Жасыл әлемге саяхат, мектепке дейінгі ашық сабақ

Атшыбаева Роза

«Айналайын» бөбекжайы

Маңғыстау облысы

Түпқараған ауданы

Жасыл әлемге көмек.

Білім беру саласы: Әлеумет

Ұйымдастырылған оқу қызметі: Қоршаған ортамен таныстыру. Тақырыбы: Жасыл әлемге көмек.

Мақсаты: Балалардың бау-бақшадағы еңбектер туралы түсініктері кеңейеді.

Күтілетін нәтиже: Балалар бау-бақшадағы ағаштарға көмек бере алады. жасыл әлемге қамқор бола алады.

Көрнекі құралдар: Интербелсенді тақта, күрек, тырма, шелек, дәнді дақылдар, суреттер.

Залға тәрбиеші балалармен бірге кіріп келеді.

Шаттық шеңбері:

Шаттық толы шеңберге,

Қуанышпен еніңдер.

Шақырамын сендерді,

Жолдастарым кел бері.

Толтырайық шаттыққа,

Дөңгеленген шеңберді.

Алдыменен қонақтармен,

Амандасып алайық,

Сәлеметсіздер ме!

Қазір жылдың қай мезгілі?

Көктем мезгілінде табиғатта қандай ерекшеліктер болады?

Көктем өсімдіктер әлемінің тіршілігі үшін ерекше мезгіл. Бұл мезгілде өсімдіктер әлемі адамдардың көмектеріне өте мұқтаж болады. (слайд жүру керек). Сол себепті көзімізбен көріп, қолымызбен ұстау үшін өсімдіктер әлеміне саяхат жасайық.

Экраннан бақташы ата сөйлейді.

Сәлеметсіздер ме, балалар! Сендердің маған көмектерің қажет болып тұр. Өсімдіктер әлемінің жандануына көмектесіп жібересіңдер ме? Олай болса тәрбиеші апайларыңда тапсырмалар бар, сол тапсырмаларды орындаңдар.

Ал, кәне, балалар, іске кірісейік, іске сәт. Күрек, шелек, суқұйғыш. Күн жылуы, жаңбыр, құнарлы құм арқылы. Гүлдердің қауашақтары тұрады. Осыларды балалар ажыратып үш топқа бөлініп тұрады.

Көкөністердің дәндерін ажырат.

Дәндердің ішінен асқабақ, күнбағыс, қауын, қарбыздардың дәндерін ажыратып, суреттеріне орналастырады.

Бақшаға дәндерді егіп, баптау.

Сандар арқылы топтастыру.

Жапырақтары арқылы гүлдерді ажырату.

Қоңырау, раушан, бәйшешек гүлдерін жапырақтары арқылы ажыратып жапсыру.

Құралдарын ажырат ойыны.

Шарты: Құрлысшы мен бағбаншының құралдарын ажыратып, орналастырады.

Балалардың орындаған жұмыстарын қорынтылау.

Бақташы ата: Рахмет балалар, сендердің еңбектеріңнің арқасында көп жұмыстарымды бітірдіңдер. Еңбек етсең ерінбей, тояды қарның тіленбей дегендей сіздің істеген іс-әрекеттеріңе дәл риза болып отырмын! Ендеше сау болыңдар!

«Жасыл әлемге қамқор». Балалар көңілді тілек, мақал-мәтелдері арқылы ойларын қорытындылайды. (Түрлі табиғатты қорғау белгілерін арқылы, тілек мақалдарын айтып ағаштарға іледі).