Жалқау жануарлар 5-сыныпқа арналған сабақ жоспары

Бөлім атауы

Жануарлар мен өсімдіктер әлемі

Бөлімше атауы

Жалқау жануарлар

Сынып: 5

Қатысқандар:

Қатыспағандар:

Сабақтың оқу мақсаттары:

5.О5. Мәтін мазмұнын түсінуге,нақты ақпараттарды анықтауға бағытталған сұрақтар құрастыру

Сабақ мақсаттары:

Барлық оқушылар орындай алады:

Мәтін мазмұнын түсінеді, ақпаратты анықтауға бағытталған сұрақтарды құрастырады.

Оқушылардың көпшілігі орындай алады:

Мәтін мазмұнын түсіне отырып, өз пікірлерін білдіре алады.

Кейбір оқушылар орындай алады:

Өз көзқарастарын тұжырымдай алады.

Тілдік мақсат

Оқушылар орындай алады: Мәтін мазмұнын түсінуге,нақты ақпараттарды анықтауға бағытталған сұрақтар құрастыра алады

Пәнге қатысты сөздік қор мен терминдер:

Жануарлар, жалқаулық, құрғақшылық, қоян, азап шегу т.б.

Диалог құруға арналған пайдалы тіркестер:

Менің ойымша..., сондықтан..., сол себепті...

Талқылауға арналған сұрақтар:

Не себепті қоянға су ішуге тыйым салынды?

Қоян өз қателігін түсінді ме?

Бағалау критерийі

Мәтін мазмұнын түсіне алады

Сұрақтар құрастыра алады

Мәтіннен нақты ақпаратты анықтайды

Құндылықтарға баулу

Адамгершілік құндылықтарға баулу

Пәнаралық байланыс

Өзін-өзі тану

АКТ дағдыларын қолдану

Таныстырылым, оқылым мәтіні, суреттер

Алдыңғы оқу

Коммуникативтік жағдаятқа сай, одағай сөздерді еркін қолданып, диалогқа даярлықсыз қатысып, өз пікірін білдіре алады

Сабақтың басы

2 минут

Психологиялық ахуал қалыптастыру

Оқушылармен амандасу, топқа бөлу

«Жүректен жүрекке» әдісі арқылы оқушылар төрт түрлі стикерге өз тілектерін жазады, содан соң бір-біріне тілектерін оқып, стикерлермен алмасады. Белгіленген уақыт аяқталған соң, мұғалімнің нұсқауымен стикер түстері бойынша топтарға бөлінеді.

Жаңа сабақ

3 минут

Білу, түсіну

Оқылым алды тапсырмасы

Жануарлар мінездерін топтастыру

Оқушылар, тақтада көрсетілген графикалық органайзерге назар аударыңыздар. Жануарларға тән қандай ерекше қасиеттерді білесіңдер?

Кері байланыс: «Қолпаштау»

Ортасы

10 минут

Қолдану

Талдау

Жинақ-тау

15 минут

Сергіту сәті

2 минут

Бағам-дау

5 минут

Оқылым тапсырмасы

1.Мәтін бөліктерін «Stop-kadr» әдісі арқылы оқиды. Мәтін жалғасына болжам жасайды.

Саралау. Дарынды және талантты оқушылар: Мәтін жалғасына болжам жасай отырып, өз ойларын айтады, өз ойларын тұжырымдай алады.

Жалқау қоян

Баяғы өткен заманда орманда құрғақшылық

болыпты. Жаз келсе де бір тамшы су жаңбыр жаумапты. Шөлден азап шеккен жануарлар бір шарасын ойлап табуға жиналыпты.

Жануарлар қандай шара ойлап тапты деп ойлайсың?

Сөйтіп, араларындағы біреуінің ұсынысымен

құдық қазуға бел буыпты. Барлық жануарлар тіпті құстарға шейін күндіз-түні еңбек етіп құдық қазуға кірісіпті. Бірақ араларындағы қоян ғана: «Мен әлі кішкентаймын!»,- деп жалқауланып жұмыс істегісі келмепті. Қоянның бұл еркелігі өзге жануарлардың ашуына тиіпті. Сөйтіп жануарлардың еңбегі босқа кетпей, қазған құдықтарынан мұздай су шыға бығыпты. Мұны көрген олар қуанып, суды қанып ішіп, әрі жуыныпты. Ал құдықтың қазылуына көмектеспеген жалғыз қоян ғана су іше алмапты. Орман патшасы арыстан қоянның құдыққа жақындамауы үшін күн сайын кезекші тағайындапты.

Арыстанның бұл әрекеті дұрыс па?

Қоян істеген ісіне іштей өкінсе де, бұл өкінішінен

ешқандай пайда болмапты. Бір күні түнде кезекшілік кезегі пілге келіпті. Пілмен дос болған қоян «ешкімге білдіртпей су берер»,- деген оймен қасына барыпты. Сөйтсе піл ұйықтап жатыр екен. Қанша оятса да ұйқысынан тұрмапты. Болмаған соң құлағына барып айқайлапты. Ұйқысынан шошынып оянған піл құдықтың шетінде үйіліп тұрған үйіндіге соқтығысып, үйіндіні құдықтың ішіне құлатып алыпты. Осылайша құдық бітеліп қалыпты. Болған оқиғаға қатты қайғырған піл: «Мұның бәрі менің кесірім! Енді не ішеміз? Ертең жануарлар не дейді?»,- деп жылай бастапты.

Қоян не істеді деп ойлайсыңдар?

Қоян: «Достым, қайғырма, бір жолын табармыз. Екеуміз де осы құдықты қазатын болсақ, таң атқанша бітіріп қалармыз»,- депті. Сонда піл: «Сен кішкентай әрі әлсізсің ғой»,- десе қоян: «Енді көр де тұршы менің қалай жұмыс істейтінімді!»,- депті. Шынында да қоян білегін сыбанып, іске кірісіп, таң атқанша пілмен бірге құдықты қазып тастапты. Ертеңіне піл барлық жануарларға қоянның еңбегін айтып мақтапты. Барлығы шапалақ ұрып, құдықтан су ішуіне енді лайықты болғанын айтыпты. Қоян су ішкенімен қоймай, өзге жануарлармен қайта татуласқанына да қатты қуаныпты. Өзін орманның бір мүшесіндей бақытты сезініпті. Олай болса, балалар «Еңбектің наны тәтті, жалқаудың жаны тәтті»,- деп ата-бабаларымыз бекерге айтпаса керек.

Бағалау критерийі

Дескриптор: