Жаңа жылдық сценарий 2025–2026 оқу жылына 4-сынып

Жаңа жыл 2019 қош келдің!

Мұғалім:

- Армысыздар құрметті ата-аналар, ұстаздар, балалар! Міне, көптен күткен Жаңа жыл мерекесі де келіп жетті. Жаңа жыл жаңа бақыт, жаңа қуаныш әкелсін. Еліміздің еңсесі биіктеп, ашық аспан астында, бибітшілік заманда еш уайым-қайғысыз бақытты өмір сүрейік.

Бүгін сізге жырдан алқа тағайын,

Шат күлкіге толы болсын маңайың

Көргендер де, көрмеген де арманда.

Жаңа жылың құтты болсын, ағайын!

Зеңгір көкте жұлдыз болып жанайын,

Ай жүзіндей айшықтанып арайың.

Жанға шуақ, бойға қуат әкелген,

Жаңа жылың құтты болсын, ағайын!- дей келе, бүгінгі ертеңгілігімізді бастауға рұқсат етіңіздер!

1-жүргізуші:

Жаңа жыл шыршасы жанады,

Қызыққа адамдар батады

Сиқырға сентін адамға

Жаңа жыл есігін ашады.

2-жүргізуші:

Бөленіп мол әнге, мол жырға

Жаңа жыл шыршасы жарқыра

Достарды мейрамға шақырып

Арманын олардың орында

- Уа, халайық, бастауыш сынып оқушыларын қошеметпен қарсы алайық!

(Жаңа жылдық әуенге балалар қол ұстасып мерекелік залға кіреді, шыршаны айналып орындарына жайғасады.)

1-жүргізуші:

-Қымбатты қонақтар, бүгінгі жаңа жылдық мерекемізді барлығымыз көтеріңкі көңіл – күймен, әсем әнмен, сәнді бимен өткізуге ат салысайық!

(4- сынып «Санта Клаустар» биі )

Мұғалім:

- Балалар, біз міне мерекені бастап би де билеп кеттік. Ал, басты кейіпкерлеріміз жетіспей тұрған сияқты. Оларсыз мерекеміз де көңілсіз.

Қалай ойлайсыңдар, олар кімдер?

Әрине, Аяз ата мен Ақшақар жетіспей тұр. Олар біздің мектепті таба алмай жүрген болар.Кәнеки, бар дауыспен оларды шақырып көрейік, бәлкім, естіп келіп қалар.

Естімей жатыр, тым алыста болар. Кәне, тағы бір рет, бар дауыспен шақырайық, әйтпесе басқа жаққа кетіп қалар.

(Балалар дауыстап шақырады, боран соғады, Аяз ата мен Ақшақар келеді)

Аяз ата:

Ассалаумағалейкум,

жұртым, жиналған!

Көңілдерің дүр маржан!

Айналайын ұлдардан,

Айналайын қыздардан!

Аяз атаң мен Ақшақар

Келді, мінеки, алыстан!

Жүргізуші:

Бәрекелді, алақай, Аяз ата мен Ақшақар келді, қол соғып, қошеметтеп, сәлемдесейік баршамыз!

Ақшақар:

Армысыздар, барша жиылған қауым!

Жаңа жылдарыңыз құтты болсын!

Жаңа жыл бірлік пен татулық жылы болсын.

Әр отбасы үшін ырыс пен береке жылы болсын.

Аяз ата:

Қандай әсем жүздерің

Қандай мөлдір көздерің

Керемет бір ән тыңдап

Келіп тұр-ау демалғым

Жүргізуші:

Хоровод: «Аяз ата»

Ақшақар:

Неткен нұрлы жүздерің,

Неткен сұлу шыршаларың!

Бірақ, ата, қараңызшы,

Шырша шамдары жанбаған.

Аяз ата:

О, не дегенің қызым!?

Шыршаның шамын жағамыз,

Сиқырлы сөзді айтып,

Шыршаны лезде жайнатамыз!

Кәнеки, балалар, бәріміз бір дауыспен :

Шырша, шырша таңырқат,

Шамдарыңды жарқырат! – дейік. 1,2,3!

Шырша, шырша таңырқат,

Шамдарыңды жарқырат!

ШЫРША ШАМДАРЫ ЖАНАДЫ

Ақшақар:

Таң қалдырып баршаны,

Шыршамыз жарқырап жайнады.

Құбылтып, құлпыртып айналаны

Сиқырлы сәулелер жан-жаққа тарады.

Кәнеки, бәріміз қол ұстасып, сұлу шыршаның жанында ән шырқайық!

1-сынып «Шырша жыры»

Аяз ата:

Бәрекелді, тамаша! Әнді керемет шырқадыңдар, жарайсыңдар! Енді өздерің көріп тұрғандай құр алақан емеспіз. Ақшақар екеуіміздің сендерге арнаған ең негізгі сыйлығымыз бар. Кәне, қызым, шаршаның астынан әпере ғой, баршаға табыстайық.

Ақшақар:

Ой, ата, ол сыйлық мұнда жоқ.Ол қайда? Жаңа болған.

Аяз ата:

Қой, дұрыстап қарадың ба? Енді қайттік?

Ақшақар:

Дұрыстап қарадым, мұнда жоқ. Енді қайттік? Онсыз жаңа жыл келмейтін болды ғой, ата -деп жылайды.

Аяз ата:

Қой, жылама, қызым, бір амалын табамыз.Балалар, сендер көрген жоқсыңдар ма?

Балалар:

Жоқ, көрген жоқпыз.

Жүргізуші:

Ата, уайымдамаңыз. Көмекке биылғы жылды бізбен бірге өткізген иісшіл досымызды шақырып көрейік.

- Балалар, көмекке нені шақырамыз?

Балалар:

- Итті

Ит:

-Аф-аф, менен қандай көмек қажет болды?

Ақшақар:

-Біз ең басты сыйлығымызды жоғалтып отырмыз. Шыршаның астынды тұрған.

(Ит шырша астына барып иіскелеп шығады)

Ит:

-Мен ізіне түстім, көп кешікпей тауып әкелемін. (кетіп қалады)

Жүргізуші:

- Аяз ата, Ақшақар, көңілдеріңіз түспесін. Сіздерге арнап 1-сынып оқушылары тақпақтарын айтып береді.

(1-сынып жаттаулары)

(Ит пен Маша келеді)