдық темір және күре жолдар, мұхиттағы бумен және жылумен жүретін кемелер, электр және дизель моторлары, автомобилдер мен ұшақтар, телефон мен радио пайда болды. ХХ ғ. басында технологиялық сауатты елдер қатарына бірнеше алдыңғы қатарлы дамыған елдер – Ұлыбритания, Германия, АҚШ, біршама Франция мен Бельгияны жатқызуға болатын еді. Индустриаландырудың жеделдетілген жолына осы онжылдықтарда Швеция, Италия, Ресей, Австро-Венгрия, Канада, Жапония сияқты елдер түсті. Германия индустриаландырудың аяқ кезіне үлгеріп, қатарға қосылды. Ол әсіресе химия өнеркәсібі мен электроэнергетика сияқты озық салаларды дамытуда, ең ірі заводтар салу мен қаржы мекемелері, банктерді шоғырландыруда зор табыстарға ие болды. Жаратылыстану саласындағы төңкерістер. ХХ ғ. басында қоғамдық дамуға ғылым мен техниканың зор ықпалы болды. Осы уақытта ірі ғылыми жаңалықтар ашылып, қоршаған орта туралы қалыптасқан түсініктерді қайта қарастыруға тура келді,

Тапсырмалар:

1-тапсырма. Жаратылыстану саласындағы жаңалықтарға байланысты төмендегі кестені толтырыңдар;

ғалым

ашқан жаңалығы

Дж. Томсон

Мария Кюри

М.Планк

Э. Резерфорд

А.Эйнштейн

2-тапсырма. Дәптерге түсіндірме сөздікті орындаңдар;

индустриалды өркениет, пәнаралық ғылымдар, биофизика,геофизика, электрохимия, фотохимия, биохимия және химиялық фармакология, техника мен технология, екінші өнеркәсіптік революция.

3-тапсырма. «Тарихи диктант»