Жануарлар тақырыбына ашық сабақ 4 сынып

Әсия Дүйсембайқызы Құбай

№36 мектеп-гимназиясының

бастауыш сынып мұғалімі

Мақсаты

Күтілетін нәтиже

Сабақтың жабдығы

Түрі

Оқушыларды жануарлар әлемінің алуан түрлері мен жәндіктер түрлерімен

таныстыру, олардың қандай топқа жататындығын анықтай білуге үйрету. Мәтінді талдауды, өз ойын айтуға, сыни ойлау, сабаққа белсенділікпен қатысады, диалогқа түседі . Танымдық кабілеттері дамиды.Топта ынтымақтасып жұмыс істеуге дағдыландыланады .

Сабақ түрі : жаңа тақырыпты таныстыру сабағы Көрнекіліктер: схемалар, жануарлар суреттері, интерактивті тақта, кесте.Әдіс-тәсілдер: жұптық , топтық талдау, бақылау.

Психологиялық ахуал

Психологиялық дайындық

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Топқа бөліну

Оқушылар, қазір осы жерден 3 топқа бөліне қоялық. Аңдар, құстар, жәндіктер) болып бөлінеді.

1.Барыс, қоян, түлкі, қасқыр2. Қарлығаш, қарға, суықторғай, үйрек3. Инелік, қоңыз, көбелек, шұбалшын, қырықаяқ.

Тапсырмалар мен жаттығулар

Өткен материалмен жұмыс. «Конверт сұрақ» 1. Суыққа төзімді өсімдік?

Өздігінен өсетін өсімдік қалай аталады?

Адамдар күтіп өсіретін өсімдіктер қалай аталады?

Сарықараған өсімдігі неше жыл өмір сүреді?

Жантақ , сүттіген неге төзімді өсімдіктер?

Бидай, жүгері, жолжелкен нені сүйгіш өсімдіктер?

Түсіну

Бейнежазба көрсету

Бейнежазба не туралы?

-Олай болса, бүгінгі сабағымызда жануарлардың көптүрлілігімен танысамыз.

Электронды оқулық

Жаңа сабақ

Өсімдіктер сияқты жануарлар да алуан түрлі болып келеді.Жер бетінде жануарлардың түрлері өте көп. Ғалымдардың зерттеуі бойынша олардың 2 млн-дай түрі белгілі болды. «Жануар» сөзі парсының «джан-джанвар» деген сөздің екінші бөлігінен алынған. «джан-джанвар» қазақша-жануар әлемі, яғни дүние жүзіндегі тірі мақұлықтар дегенді білдіреді. Жануарлар дүниесі – Биосфераның бір бөлігі. Ғалымдардың есебі бойынша жер шарында 1 млрд 500 мың жануарлар түрлері тіршілік етеді. Мұның ішінде Қазақстанда 150 сүтқоректілер, 480 құстар, балықтың 155 түрі кездеседі. Жер шарында жануарлардың мекен етпейтін жерлері жоқ.Жануарлар да барлық тірі организмдер сияқты табиғаттың бір бөлігі. Сол үшін де оларды қорғау керек. Табиғаттағы барлық организмдер бір-бірімен тығыз байланыста тіршілік етеді. Олардың бір түрінің азаюы немесе түбегейлі жойылуы басқа да жануарлардың көбеюіне кері әсерін тигізіп, тепе-теңдіктің бұзылуына алып келеді.