Зейінді дамытуға арналған жаттығулар, 3-сынып

Зейінді дамыту жаттығулары Мақсаты: зейіннің ауыспалылығын, тұрақтылығын, көлемін дамыту, коммуникативті дағдыларын дамыту.

Қажетті құрал – жабдықтар: үлестірмелі материалдар, қарандаштар, өшіргіштер, үнтаспа.

Сабақтың барысы Сәлемдесу. Ойын. «Бұлақ» Балалар өз еркімен өздеріне жұп таңдайды, немесе қасында тұрған адамның қолынан ұстап, жұптар бірінен соң бірі тұрып, қолдарынан ұстап, шатыр сияқты етіп жоғары көтереді. Жүргізуші олардың ортасынан өтіп, өзіне жұп таңдап, соңына қосылады. Сыңарсыз қалған бала ортаға кіріп өзіне жұп іздейді. Осылайша ойын жалғаса береді. Бұл ойын социометриялық мәнге ие және де әрбір оқушы үшін эмоциялық маңызы бар.

Сабақтың мазмұны 1 жаттығу. «Қыздар» Мақсаты: Зейіннің көлемін, тұрақтылығын дамыту. Әр қатарда 8 қыздың суреті бейнеленген 10 қатардан тұратын сурет беріледі(19 – сурет).

Тапсырмалар нұсқасы:

 Қара (ақ) бантикті қыздарды белгіле;  Қара шашты және қара бантикті қыздарды белгіле;  Ақ шашты және ақ бантикті қыздарды белгіле және т.б. Сергіту сәті. Ойын. «Би» Мақсаты: балаларды белсендіру, бірлесе әрекет етуге жұмылдыру.

Жүргізуші: «Қазір барлығымыз билейміз. Қане шеңбер құрып тұрайық та, кімнің ырғақты жақсы сезіне білетіндігін көрейік» Әуен ойналады, жүргізуші әртүрлі би қимылдарын көрсетеді. Ал оқушылар сол қимылдарды айна – қатесіз қайталап беруге тырысулары қажет. Ойын соңында ең кереметтерді анықтайды.

Ойын. «Не өзгерді?» Мақсаты: зейіннің көлемін дамыту. Негізгі принцип: өзгерістер енгізу. Алдын ала өзгерістер саны келісіледі. Жаттығуды 4 рет қайталауға болады.  Өткен сабақпен салыстырғанда бүгінгі сабақта класстың ішінде не өзгерген?