З дыбысын қоюға арналған логопедиялық сабақ жоспары

Тақырыбы: «З» дыбысын дұрыс айтуға үйрету

Кезең: дыбыс қою

Білімділік мақсаты: «З» дыбысының артикуляциясын дұрыс қолданып, дұрыс айтуға үйрету. «З» дыбысының орнын анықтау, дыбыстық талдау жасауға үйрету.

Дамытушылық мақсаты: ой өрісін дамыту, қиялын, елестету қабілетін және фонематикалық есту қабілетін дамыту. Қызығушылығын ояту.

Түзетушілік мақсаты: «З» дыбысын анық айтуға дағдыландыру.

Тәрбиелік мақсаты: оқушыны ұқыптылыққа, сыпайылыққа, тазалыққа тәрбиелеу.

Көрнекіліктер: айна, суреттер, «З» дыбысының профилі.

Сабақ барысы:

I.Ұйымдастыру кезеңі

Амандасу. Психологиялық дайындық

II. Дайындық кезеңі

«З» дыбысының артикуляциясын еске түсіру, айту.

III. Артикуляциялық жаттығу

«Аңдар саябағындағы» қызықты оқиғалар

Баяғы заманда бір тіл болыпты. Бір күні оның аңдар саябағына барғысы келіпті. Тілмен бірге біз де аңдар саябағына барамыз. Тілге жолыққан аңдардың барлығын келтіреміз.

«Су сиыр» жаттығуы

Міне, тіл аңдар саябағына келді. Аузын кең ашып отырған тау сияқты суда отырған үлкен біреуді көрді. Бұл су сиыр. Бізде су сиыр сияқты аузымызды кең ашайық.

Жаттығудың сипатталуы: ауызды кең ашу, оны осы қалыпта 5-ке дейін ұстап тұру, сосын жабу, дейін ұстап тұру, сосын жабу, 3-4 рет қайталау.

«Бақа» жаттығуы

Тіл су сиырды тамашалап болып, ары қарай жүрмек болғанда «бақ-бақ» деген бақаның даусын естиді. Бақалардың қалай жымиғанын келтірейік.

Жаттығудың сипаттамасы: еріндер жымиған, тақасқан тістерді көрсету. Еріндерді осы қалыпта 5-10-ға дейін ұстап тұру. Содан соң еріндерді қалыпты жағдайға келтіру. Жаттығуды 3-4 рет қайталау.

«Піл» жаттығуы

Тіл ары қарай жүріп келеді. Ой, осындай үлкен, тұмсығы ұзын бұл не екен? Иә, бұл піл емес пе? Пілдің тұмсығының қандай екенін көрсетейікші.

Жаттығудың сипатталуы: біріккен еріндерді алдыға созу және оларды осы қалыпта 5-10-ға дейін ұстап тұру. Қалыпты жағдайға оралу.

Тіл пілге қарап тұр еді, піл тұмсығымен су алып, өзіне және баласына су шашты.

Жаттығудың сипаттамасы: еріндерді алдыға созу және сораптап су ішкен сияқты жасау.

«Жылан» жаттығуы

Пілге сүйсініп болғаннан кейін тіл келесі торға барады. Ол торда ешкім жоқ, тек қана ұзын арқан жатыр. Бірақ кенеттен арқан қозғалды. Тіл оның, жылан екенін көрді. Қане,…