Жануарлар әлемі бойынша биология ашық сабағы

Жануарлар әлемі

Мақсаты:

Білімділік׃ Жануарлардың сан алуандығы, олардың тіршілігі туралы түсінік беру. Жануарлар жайлы қызықты мәліметтер беру.

Дамытушылық: Оқушылардың сөздік қорын, дүниетанымдарын арттыру. Әсемдік талғамдарын қалыптастыру. Әртүрлі қызықты мәліметтер бере отырып, үйірмеге деген қызығушылығын арттыру.

Тәрбиелік: Жануарларды қорғауға, оларға қамқорлық жасауға, табиғатты сүюге баулу.

Сабақтың көрнекі-құралдары: стикер, плакат, бейнетаспа, жануарлардың суреттері, қосымша материалдар.

Сабақтың түрі: Кіріктірілген сабақ

І. Ұйымдастыру кезеңі

II. Сайыс кезеңдері:

1. Ұйымдастыру (сайысқа қатысушыларды топқа бөлу)

2. «Вагон құрау»

3. «Қызықты сұрақтар»

4. «Сүйікті жануарым» мозаика әдісі

5. Жұмбақтар әлемінде

6. Қорытынды

7. Үйге тапсырма

Сабақтың барысы:

I. Ұйымдастыру кезеңі

Құрметті ұстаздар, оқушылар! Бүгінгі «Жануарлар әлемі» атты ашық сабағына қош келдіңіздер.

Бүгінгі жастар-еліміздің ертеңі. Оқушылардың ой-өрісін кеңейтіп, есте сақтау қабілетін шыңдайтын, таным қызығушылықтарын дамытатын, шығармашылыққа шыңдайтын, білімді жастарды анықтайтын сайыс сабағымызды бастаймыз.

Ойынға 2-топ қатысады. Ұпайды көп жинаған топ сайыстың жеңімпазы болады.

«Сәлемдесу» ойыны:Қазір біз сендермен ойын ойнаймыз, қимылды тез жасауларың керек. «Бастаймыз» деген белгі берілгенде, мен қалай амандасу керек екенін айтамын, сонда сендер бір-бірлеріңмен тез-тез амандасасыңдар. Әр адаммен әртүрлі амандасасыңдар. Сонымен, көзбен… қолмен… иықпен… құлақпен… тіземен… иекпен… өкшемен… арқамен.

«Атом және молекула» ойыны (топқа бөлу)

Шарты:Оқушылар айнала шеңбер болып тұрады. Оқушыларға «атом» дегенде әртүрлі қимылдар жасау тиіс. Содан кейін «молекула 2» дегенде тез екі жұбын табады. Осылай 3,4,5 деп оқушылар жұбын тапқанша айналады. Жұбын тапқан 5 молекула (оқушылар), бір топ. Келесі жұбын тапқан молекулар (оқушылар) екінші топтың құрамы болып бөлінеді.

Мінекей,«Атом және молекула» ойыны арқылы оқушылар екі топқа бөлінді.

І-топ: «Жасқыран»

ІІ-топ «Барыс».

Зоологияның негізін салушы гректің ұлы ғалымы және ойшысы Аристотель (біздің эрамызға дейінгі IV ғасырда, 384-322 ж.). Ол өзінің "Жануарлар тарихы", "Жануарлардың дене бөліктері туралы", "Жануарлардың пайда болуы туралы" деген еңбектерінде жануарлардың 454 түрін сипаттаған. Аристотель жануарларды екі топқа бөлген:

1) қаны бар жануарлар, 2) қаны жоқ жануарлар.

Жануарлар дүниесі де биосфераның құрамдас бір бөлігі. Жануарлардың табиғатта және адам өмірінде маңызы зор. Олар табиғаттағы заттар мен энергия айналымында негізгі рөл аткарады. Қазіргі кезде жер бетінде жануарлардың 2 млн-нан астам түрі белгілі, олардың ішінде тек жәндіктердің ғана 1 млн-ға жуық түрі бар. Жануарларды зерттейтін ғылым саласы – «зоология»-деп аталады.

Жануарлар туралы қызықты мәліметтер

Түнде сауылған сиыр сүті ұйықтататын дәрі сияқты әсер етеді.

Қолтырауынның майы жасыл түсті болады.

Кейбір қарлығаш ұшып жүріп ұйықтайды екен.

Кенгуру мен Эму артқа қарай жүре алмайды.

Төрт тізесі бар жалғыз аң – піл.

Бегемоттар су астында туады.

Колибри жүре алмайды.

Шегірткенің қаны – ақ түсті.

Ұша алатын жалғыз сүт қоректі – жарқанат.

Өзін өзі айнадан танитын жалғыз аң – шимпанзе.

Иттің шынтағы бар.

Басымен тұра алатын жалғыз аң – піл.

Жолбарыстың жүні ғана емес, терісі де жолақ.

Жылқының сүйегі адамдікінен 18-ге артық.

Жердегі жануарлардың ішінде ең жүрегі үлкен аң – керік.

Жердегі жануарлардың ішінде ең қан қысымы жоғары аң – керік.

Жүзе алатын, бірақ ұша алмайтын жалғыз құс – пингвин.

Еңкеймей, тікесінен тік тұрып жүретін жалғыз құс – пингвин.

Зебра – қара жолақтары бар ақ аң.

Керіктің тілі – қап-қара.

Мысықтың жақтары көлденең қозғалмайды.

Дельфин бір көзін ашып ұйықтайды.

Түйеге қарағанда егеуқұйрық шөлге төзімдірек.

Жыландар қоректенбей үш жыл ұйықтай алады.

Ұлудың тістері тамақты майдалау үшін, тілінде орналасқан.

Бүйі екі жылға дейін, кенелер он жылға дейін қорексіз өмір сүре алады.