Ызғарлы желтоқсан драмалық қойылымының сценарийі

Ызғарлы Желтоқсан

1-көрініс

Музыка ойнатылады (Желтоқсан желі)

Автор: Түн. Кәдімгі түн. Миллиондаған түндердің бірі. Бірақ бұл ерекше түн еді, себебі бұл түнде қаланың кез-келген тұсынан ұсталған жастарды ұрып-соғып, өлімші халге жеткізді. Азаттық жолында күрескен жастарды арашаламақшы болып жүргендердің арасында Қайрат Рысқұлбеков та бар еді.

Тергеуші: -Кіріңіздер!

(Қ. Рысқұлбековты алып кіреді)

Т.- Рысқұлбеков ойланып келдіңбе?

-Савицкиді өлтірген сен бе?

Қ.- Жоқ, мен емес.

Т.- Сен өлтірген.

Қ.- Жоқ, мен емес.

Т.- Мойныңа ал!

Қ.-Мен өлтірген жоқпын!

Тергеуші: Ой, ақымақ! Бәрін атыңдар, көзін құртыңдар!

1-бала: (Қайрат Рысқұлбеков)

Қайрат деген атым бар,

Қазақ деген затым бар.

Еркек тоқты құрбандық,

Атамын десең атыңдар.

Тергеуші: Алып кетіңдер! Бәрі бір құтылмайсың бұзақы!

2-көрініс

Автор: Түрмеде отырған Қайраттың анасымен соңғы кездесуі.

Анасы: Амансыңба құлыным!

Қайрат: Ана, анашым, анашым...

Анасы: Қарағым-ау....қарағым-ау

Қайрат: Жыламашы, болды енді анажан,

Сенің балаң кінәлі емес, маған нан.

Жауыздардың жапқан бұл жаласын

Еш уақытта мойныма мен алман.

Анасы: Құлыным-ау, бетің ісіп кетіпті!

Не болғансың, не болғансың, балам-ау

Қайрат: Анажаным, үйдің іші аман-ба?

Әкем менен бауырларым аман ба?

Анасы: Аман, аман бәрі де аман...

Құлыным-ау, өзің жайлы айтсаңшы.

Қайрат: Еш кінәм жоқ, бұл жаладан аманмын,

Басшыларға тергеу жайлы жазармын.

Ақталармын елім аман тұрғанда,

Саулық болса тексерген соң шығармын.

Анасы: Балам-ау қайтейін, шындықты жеткізем деп шырылдаған бір торғайым болдың ғой. Өзің аман болшы, ұлым. Маған басқаның керегі жоқ.

Қайрат: Болды, анажан, көз жасыңды тыйсаңшы,

Күштеп мені көндірмекші бұл іске

Бар сөзімді шығаруда теріске,

Ине тығып тырнағымның астына,

Денемді де қақтайды ыстық алауға.

Сүйегімнің аманы жоқ қазірде,

Бұл қорлықты көрмеп едім түсімде.

Мұздай сумен ес жиғызад талғанда,

Небір сөзім кетіп барад көңілде.

Бәрібір де ақталамын түбінде,

Тарих куә осы менің сөзіме.

Жыламашы, анажаным, жан анам....

Анасы:Ұлым менің.. Ұлым.... шырылдаған ботам-ау... аман болшы ұлым-ау..

Қайрат:Сау бол ана. Менің арым таза. Ақталып қайтамын елге. Туған жерге, әке мен бауырларға сәлем дерсің Қайраттан. Мен жаламен кетіп барам, ана.......