Жайлауға саяхат бойынша мектепке дейінгі ашық сабақ

МКҚК «Гаухар» бөбекжай балабақшасы

Ашық ұйымдастырылған оқу қызметі

Тақырыбы : «Жайлауға саяхат »

«Ақ көгершін» Ортаңғы тобы

Тәрбиеші: Г.Наурызбаева

2018-2019 оқу жылы

Білім беру саласы «Қатынас» «Таным» «Әлеуметтік орта»

Бөлімі: Тіл дамыту. Қарапайым математикалық түсініктерді қалыптастыру. Қоршаған ортамен таныстыру.

Тақырыбы:«Жайлауға саяхат»

Мақсаты:

Білімділік:Балалардың жыл бойы алған білімдерін бекіту. Байланыстырып сөйлеу дағдыларын меңгеріп, қойылған сұраққа толық жауап беруге үйрету. Түстерді ажыратып, пішіндерді атау, жануарларды салыстыру( үлкен-кіші; көп-біреу, ұзын- қысқа) білімдерін бекіту.

Дамытушылық:Үй жануарларының төлдерінің қалай дыбыстайтының ажыратып айту, тура және кері санау дағдысын бекіту. Әр түрлі тапсырмаларды орындату арқылы балалардың логикалық, танымдылық, ойлау, есте сақтау қабілеттерін дамыту.

Тәрбиеленушілік:Үй жануарларына, қоршаған ортаға деген сүйіспеншілік сезімге және қамқорлықпен қарауға тәрбиелеу.

Көрнекіліктер:Үлестірмелі материалдар, проектор, көрнекілік материал слайд түрінде геометриялық пішіндер.

Сөздік жұмыс: Үй жануарлары, жайлау, саяхат,

Алдын-ала жүргізілетін жұмыстар: Үй жануарлары туралы мақалдар жаттау, үй жануарларының пайдасы туралы айту.

Әдіс-тәсілдер: Көрсету, түсіндіру, ойындар, сұрақ- жауап әдістер.

Билингвальдық компонент: Зеленый-жасыл- green, yellow-желтый- сары,

ит – собака-dog, сиыр корова-cow, красный-қызыл- red, весна- көктем- spring.

Әрекет кезеңдері

Тәрбиешінің іс-әрекеті

Балалардың іс-әрекеті

Мотовациялық қозғаушылық

Шаттық шеңбер:

Шеңберге тұрайық, достарымызбен қол ұстасайық! Барлығымыз жақсы көңіл-күйде бір-бірімізге тілегімізді айтайық! Бір-бірімізге қарап күлкімізді сыйлайық!

Қол алысып, қәне, біз,

Достасайық бәріміз.

Айтарым бар сендерге,

Тез тұрыңдаршеңберге.

Қандай жақсы бір тұру,

Достарменен бір жүру!

Қандай жақсы дос болу!

Балалар шеңберге тұрып бір- бірімен достасып амандасады.

Ұйымдастыру

шылық –ізденістік

Тосын сый:

Тәрбиеші: Пошта жәшігін қарап хат алады.

Ой балалар қараңдаршы бізге ауылдағы жайлаудан хат келіпті. Хатты кім жазғанын көрейін. Хатты Айман әжей жазған екен.

Тәрбиеші: Ендеше мен балалар сендерге хатты оқып берейін.

Сәлеметсіздер ме, Балалар!

Мен сендерден көмек сұрап хат жазып отырмын, біздің жайлауға Қасқыр келіп үй жануарларының төлдерін алып кетті соны табуға көмектесіңіздерші?

Тәрбиеші: Балалар Айман әжейге көмектесеміз бе?

Жайлауға бару үшін балалар қандай көлік түрін таңдаймыз?

Сұрақ – жауап.

Тәрбиеші: Не үшін автобуспен барамыз?

Автобуспен бару үшін бізге не қажет?

Жарайсыңдар балалар ендеше мен сендерге автобуспен бару үшін билет беремін. Біздің билетіміз өзгеше. Балалар біздің билеттеріміз неге ұқсайды.

Түстері қандай?

Жарайсыңдар балалар.

( Балалар автобусқа мініп өлең айтады)

Ендеше балалар қолымыздағы пішіндерге қарап орнымызды табайық.

Жайлауға келіп те қалдық балалалар.

Айман әжей: Сәлеметсіздер ме, Балалар!

Сендерге келгендеріне көп рахмет.