Жәнібек Кәрменов туралы музыка сабағының жоспары

Алматы облысы

Алакөл ауданы

Үшарал қаласы

«Үшарал қалалық балалар шығармашылық орталығы» МКҚК

«Ән айту өнері» үйірмесінің жетекшісі

Уалиева Асия Уалиевна

Сабақтың тақырыбы:

Халық әндерін орындаушылар мектебінің таңдаулы өкілдерінің бірі – Жәнібек Кәрменов

Сабақтың мақсаты:

Білімділік: Әнші, сазгер, жазушы, зерттеуші Жәнібек Кәрменов жайлы түсінік беру.

Тәрбиелік: Қазақ музыкасы мен өнерін құрметтейтін, халқымыздың мәдени асыл мұраларын ұрпақтан-ұрпаққа әрі қарай жалғастырушы азамат тәрбиелеу.

Дамытушылық: Балалардың тыңдаушылық, орындаушылық қабілеттерін, ұлттық өнер негізінде шығармашылық ойлауын дамыту.

Қолданылатын көрнекіліктер: Жәнібек Кәрменовтың суреті, үнтаспадағы Ж.Кәрменовтың орындауындағы әндер, магнитофон, қанатты сөз: «Ақылың болса, ән тыңда» (халық мақалы), Ж.Кәрменовтың шығармашылығына арналған сызбанұсқа, Венн диаграммасы, т.б.

Пәнаралық байланыс: тарих, әдебиет, музыка.

Сабақтың түрі: саяхат сабақ.

Әдісі: сұрақ-жауап, ойын, зерттеу.

Тәсілдері: жеке, топтық, жұптық.

Сабақтың барысы:

І. Ұйымдастыру кезеңі.

1. Балаларды түгендеу

2. Оқушыларды сабаққа ұйымдастыру: «Шаттық шеңберін» құру арқылы бір-біріне жақсы тілек айтып, көңілдерін көтергізу – жайлы атмосфера туғызу.

ІІ. Үй тапсырмасын сұрау.

Оқушыларға Батыс Қазақстан облысы Қаратөбе ауданында туған Қазақстанның халық артисі, әнші Ғарифолла Құрманғалиевтың өмірі мен шығармашылығы туралы әңгімелету.

Ғ.Құрманғалиев қандай операларда басты рөлдерде ойнағанын ата? («Қыз Жібек», «Біржан-Сара», «Абай» операларында)

Ғ.Құрманғалиев қандай жанрдағы әндерді орындады? (халық әні, халық композиторларының әндері, т.б.)

Ғ.Құрманғалиев өзі шығарған әндерін ата? («Ақ Жайық», «Сүйген жар», «Нұржамал», «Жан еркем», «Аққу», «Сүйемін туған өлкемді», т.б.

ІІІ. Жаңа сабақты түсіндіру.

Халық әндерін орындаушылар мектебінің таңдаулы өкілдерінің бірі – Жәнібек Кәрменов.

Әншінің туған жеріне саяхат: Қазақстан Республикасының еңбек сіңірген артисі, әнші, сазгер, жазушы, зерттеуші Ж.Кәрменов 1949 жылы Шығыс Қазақстан облысы Семей өңірінде Абай ауданында дүниеге келіп, 1992 жылы қайтыс болған. Абайдың досы Ерболдың шөбересі болғандықтан және сол қасиетті топырақта туғандықтан Ұлы Абайдың өнерпаздық тағлымына, сазгерлік дәстүріне бала жасынан қанығып, мол хабардар болып өсті.

Ж.Кәрменовтың шығармашылығына саяхат. Халық әндерін орындаушылар мектебінің таңдаулы өкілдерінің бірі болды. Әсіресе, Абай әндерінің ішкі иірім-сырларына бойлай білді. Оның орындауындағы «Көзімнің қарасы», «Бойы бұлғаң», «Ата-анаға көз қуаныш», «Желсіз түнде жарық ай», «Сегіз аяқ», «Тәңірі қосқан жар едің сен», т.б. Абай әндері тыңдаушыны ерекше әсерге бөлейтін. Ол «Ақылбайдың әні», «Махаббат әні», «Ғашықтық тілі» атты кітаптардың авторы.

Сызбанұсқа №1

Жәнібек Кәрменовтың шығармашылығын үш топқа бөлуге болады:

Жазушылығы:

«Ақылбайдың әні», «Махаббат әні», «Ғашықтық тілі» атты кітаптардың авторы.

Сазгерлігі:

«Жеңеше», «Өмір туралы толғау», т.б.

Әншілігі: