Жаңаөзен мұнайына 55 жыл туралы танымдық мақала

Тақырыбы: «Жаңаөзен мұнайына 55 жыл»

Сабақтың мақсаты: Оқушыларды киелі Маңғыстау өңіріндегі Жаңаөзен қаласындағы мұнай ордалардың шығу тарихымен байлығымен таныстыру.Туған өлкесінің, жерінің табиғатын қорғауға баулу.

Сабақтың көрнекілігі: слайд.

Сабақтың барысы. Ұйымдастыру кезеңі.

— Біздің қаламыз қалай аталады?

— Жаңаөзен қаласының әкімі кім?

— Облысымыз қалай аталады?

— Біз қай мектепте оқимыз?

Кіріспе: Жаңаөзен қаласы туралы мағлұмат беру. /слайдтан көрсету/

Жаңаөзен қаласы — Маңғыстау облысындағы жаңа дамып келе жатқан жас қала. Облыс орталығы — Ақтау қаласынан 150 км қашықтықта орналасқан. Қала 1968 жылы қаланған. Биыл Жаңаөзен мұнайына 55 жыл толып отыр. Тұрғындар саны 130 мыңға жуық. Қалада жалпы 17 шағын аудан бар: оның 6 шағын ауданы – көп қабатты үйлер, қалғандары жер үйлерден тұратын шағын ауылдар. Және осы аудандарға іргелес Теңге(қазақ ауыл депте айтады) деген үлкен ауыл бар. Қаламызда 22 мектеп, 20 — дан астам балабақша, «Мұнайшы» мәдениет үйі, 2 спорт кешені, музыкалық мектеп, қалалық, аудандық емханалар, медициналық колледж, 4кәсіптік оқу орны, кітапханалар бар.

Қаланың экологиясы шөлейтті, жазық дала. Негізгі шаруашылығы — мұнай және газ өндірістері. Ауыл шаруашылығы да даму үстінде.

Жаңаөзен мұнайы:Маңғыстау мұнайының мерекесі осы саланың ардагерлерін ардақтап, аймақтың әлеуметтік жағдайының әлеуеттілігін арттыра түскен игі іс-шараларға толы болды 1961 жыл Маңғыстау аймағы үшін «ақ түйенің қарны жарылып», атағы әлемге жайылған жыл болды. Сол жылы 5 шілдеде Жетібай жеріндегі бұрғылау шебері Николай Петровтың бригадасы қазу үстіндегі №6 ұңғыдан түбектегі тұңғыш қуатты мұнай бұрқағы атқылады. 1961 жылы 5 қаңтарда Өзен алаңында атақты бұрғылау шебері Ғазиз Әбдіразақовтың бригадасы қазған К-18 ұңғысынан Маңғыстауда тұңғыш табиғи газ алынды. Сол жылы 1 желтоқсанда, бұл күндері халық «Маңғыстаудың өзені – қара алтынның өзегі» деп орынды атап жүрген Өзен кен орнынан бұрғылау шебері Михаил Кулебякиннің бригадасы бұрғылап жатқан №1 ұңғыдан күшті мұнай бұрқағы атқылады. Міне, содан бері 55 жыл. Ал 1964 жылдан бастап Тасболат, Теңге, Қансу, Қарамандыбас, Жалғызтөбе, Шығыс Қаратұран, 1974-1976 жылдары Қаражамбас, Қаламқас, Солтүстік Бозашы кен орындары ашылды.…