Жаңарған білім мазмұнына сай мұғалім туралы баяндама

«Целиноград аудандық білім беру бөлімінің Оразақ

ауылының №27 орта мектебі» мемлекеттік мекемесі

V ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯ

«БІЛІМ БЕРУДЕГІ ИННОВАЦИЯЛАР: ІЗДЕНІС ЖӘНЕ

ШЕШІМДЕР»

БАЯНДАМА

Тақырыбы:

«БІЛІМ БЕРУ МАЗМҰНЫН ЖАҢАРТУ ЖАҒДАЙЫНА ЛАЙЫҚ

ЖАҢАША МҰҒАЛІМ»

Дайындаған: Армина Бахыт

Аскаровна қазақ тілі мен әдебиеті пәнінің мұғалімі

Эл.почта [email protected]

Ақмола облысы Целиноград ауданы

Оразақ ауылы

2018 жыл

Тақырыбы: «БІЛІМ БЕРУ МАЗМҰНЫН ЖАҢАРТУ ЖАҒДАЙЫНА ЛАЙЫҚ ЖАҢАША МҰҒАЛІМ»

Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында»

Н.Ә.Назарбаев

Еліміз өркениетті елдер қатарынан орын алып, ұрпағымыз қоғам қажеттілігіне сай болып жатырса – бұл ұстаздар еңбегі.

«Мұғалім – мектептің жүрегі» демекші, оқушыға білім нәрін себуші жүректің қызметі сапалы болса, жемісі де шырынды болмақ. Қазіргі заман талабына келсек, ұстаз алдында тұрған жүк ауыр десек те болады.

Оның қызметін тұтастай адамтану ғылымы деп алсақ, бұл ғылым адамның күрделі де қызықты, шым-шытырығы мол рухани жан дүниесіне үңіле білу шеберлігімен көрінеді.

Ұстаздың жан-жақтылығы, үнемі ізденіс пен шығармашылық жолындағы талабының болуы шәкірт жүрегіне бірден-бір жол салады. Ондай ұстаздан шығармашыл, құзіретті және жаңа үлгідегі мұғалім күтіледі.Ал жаңаша мұғалім тәжірибенің өзгеруіне, яғни білімнің өзгерісіне талпыныстағы ұстаз. Осы үлгідегі өзгеріске бағытталған ұстаз келбеті менен де табылу керек екенін түсіндім.

Педагогикалық тәжірибені жақсарту – ол барлық білетін әдістемелерді, тәсілдерді жою емес; мақсатқа жету, оқушыны өмірге дайындау, өмір бойы білім алуды қажет ететін оқушыны тәрбиелеу, алған білімі оның өміріне қажет болатындай білім беру сияқты сұрақтарды қарастыру. Ұстаз... Осынау сөзді айтқанда көкірегіме жылылық ұялайтын.

Ұстаздық мамандыққа деген құмарлық мені бүгінгі мамандығыма алып келген жол болды. Сонау бала кезімнен

бастап алғаш қолыма қалам ұстатып, әліппедегі қырық екі әріпті танытқан, мейірім мен шуағын төккен алғашқы мұғалімнің тұлғасына еліктеуші едім. Оны құдіретті күштің иесіндей сезініп, сол мұғалімнің орнында болғым келетін. Оның тұлғасы мен үшін қол жетпес армандай болатын. Енді, міне, сол құрметті де қасиетті қазақ тілі мен әдебиет пәнінің маман иесі болғаныма 5 жыл болыпты.

Басқа пәндер сынды қазақ тілі мен әдебиеті пәнінің де өзіндік ерекшелігі, артықшылығы бар. Ол – оның тәрбиелік мақсатының айқын болуы.

Әрбір өтетін сабағымда оқушыларымды әдептілік, ұлтжандылық, ерлік, отаншылдық қасиеттерге тәрбиелеу керектігі басты қағидама айналды.

Өзін-өзі дамытып, оқу-тәрбие үдерісін тиімді ұйымдастыруына көмектеседі.

«Мұғалім әрдайым ізденісте болса ғана шәкірт жанына нұр құя алады» - деп Ахмет Байтұрсынов айтқандай, мұғалімнің ізденісі жан-жақтылығы, құзіреттілігі арқылы айқындалады. Мен де жаңашыл ұстаздардың іс-тәжірибесінен үйреніп, өз сабақтарымда қолдануды көздеп, сын тұрғысынан ойлау технологиялсының элементтерін сабақтың мазмұнына сай пайдаланып жүрмін. Сөзі шешен, ойы орамды, қиялы жүйрік тұлғаны тәрбиелеуде қазақ тілі мен әдебиеті пәнінің салмағы ерекше деп білемін. Ертеңгі күні ауыл мектебін бітірген жас шәкірт қоғам алдында дәрменсіз болмасы үшін шаруашылықтың кез келген саласына қажетті ортақ білік, дағдыны мектептен алып шығуы тиіс. Еккен дәннің жемісін көру үшін алдыма келген әр баланың жүрегін жаулап алып, өмірден өз орнын таба алатын, дүниенің бір кірпіші боп қаланатындай азамат тәрбиелеу керектігін парызым деп білемін.

Менің педагогикалық ұстанымым:

«Өзiм ғана үйренбей, өзгенi де үйрету. Мен бiлгендi,басқалар да бiлсiн» Қоғам талабына сай шебер мұғалім болу заман талабы болып тұрғаны анық. «Жаңа тұрпатты мұғалім – жан-жақты рухани дамыған, әлеуметтік тұрғыдан кемеліне келген шығарма-