Заттың қимылын білдіретін сөздер сабағы 1 сынып

Астана қаласы № 50 мектеп- лицей

Семинар- конференция Тақырыбы : Білімде болсын жолыңыз Бізбенен бірге болыңыз

Панорамалық сабақ

Тақырыбы: Заттың қимылын білдіретін сөздер

Қайролла М.М.

2010 ж

Мақсаты: 1. Оқушылардың заттың қимылын білдіретін сөздер туралы түсініктерін кеңейтуге мүмкіндік жасау 2. Өлеңді мәнерлеп, түсініп оқуға дағдыландыру, оқушылардың сөйлеу тілін, логикалық ойлауын, сөздік қорын,инновациялық технологияларды қолдана отырып, оқушының танымдық қабілетін дамыту 3. Жыл мезгілдері құбылыстарының өзгерісін ажырата отырып, табиғатты сүюге баулу Сабақтың түрі: дәстүрлі Сабақтың әдісі:талдау, жинақтау Көрнекілігі: кесте, интерактивті тақта(суреттер,бейнетаспа)

Сабақ барысы: 1- деңгей «Міндетті деңгей» Өзектілігі: алдыңғы сабақта жаңадан меңгерілген білімнің өзін өзгертпей қайталап, пысықтау

1. Психологиялық көңіл-күй. «Жымию»

Ойын мақсаты: Оқушылардың өздеріне деген сенім ұялату, өзара сыйластық қарым- қатынасқа тәрбиелеу, көңіл- күйлерін көтеру, жаңа сабаққа бағдарлау. Слайдпен жұмыс

шапақ сәуле

шуақ нұр

А) Мұғалім: - Балалар күннен не таралады?(шуақ, нұр шапақ, сәуле, жылу, жарық) - Осы әдемі күн сияқты біз де бір- бірімізге әдемі жымиып, күлкімізді сыйлайық Ә) Ертеде «Балалар әлемі» деген үлкен шахар болыпты.Ол шахарда үлкенді- кішілі балалар өмір сүріпті. Олар әрбір жыл мезгілінде гүл отырғызды, көбелек ұстады, сары жапырақ жинады, аққала соқты. Осындай жаймашуақ күнде аю қонжығын ертіп, осы үлкен балалар әлеміне келеді.Келсе балалар ойынның қызығына берілген екен. Аю да қонжығымен бірге ойнады, секірді, мәз- мейрам болды. Кеш батып, барлығы тарады. - Балалар осы ертегіден заттың кимылын білдіретін сөздерді табайық. 2. Қызығушылықты ояту

Өзектілігі: оқушының өткен тақырып пен жаңа білімді ұштастыруы,үйренушінің белсенділігін арттыру, сұраққа жауап беретін сөздерді ажырата білгізу, өздігінен жұмыс істей алу дағдысын қалыптастыру Слайдпен жұмыс

Оқушылар тақтадағы суреттердің не екенін тауып, кім ? сұрағына жауап беретін сөздерді бір бөлек, не? сұрағына жауап беретін сөздерді бір бөлек топтастырып жазады.

3. Ой қозғау

Өзектілігі: Үйренушінің белсенділігін, танымдық қабілетін арттыру -Балалар , бізге Алматы қаласынан хат келіпті. Олар сендерге мына бейнетаспаны салып жіберіпті. Слайдтағы суреттер

- Олар сендерден осы заттардың қимыл іс- әрекетін жазып жіберулеріңді сұрайды.