Жаңартылған білім беру мазмұны туралы қазақ тілі мақаласы

СҚО Петропавл қаласы

«№2 орта мектеп» Қазақ тілі мен әдебиеті мұғалімі

Жаңартылған білім беру мазмұны - болашақтағы табысты білім кепілі

«Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс, оларды оқыту нәтижесі сындарлы ойлау, өзіндік ізденіс пен ақпаратты терең талдау машығын игеру қажет»

Н.Ә. Назарбаев

ХХІ ғасыр-жаңа технология мен ақпараттандыру ғасыры. Өскелең елдің айбынды болашағы үшін – ең әуелі сапалы білім керек. Ол үшін еліміздің білім саясатындағы ғылым-техникалық әлеуетін жұмылдыру, ғылымның басым бағыттарын дамыту жолындағы ресурстарды шоғырландыру, оның жетістіктерін өндіріске енгізу инновациялық дамудың негізгі көзі. Білім мен ақпарат дамыған қоғамда білім беру жүйесі инновациялық экономиканың негізгі бөлігі болып табылады. Білім берудің негізгі мақсаты-білім мазмұнының жаңаруымен қатар, оқытудың әдіс-тәсілдері мен әртүрлі құралдарын қолданудың тиімділігін арттыруды талап етеді.

Қазақстанда орта білім беру мазмұнын жаңарту шеңберіндегі білім беру үдерісінің құрылымы мен мазмұнына елеулі өзгерістер енгізу-білім алушыларға берілген зор мүмкіндік. Жаһандану заманында жас ұрпақтың жаңаша ойлау қабілеті мен белсенділігін арттыру, білімге деген құштарлығын оятып, табысты білім ала отырып,өмірде оны қолдана білуге бағыттау –жаңашыл ұстаздың басты міндеті.Сапалы білім мен кәсіби білікті маман арқылы ғана бәсекеге қабілетті өскелең ұрпақты тәрбиелей аламыз.Осы орайда ұстаздарға заман талабына сай зор жауапкершіліктер мен мүмкіндіктер берілуде. Атап айтқанда, жаңартылған білім мазмұны бойынша мұғалімдердің біліктілігін арттыру курстарында жаңаша ойлау арқылы білім алушыларға өз бетімен іздене отырып, сапалы білім алу үшін бағыт-бағдар беретін мұғалімдер қатары күн сайын артып келеді.

Жаңартылған бағдарлама бойынша жүргізілген курста дәріс, практикалық жұмыс және тренинг кезінде тыңдаушылардың қызығушылықтары күннен-күнге арта түсуде. Курс барысында мұғалімдер жаңартылған білім беру бағдарламасының түйінді идеяларын түсініп, тың тәсілдермен таныса алды.Топтық жұмыстың да мән-мағынасын тез ұғып, жақсы нәтижелерге қол жеткізді. «Топтастыру»,«Ойлан, жұптас, бөліс», «Ақпаратты жаңғырту», «Сұрақ-жауап», «Өз миыңды сал», «Стоп-кадр», «Бумеранг», «РАФТ»т.б стратегияларды тиімді қолдану арқылы тыңдаушылар білім деңгейін күнде жетілдіріп, бағдарламаның түйінді идеясын меңгеруге қол жеткізе алды.