Жаңа бастама жаңа өзгерістер эссе үлгісі

Алматы облысы

Балқаш ауданы

Бақбақты ауылы

«№1Жамбыл атындағы орта мектебі»МКМ

Информатика пәнінің мұғалімі

Рахимова Эльмира Турарбекқызы

Жаңа бастама , жаңа өзгерістер

(эссе)

«Егер қоғам қайраткері болуға қабілетті робот құрылса, ол

оның ішінде ең үздігі болар еді. Робот техникасының

тұжырымдамасы бойынша, ол адамдарға зұлымдық келтіре

алмас еді, зорлық-зомбылықты, параға сатып алуды,

ақымақтық пен жалған сенімді білмейтін болар еді...»

Айзек Азимов «Мен, Робот» кітабынан

Елбасымыз Н.Ә.Назарбаев Қазақстан халқына Жолдауында «Біз бүкіл елімізде әлемдік стандарттар деңгейінде сапалы білім беру қызметіне қол жеткізуге тиіспіз. Қазіргі таңда ақпараттық-коммуникациялық технологиялар біздің елімізде де жоғары қарқынмен дамып келеді. Білім беруде жаңа технологиялық әдістермен қатар жаңа ақпараттық технологияларды да қолданудың мүмкіндігі жасалып отыр» деген болатын. Жас буынды жаңашылдыққа жетелеу деген сөз. Жаңашылдық – білім жүйесіне инновациялық технологияларды енгізе отырып, оқушыны заман талабына сай етіп дайындап шығару.

Біз ұстаздар қауымы қандай болмасын жаңалыққа құлақ түре жүретініміз айқын. Жаңа технологияларды сабақта қолданудың тиімділігін қашан да жолға қоярымыз анық. Қазіргі білім беру саласында оқытудың жаңа технологияларын меңгермейінше сауатты,жан-жақты маман болу мүмкін емес.Әрине,маманның сапасы мұғалімнің біліктілігіне тікелей байланысты.Дана халқымыз «Ұстазы жақсының – ұстанымы жақсы » деп текке айтпаған.Өйткені қай кезеңде , қай қоғамда болсын жеке тұлғаның қалыптасуы ұстаздан басталады.Білім саласындағы түбегейлі өзгерістер де ұстаздан үлкен жауапкершілікті талап етеді.Әр ұстаз оқу-тәрбие жұмысына шығармашылықпен қарап,жаңа заман талабына сай,бағдарлама мазмұнына сай сабақты түрлендіру мақсатында оқытудың түрлі әдістерін пайдаланса,игі нәтижеге жетері сөзсіз.

Осы мақсатта мен «Робототехника» курсына келіп білім алудамын. Бұл курстың мен үшін орны ерекше.Курстан көптеген өзіме қажетті мағлұматтар мен бағыт-бағдар алғаныма қуаныштымын. Әрине, өз оқушыларымды осы алған білім нәрімен сусындатып, алдағы уақытта тәжірибемді жалғастырмақпын. Аталмыш курстың бұрынғы өткізіліп келген курстардан айырмашылығы – алған теориялық білімімізді тәжірибемен ұштастырудамыз.Әр күнгі сабағымыз біреуі біреуіне ұқсамай,қызықты өтіп,сабаққа деген қызығушылығымыз күннен-күнге арта түсті деп айта аламын.

Қазақстанның қазіргі уақытта келелі мәселелерінің бірі – инженерлік кадрлардың жетіспеушілігі мен инженерлік білімнің төмен статусқа ие болуы. Роботтарды күнделікті өмірде, өндірісте пайдалану үшін,…