Зат есімнің жекеше және көпше түрі 3 сыныпқа

Сабақтың тақырыбы: Зат есімнің жекеше және көпше түрі.

Сабақтың мақсаты:

Білімділік: зат есімнің жекеше, көпше тұлғада жұмсалатындығын түсіндіру, оқушыларға жекеше түрдегі зат есімдерді көпше түріне айналдыра білуге үйрету, қосымшаларды ажырата және дұрыс жалғай білу;

Дамытушылық: ойын түрлері арқылы ізденімпаздық қабілеттерін, ой өрісін дамыту, түрлі тапсырмалар орындау барысында танымдық, іскерлік, есте сақтау қабілеттерін арттыру;

Тәрбиелік: оқушыларды ұйымшылдыққа, ауызбіршілікке, бірін-бірі сыйлай білуге тәрбиелеу.

Сабақтың түрі: жаңа сабақ.

Көрнекілігі: суреттер, оқулық, интерактивті тақта.

Сабақтың барысы

Ұйымдастыру кезеңі

Оқушылардың назарын сабаққа аудару, оқу құралдарын дайындату

Психологиялық дайындық

Балалар - гүлім менің,

Балалар – күйім менің.

Балалар – нұр сыйлайтын

Бүгінгі күнім менің – дей отырып,балалар, сендерді өзіме қуат алатын шуақты күнге теңеймін!Мынадай шуақты күн төсбелгісін сыйлаймын.

Оқушылар:

Кеудемдегі күн күлсін,

Бізге шуақ, нұр құйсын!

Мейірімді жан, өзіңмен,

Көңіліміз жайнап құлпырсын!

-Олай болса осындай жақсы көңіл күймен сабағымызды бастайық.

Бүгінгі біздің сабағымыз күндегі сабақтан ерекше болмақ. Зат есім үлкен тарау болғандықтан біз «Жеті ата» ауылына саяхатқа шығамыз. Мұндағы мақсатымыз зат есім туралы алған білімдерімізді көрсету және жаңа біліммен толықтыру.

Қызығушылықты ояту

2008 жылғы туған оқушылар бірінші топ

2009 жылғы туған оқушылар екінші топ.

Саяхатқа шығу үшін көлік әзірлеп алайық.

Бұрын ата-бабаларымыз көлік ретінде нені пайдаланды?

Атты, түйені, өгізді.

Сендер қандай көлік түрін таңдайсындар қайсысын қалайсыңдар?

Атты., ұшақты , тік ұшақты , жеңіл машина

Жарайды, онда көліктерімізді жолға әзірлейік.

Ал енді күн болса суық, қар көп жауған, жол жаман, көліктерімізге жөндеп отырайық, саяхатымызға аттанайық.

Алдымызда көрінген қай ауыл екен, қарайықшы. (Интерактивті тақтада саяхатқа баратын ауылдар картасы көрсетіліп отырады).

Балалар, біз жеткен «Ата» ауылы сендердің білімдеріңді бәйге ойыны арқылы тексермекші

Оқушылар өздері ұпай таңдайды. Әр сан артында сұрақтар жасырынған:

10 (сол жақ) – Өзін білетін сөз таптарын ата?

10 (ортадағы) – Зат есім дегеніміз не?

20 (оң жақ) – Бас әріппен жазылатын сөздерге мысал келтір?

20(сол жақ) – Жалқы есім дегеніміз не? Мысал келтір

20(оң жақ )- Қосымшаның неше түрі бар?

30 (ортадағы) – Жалпы есім дегеніміз не?Мысал келтір

30 (оң жақ) – Қандай қосымшаны жұрнақ дейміз?

40 (сол жақ) – Түбір сөз дегеніміз не?

40 (ортадағы) – Қандай қосымшаны жалғау дейміз?

50 – Сөздерді сөз құрамына талдау: асхана, Ақмаралдың, ағаның, тазалық,

Саяхатымызды ары қарай жалғастырамыз.

Алыстан көрінген қай ауыл?

«Әке» ауылы.

Бұл ауыл да бізге тапсырма дайындапты.

Семантикалық карта

1 топқа

Зат есім

Жалқы есім

Жалпы есім

бала

Астана

тау

Айжан

Есіл

әже

боран

2 топқа

Зат есім

Жалқы есім

Жалпы есім

Айдос

балық

Тайбурыл

ұшқыш

Бөрібасар

өзен

Тараз

Дәптерде жұмыс:

Қатені тап. Сөйлемдердегі жалқы есімдерді тауып, бас әріппен жаз.

1 топқа