Жаңғыру жолындағы жас маман рөлі туралы мақала

Жаңғыру жолындағы жас маман рөлі.

Ісім оңсын десеңіз,Сол істің маманы болыңыз.Даңқым шықсын десеңіз,Көпшіліктің адамы болыңыз. Әл - Фараби

Тұңғыш Президент өз сөзінде: «Мен барша қазақстандықтар, әсіресе, жас ұрпақ жаңғыру жөніндегі осынау ұсыныстардың маңызын терең түсінеді деп сенемін. Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы», -деп ел келешегіне үміт артады. Ендеше, сенімнен шығып, бағдарламалық мақалада көрсетілген ел дамуының жарқын үлгісі мен нақты қадамдарын барша қазақстандықтар келелі ойға салып, салиқалы пікір мен батыл шешімдерге ұмтылғаны абзал дер едім. Осыған орай өз мамандығын таңдаған жас маман жаңғыру жолында өз мамандығына адал қызмет етер деген ойдамын.

Мен психолог мамандығын не үшін таңдадым? Оның жауабы өте қарапайым. Бұл мамандық мен үшін жәй мамандық немесе жұмыс емес, бұл менің жүрек қалауымен таңдаған мамандығым. Бүгінгі таңда психолог болу оңай емес. Жаңғыру заманындағы балаларға, өз заманауи талаптарына сай психологиялық көмек көрсету өте жоғары деңгейді талап етеді. Оған білім,тәжірбие және үлкен шыдамдылықты қажет етеді.Адамның жан сырын ұғыну қазіргі заманда өте онайға соқпайды. Психолог үнемі жоғары деңгейде ізденіспен жұмыс жасауы шарт. Біздің мақсатымыз балалардың көңіл-күйіне ғана емес жалпы психологиялық жағдайына аса көңіл бөліп,оларды алдағы өмір сенімдерін және оқып білім алуға құштарлығын арттыру. Психолог өзінің күнделікті жұмысын мерекелік күнге теңей білуі керек. Әр тәрбиеленуші балалардың көңіл-күйіне мән бере отырып,олардың білім алуына құштарлықтарын арттыру. Ата-аналарымен тығыз қарым-қатынаста болып бала тәрбиелеу жолында үлесімізді қосу да мақсатымыз деп ойлаймын.

Көреген көшбасшы Қазақстанға түбегейлі жаңғыру және жаңа идеялар арқылы болашағын баянды ете түсудің теңдессіз тарихи мүмкіндігін беріп отыр. Елбасымыз үшінші қағидасында ұлттық код, яғни халқымызға тән салт-санамыз, асыл мәдениетіміз бұлардың барлығы бойымызда жалындап, үні шырқалып тұруын баса айтты, сонда ғана алға басулар болатының ескертті. Білімнің салтанат құруы. Қазіргі таңда білім бағдарламаларының елімізге ұтымды үлес қосып келе жатқанын айта келіп, табыс тізгіні – білімді болашақ жастардың қолында екеніне баса назар аударды.