Жаңа жыл ертеңгілігіне арналған мерекелік материал

«Қош келдің, Жаңа жыл!»

Бастауыш сынып оқушыларымен өткізілетін сценарий

Мақсаты: Балаларға Жаңа жыл мерекесі туралы мағлұматты жетілдіру. Жаңа жыл мерекесінің қызықтарын, әдемі көріністерін тамашалау арқылы қоршаған ортаға қызығушылығын арттыру. Балаларды бір - біріне деген достық сезімге, сүйіспеншілікке тәрбиелеу.Қажетті құралдар: Жаңа жылдық шырша, ертегі кейіпкерлері, ойын құралдарыӘдіс – тәсілдері: Ән айту, би билеу, көркем сөздер оқу, ертегі көріністерін сахналау.Зал Жаңа жыл мерекесіне сай безендірілген.

(Мерекелік әуен ойналып балалар кіреді. Балалармен ертегі кейіпкерлері ,Маша мен Аю,ескі жыл Ит кіреді.)

Маша:Құрметті біздің оқушылар, қонақтар, ұcтаздар!Барлығыңызда бүгінгі Жаңа жылдық шырша тойына қош келдіңіздер! Бүгінгі шыршамызға сән беретін мерекелік шеруімізді бастайық!

Ит:

Қош келдіңіз бүгінгі кешімізге,Жаңа табыс тілейік ісімізге.Келе жатқан жаңа жыл құт әкелсін,Мына отырған барша жан бәрімізге.

Миша:

Сіз де қош келдіңіз, Ит жылы! Сіздің биылғы жылыңыз да құтты болды.Заман дағдарысына қарамастан молшылық болды. Өз жылыңызға ризасыз ба?ИТ жылы: Әрине ризамын. Биылғы менің жылымда көптеген жаңалықтар болды.

Маша:

Жасыл желек жамылған,

Асыл моншақ тағылған,

Miнe, сұлу шыршамыз,

Көптен күтіп, сағынған!

Миша:

Уа, халайық, той бүгін

Бақыт, шаттық мол бүгін.

Қызық көріп, тойлаңдар,

Маңайға жар салыңдар!

Сіздерді келе жатқан жаңа 2019 жылмен құттықтаймыз!

Жаңа жылда көтеріңкі көңіл - күй, зор денсаулық, сәттілік және бақыт тілейміз.

Маша:

Олай болса, бұл не тұрыс?

Жаңа жылға арналған мерекемізді бастайық!

«Вальс» биі

Миша:

Ендеше, кім де кім бар дауыспен ән салса,

Кім де кім шаршағанша билесе,

Кім де кім қалыспай ойындарға қатысса,

Соған, Аяз атаның сыйлығы бар екен.

Маша:(кричалка)

Олай болса, балалар,

Бар дауыспен ән шырқаймыз ба?

Шаршағанша билейміз бе?

Бүгінгі мерекеде тәртіп бұзып, тентек боламыз ба?

Құмарымыз қанғанша ойын ойнаймыз ба?

Бәрекелді, олай болса, мерекемізді бастаймыз!

1 кл ата-анасы «Жаңа жыл» әні

Миша:

Балалар, енді, әдеттегідей жаңа жыл мерекесін жүргізу үшін бір нәрсе жетіспей тұрған сияқты. Қалай ойлайсыңдар, ол не?

Әрине, Аяз ата мен Ақшақар жетіспей тұр. Олар біздің мектепті таба алмай жүрген болар.Кәнеки, бар дауыспен оларды шақырып көрейік, бәлкім, естіп келіп қалар.

Естімей жатыр, тым алыста болар. Кәне, бейне бақылаудан қарап көрейік.

Әне-әне келе жатыр екен, кәне бар дауыспен шақырайық, әйтпесе басқа жаққа кетіп қалар.

(Балалар дауыстап шақырады, боран соғады, залға қарша қыздар кіріп билейді, Аяз атаға жол ашып, жерге қалықтап қонады)

(Аяз ата шанасын сүйретіп залға кіреді.)

Аяз ата:

Ассалаумағалейкум,

жұртым, жиналған!

Көңілдерің дүр маржан!

Айналайын ұлдардан,

Айналайын қыздардан!

Аяз атаң мен Ақшақар

Келді, мінеки, алыстан!

Миша::

Бәрекелді, алақай, Аяз ата мен Ақшақар келді, қол соғып, қошеметтеп, сәлемдесейік баршамыз! 1,2,3! (Барлығы сәлемдеседі)

Ақшақар:

Сәлем бердім баршаға,

Сіздермен қауышқаныма қуана!

Неткен нұрлы жүздерің,

Неткен сұлу шыршаларың!

Бірақ, ата, қараңызшы,

Шырша шамдары жанбаған.

Аяз ата:

О, не дегенің қызым!?

Шыршаны шамын жағамыз,

сиқырлы сөзді айтып,

шыршаны лезде жайнатамыз!

Кәнеки, балалар, бәріміз бір дауыспен :

Шырша, шырша таңырқат,

Шыршамызды жарқырат! – дейік. 1,2,3!

Шырша, шырша таңырқат,

Шыршамызды жарқырат!

ШЫРША ШАМДАРЫ ЖАНАДЫ

«самбо » биі

Ақшақар:

Таң қалдырып баршаны,

Шыршамыз жарқырап жайнады.

Құбылтып, құлпыртып айналаны

Сиқырлы сәулелер жан-жаққа тарады.

Кәнеки, бәріміз қол ұстасып, сұлу шыршаны айналып ән шырқайық!

Хоровод: «Аппақ, аппақ жапалақтап»

Аяз ата:

Бәрекелді, тамаша! Әнді керемет шырқадыңдар, жарайсыңдар! Енді өздерің көріп тұрғандай құр алақан емеспіз, Ақшақар екеуіміз сендерге арнаған сый-сияпаттарымыз бар. Қане кімнің өнері бар?

Ақшақар:

Ата, бар ғой, ең кішкентай бүлдіршіндерімізден бастасақ қайтеді?

Аяз ата:

Әрине, балам, тек тізімді алып шық, бірде-бір бала құр қалмасын.Ал, бастайық!

Даярлық топ: «Жыл басына таласқан хайуанаттар»

Ата-аналар «Қызықты ертегі»

Ойын «Буги буги окей»

Балам, бәріне бердік пе? Енді ең негізгі сыйлығымды әпере ғой, баршаға табыстайық.

Ақшақар:

Ой, ата, ол сыйлық мұнда жоқ.Ол қайда? Бағана болған.

Аяз ата:

Қой, дұрыстап қарадың ба? Енді қайттік?

Ақшақар:

Дұрыстап қарадым, мұнда жоқ. Енді қайттік? Онсыз жаңа жыл келмейтін болды ғой, ата -деп жылайды.