Жаһандану және ұлттық құндылықтар туралы мақала

Жаһандану – құндылыққа қауіпті ме? Жаһандану – әлемдік үстемдікке жетудің бір жолы. Бұл – ілгері дамып, жер жаһанды өз ерекшелігімен баурап алу үдерісі. Кез келген халықтың үйреншікті әдеттерінің бірі – басқа елдер не істесе, соны біз де қайталап істеу керек деген бұрыс қағиданы ұстануы. Бұл ертең неге апарады деп ойлайсыз? Ұлт тәрбиесі мен ел тағдыры қара қазандай түнекке айналмаса болғаны. Кезінде қара түнек басқан жерден жарқырап туған күн боламын деген Сұлтанмахмұт Торайғыровтың орындалмаған арманына өзі жетпесе де, ұрпағы жетеді-ау дегенде, бір жағымыздан Батыс, бір жағымыздан Шығыс елдері бұл үзілмес үміттің қарақылын қақ жаруда. Ал сол мемлекеттерге қызығып, еліктеу – біздің таңдауымыз, әрі – қателігіміз. Өзгенің көшірмесі болғанша, өз түпнұсқамызды қалыптастыратын кез келді. Әлеуметтік желілерді алып қараңызшы – әрине, қызық. Бір кірсең, шыға алмай қаласың ғой, иә. Бірақ еліктеушілігіңіз ұяттан басым ба? Екінің бірінен хоббиі, қызығушылығы туралы сұрасаңыз, ойланып қалады. Қазір дұрыс дүниеге қызығудың өзі – жетістік деуге болады. Адамның қызығушылығы – оның өмірі. Қызығушылық жақсыға да, жаманға да жетелейді. Жақсыны пайдалан, жаманды мың ойланып барып қабылда дегім келеді