Ыбырай Алтынсарин дүниеде жамандық неден 4 сынып

«Өзін-өзі тану» пәнімен интеграцияланған

әдебиеттік оқу сабағының жоспары

Мектеп: №6

Мұғалім: Кабакова Жайна

Сынып: 4 «Ә»

Сабақтың тақырыбы: Ы.Алтынсарин: «Дүниеде жамандық неден?»

Құндылық: Дұрыс әрекет

Қасиеттер: Қайырымдылық, қамқорлық, адалдық.

Сабақатың мақсаты: оқушыларға Ыбырай Алтынсарин туралы түсінік бере отырып, жақсылықтың адам өміріндегі маңыздылығын ұғындыру, дұрыс әрекет құндылығының мәнін ашу.

Сабақтың міндеттері:

Оқушыларға ақынның шығармасының мәнін ұғындыра отырып, қайырымдылық, қамқорлық, жауапкершілік қасиеттері туралы түсінік беру;

Оқушыларды өзіне және өзгелерге жақсылық жасауға баули отырып, жауапкершілікке үйрету;

Оқушыларды қайырымды, қамқор болуға, адалдыққа тәрбиелеу.

Ресурстар: (құралдар, мәлiметтер) интербелсенді тақта, оқулық, дәптер, үлкен ватман қағаз, түрлі түсті суреттер, қима қағаздар, үнтаспа.

Сабақ барысы:

Ұйымдастыру кезеңi. Сабақтағы жағымды күйге келу. 5 Т ережесін еске түсіру (барлық ойымызды, сөзімізді, ісімізді осы ережеге бағындыру).

Топқа бөлу: Оқушылар қоржыннан суреттерді таңдап алу арқылы төрт топқа бөлінеді.

1-топ: Қайырымдылық

2-топ: Жанашырлық

3-топ: Қамқорлық

4-топ: Адалдық.

Тыныштық сәті: Орманға ойша серуен

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны терең жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Айналаңызға зейін салыңыз. Табиғаттың әсемдігі мен балғындығын сезініңіз. Жап жасыл шөптер, жайқалған гүлдер, сылдырлап аққан бұлақ, әнші құстар... Сіз табиғат аясында өзіңізді бақытты әрі қауіпсіз сезінесіз.

Терең тыныс алыңыз және қоршаған айналаның жым- жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және өзімізді бақытты сезіну қандай ғажап. Іштей айтыңыз «Мен бақыттымы», «мен баққытты баламын», «мен бақыттымын». Осы жым- жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Өткен сабақты еске түсіру: «Ортадағы қаламсап» стратегиясы

Ы.Алтынсариннің «Дүниеде жамандық неден?» шығармасын оқу, талқылау. (Оқушыларға қарға, жылан, бұғы, кептердің суретін көрсету)

Бұл қандай жануарлар?

Олар қандай сұраққа жауап іздеді?

Қарғаның, көк кептердің, жыланның, бұғының айтуынша жамандық неден болады дейді?

Осы айтылғандардың қайсысы дұрыс деп ойлайсыңдар?

Автор өзінің айтайын деген қорытынды ойын кімнің сөзі арқылы береді?

Интербелсенді тақта, оқулық, қаламсап.

Дәйексөз.

“Біреуге жақсылық етсең, ол жақсылығыңды міндет етпе”

Ы.Алтынсарин

Оқушыларды мәтін авторымен, шығармаларымен таныстыруЫбырай Алтынсарин (шын аты — Ибраһим, 1841—1889) — қазақтың аса көрнекті ағартушы-педагогы, жазушы, этнограф, фольклоршы, қоғам қайраткеріЫбырай…