Күнжақсы Қыдыршаеваның өмірі мен қызметі туралы мақала

Күнжақсы Қыдыршаева өмірі мен қызметі

Айткамбет Жақсыгүл, ПИМНО-22-2 с/о тобының студенті,ЖШС Каспий өңірі «Болашақ» колледжі

Күнжақсы Қыдыршаева 1948 жылы 12 қарашада Маңғыстау облысы Жармыш ауылында дүниеге келген. Адам баласына есім тегіннен тегін қойылады ма? Ата-ана өмірге келген сәбиінің есімін көрер күні жақсы болсын деген ниетпен Күнжақсы қойған. 1955-1963 жылдар аралығында Жармыш Орта Мектебінде білім алған. Сол жылдары Маңғыстау аумағында 10 жылдық екі мектеп болды. Біреуі Таушықта, екіншісі Ұштағанда. Жалпы орта мектепті бітіргеннен кейін Күнжақсы 1964-1965 жылдар аралығында Таушық Училищесін механизатор мамандығы бойынша аяқтаған. Бұл оқу орнын бітіргендер өлкенің экономикасының шаруашылығын көтеруге бір кісідей ат салысты. Таушық училищесінің деңгейі қазіргі жоғарғы оқу орынның деңгейімен бірдей болған. Білімді ұрпақ — болашаққа бастар жарық жол. Бұл сөздің мән-мағынасын ашып, кеңінен түсіндірмесек те жас ұрпаққа тікелей қатысты дүние екені айдан анық. Еліміздің бүгіні мен ертеңі және келешегі биіктерден көрініп жоғары өрлеуі – осындай мықты училище, білім ұйымдарынан тәрбие мен білім алған аға-апаларымыздың еңбегі.

Күнжақсы - әке-шешесінің тұңғышы, отбасында баланың үлкеніне жауапкершілік артылады, егер ата-ана олардың жан дүниесін түсініп, дер кезінде бағыт-бағдар көрсетсе, ол ата-ананың үлкен қолғанаты болатынына күмән жоқ. Өмірде баланың тұңғышы отбасына үлкен ықпалы болып, кейінгі тумаластарына қамқор болатындығын көзімізбен көрдік. Бұрындары отбасында балалардың үлкені артқы тумаластарды бағып жеткізді, бала бақшада емес.

Күнжақсы ата-анасынан алған тәрбиесін өмірде дәлелдей алды. Қыдыршалар отбасы механизатор мамандығын меңгергендер еді. Атасының балаларына тәлімдік, тәрбиелік істерді дарыта, еңбекқорлықты сіңіре білуі, ақыл-кеңес беруі – балаларының өмірден өз орнын таба білуі – ұядағы тәрбиенің мықтылығынан деп түсінген жөн.

Колхоз, совхоз шаруашылығында көлікке тірелмейтін мәселе жоқ. Оның балалары көліктері бұзылса, әп-сәтте жөндеп алатын. Мал азығын дайындау, оны қора басына тасу, малшылар отбасын көшіру, қайта қыстаққа қоныстандыру - барлығы көлікпен істеледі.

Жазғы егін егудің әзірлігі шаруашылықта үлкен рөл атқарады. Қысқа мал азығын дайындау, табиғат апаттарының қиындықтары мен көші-қон жұмыстарын орындау шаруашылықтағы ең маңызды міндеттердің бірі.

Машина, трактор көліктері мұндай жұмыстарды бел шешпестен атқарады. Алай-дүлей боран болып, мал ықтасында қалуы ықтимал, сондықтан әрбір актив отар басында болуы, ал карантин малдарды алдын-ала қыстақта ұстап, жағдайы нашар малдарды қорада, не таудың кеуегінде паналата тұру малшыларға ескертпе. Мұндай жағдайда шоферлар қыста тездетіп, аяқ астынан малшының үйінің төбесін жабуға ағаш, жыңғыл, керек-жарағын тауып әкеліп, қолғабыс тигізді.

Бұрындары сары май өндіру, оны мемлекетке өткізу, брензе басу жұмыстарына әзірлік жүргізілді, оны тасу да көлік айдаушылардың міндетінде. Өлкеде ағаш отырғызу жұмыстары бұл жылдарда қарқынды жүргізілген. Маңғыстау өлкесінің табиғат жағдайына байланысты орман, тоғайы болмағандықтан, өлкеге ағаш отырғызу ХIХ ғасырдың бірінші жартысынан басталғандығын облыстық мұрағат материалдары растайды. 1905 жылғы облыстық статтың материалында өңірге Мақашқаладан кеме арқылы талдар әкелінді, оны колхоз, совхоздарға тасу – жүргізушілердің міндеті. Олар осы іске белсенді араласты.

Күнжақсының жұбайы Кеңесбаев Бұзаубай да (1948 ж) - механизатор мамандығы бойынша жұмыс жасаған білікті маман. Кеңесбаев Бұзаубай мен Қыдыршаева Күнжақсы 2 ұл және 4 қыз тәрбиелеген, сонымен қатар, олар қазіргі таңда ұлды ұяға, қызды қияға қондырып, бір ауылға жақын немере көріп, немереден 20 шөбере сүйіп отырған ақсақалды қария мен дәулеті мен сәулеті жарасқан ақ жаулықты әже.