Ыбырай Алтынсарин ұлы педагог ашық сабағы

Білім беру саласы: Коммуникация

Білім бөлімі:Тіл дамыту.

Тақырыбы: Ы.Алтынсарин - ұлы педагог.

Мақсаты: суреттерді пайдаланып әңгімелеуге, байланыстырып сөйлеуге үйрету, ертегіні сахналау арқылы тіл байлықтарын жетілдіру, сөйлеу барысында сұрақ қойып, оған дұрыс жауап беруге, сөздерді буынға бөлу, талдауға, өлеңді мәнерлеп айтуға жаттықтыру.

Дамытушылық: ертегілер мен әңгімелерге қызығушылығын арттыру, таныс әңгімелер мен ертегілер мазмұнын қысқаша айтқызу арқылы есте сақтау қабілеттерін арттыру, жұмбақ шешу, мақал-мәтелдер, қызықты тапсырмалар орындату арқылы тапқырлыққа баулу, сөздік қорын, ой-өрісін дамыту.

Тәрбиелеушілік: еңбексүйгіштікке, мейірімді, әр істі ойланып істеуге тәрбиелеу.

Алдын- ала жұмыс: өлеңдер жаттау, тақырыпқа сай суреттер салу.

Қажетті құрал-жабдықтар, көрнекіліктер: ертегі, әңгіме мазмұнына байланысты суреттер, Ы.Алтынсарин портреті, жеке тапсырмалар жазылған карточкалар.

Ұйымдастыру іс-әрекеті барысы:

Жылулық шеңбері:

Біз балдырған тең басқан,

Дос құшағын кең ашқан.

Тілегіміз әділдік,

Ашық болсын кең аспан,

Қайырлы таң!

Қайырлы күн!

Қош келдіңіздер біздің «Атамекен» тобына!

Сәлеметсіздер ме, апайлар!

Балалар орындарына отырады.

Кіріспе:

Бүгін біз Ы.Алтынсарин атамыз шығармашылығы, өзіміз оқып үйренген әңгіме, ертегілерін еске түсіреміз.

Ы.Алтынсарин суретін көрсетіп, қысқаша мағлұмат беріп өту.

Ыбырай Алтынсарин Қостанай облысында туған. Ол – қазақтан шыққан тұңғыш ұстаз. Қазақ балаларына алғаш рет мектеп ашып, өзі ұстаздық еткен.

Өзі ұстаздық еткен.

Балаларды оқу-білімге шақырып, өлең, ертегі, әңгімелер шығады. Өзінің бүкіл өмірін ұстаздық іске арнаған ол «қазақ хрестоматиясы» деген оқулық жазды.

Дидактикалық ойын: «Жұмбақ сурет».

Үстел үстінде төмен қаратылып жатқан суретті бала қолына алып, атын айтпай суреттейді балалар не суреттелгенін табады.

1-бала: бұл суретте екі адам бейнеленген, біреуінің жасы үлкен , екіншісі оның баласы. Бұл кімдер? («Әкесі мен баласы»)

2-бала: Біреуі орман аңы, біреу үй жануары. Екеуі орманда кездесіпті... («Түлкі мен ешкі»)

3-бала: Бұл суретте екі жәндік, бір құс бейнеленген. («Құмырсқа, өрмекші, қарлығаш»)

Ертегі әңгіме мазмұнына байланысты суреттер тақтаға ілінеді.

«Әңгімелеп үйренеміз» дидактикалық ойыны суреттерге қарап әңгіме ертегі атын атап, қысқаша мазмұнын 3-4 балаға балаға айтқызу.