Жануарлар дыбыстарын ажыратуға арналған ашық оқу қызметі

Білім беру саласы: Коммуникация Ұйымдастырылған оқу қызметі: Сөйлеуді дамыту

Тақырыбы: Не қалай дыбыстайды?

Мақсаты: Балалардың ойлау, есте сақтау қабілетін дамыту, сөйлеуге, сөз дыбыстарын дұрыс айтуға жаттықтыру. Күшік пен мысықты ажырата білуге және қалай дыбыстайтынын салуға үйрету.

Көрнекіліктер: Бейнебаян, бейнетаспа, күшік, мысық суреттері.

Шаттық шеңбер

Достар , бері келіңдер,

Қолдарыңды беріңдер.

Шаттық толы шеңберге,

Қуанышпен еніңдер!

-Кәне, балалар, жан-жағымызға қарап, келген қонақтарға қуанып, қолымызды шапалақтайық.

- Балалар, орнымызға отырып, теледидарға қарайықшы. Теледидардан нені көріп отырмыз?

- Күшіктің аузында не бар екен?

- Күшік не жейді екен?

- Демек, күшік сүйек жейді екен.

- Тағы нені көріп тұрмыз?

- Мысық не ішіп жатыр?

Балалардың жауаптары

Күшік ав-ав деп үреді екен. Ал, мысық «мияу» деп мияулайды.(бейнетаспадан күшік пен мысықтың дауысын балаларға тыңдату)

Балалардың назарын суретке аударамыз

Балалар, қараңдаршы біздің тобымызда да теледидардағыдай күшік пен мысық бар екен. Күшік үйдің сыртында болады. Мынау күшіктің үйшігі. Күшік үйшікте жатады

Ал, мысық үйдің ішінде жұмсақ көрпеде, көпшікте яғни жұмсақ, жылы жерде жатады. - Балалар, маған күшікті көрсетші.

- Күшік қалай дыбыстайды?

- Жарайсың!

- Балалар, маған мысықты көрсетші. Кәнекей, айта қойшы мысық қалай дыбыстайды?

- Дұрыс айтасың.

Балалардың жауаптары

Сергіту сәті:

Сағаттың тіліндей,

Иіліп оңға бір,

Сағаттың тіліндей

Иіліп солға бір.

Оң аяқ, сол аяқ,

Жаттығу оңай-ақ.

Тыныс алу жаттығулары

Әр түрлі шөптер салынып тігілген гүлдерді иіскеу

Қорытынды

Ұйымдастырылған оқу қызметін қорытындылау. Сұрақ қою,жауап алу.Балаларды мадақтау

Күтілетін нәтиже:

Біледі: Күшік пен мысықты тани біледі.

Игереді: Оларды ажыратып, көрсете білуді игереді.

Меңгереді: Қалай дыбыстайтынын жеткізе біледі.