Жаңартылған білім берудегі педагог рөлі туралы мақала

ЖАҢАРТЫЛҒАН БІЛІМ БЕРУ ЖАҒДАЙЫНДАҒЫ ПЕДАГОГТЫҢ РӨЛІ

Қазақстан Республикасының орта білім беру мазмұнын жаңарту бағдарламасының, ел ертеңі – жас ұрпақтың болашағы үшін табысты болуы, оны іске асыратын мұғалімдердің еңбегімен өлшенетіні сөзсіз. Мектеп жұмысы мен оқушы жетістіктерін өрістетудегі негізгі тұлға – мұғалім екенін ескерсек, білім беруді реформалау жағдайындағы айрықша өзекті мәселелердің бірі – қазіргі қоғамдағы мұғалімнің қызметі. Қазіргі мектеп қоғамдық өзгерістерге тез икемделетін, жаңалыққа құмар мұғалімдерге аса зәру болып отыр. Сол себепті кез-келген инновациялық тапсырмаларды шешуге ойлы, шығармашылық тұрғысынан қарайтын аса қабілетті мамандар қажет.

Бағдарлама оқушылардың білім алуы мен қатар олардың өмірге қажетті дағдыларының қалыптасуына бағытталған мақсаттарды жүйелеп, спиральді әдіспен жас ерекшелігіне сай тұлғалық дамуға әсер етуді көздейді. Осы іс-әрекеттерді жүзеге асыру үшін жаңа форматтағы мұғалімнің кәсіби біліктілігіне негіздей отырып, атқаратын ең маңызды рөлі – сабақты өз бетімен жоспарлау.

Бұл – өте күрделі мәселе. Себебі сабақтың табысты және сапалы болуының 99% жоспарлауға байланысты екенін қазіргі заманғы зерттеулер дәлелдеп отыр. Жоспарлау арқылы мұғалім іздену, талдау, болжау, жоспарлау, құрлымдау дағдыларын белсендіре отырып өзін-өзі дамытады. Іздендім деп, ғаламтордан дайын жоспарларды сол күйінде қолданудан аулақ болу керек, себебі ол кәсіби адалдыққа қайшы ұғым.

Бағдарламаның түйінді идеясының бірі – сындарлы оқыту. Жоспарлау кезінде мұғалім – өтілетін тақырыпты шынайы өмірмен байланыстырудың жолын таба білсе, ол сыныпты бірлескен оқуға тарта алады. Бірлескен оқу арқылы оқушылар ақпаратты белсенді ізденеді, талдайды, талқылайды. Әр жеке тұлғаның үлесі мен қабілеті тығыз қарым-қатынаста мойындалады.

Сыныптағы әр оқушының қажеттілігін қанағаттандыру үшін жоспарлауда оқуды саралауға көп көңіл бөлген маңызды. Себебі, оқушы қажеттілігін ынталандырмаған жағдайда, пәнге қызығушылық төмендейді. Қызығушылық жоғалса, ол оқушыны оқуға тарту күрделі мәселеге айналанады. Саралау арқылы талантты және дарынды оқушыларды тауға, анықтауға жол ашылады. Осы іс-әрекеттерді алдын ала жоспарлап, орындау арқылы жаңа форматтағы ұстаздың зеріттеушілік дағдысы шыңдала түседі.

Табысты оқытуға қол жеткізу үшін мұғалім оқушының тақырыптың мәнін өз бетінше меңгеруін түсініп, бағалай алуы да маңызды. Қалыптастырушы бағалаудың түрлі әдістерін пайдаланып, үнемі оқушының жетістік деңгейін…