Жаным толы мейірімділік тәрбие сағаты 6 сыныпқа

Ашық кураторлық сағаттың тақырыбы:«Жаным толы-мейірімділік»

Сыныбы: 6

Куратор: Замерова Б

Мақсаты: Баланың бойына рухани-адамгершілік қасиеттерді ұялату, жақсы-жаманды ажырата білуге ,адамдық асыл қасиеттерді игеруге ықпал ету.Бір-бірімен қарым-қатынастарын жақсарту,оларды адамгершілікке ,имандылыққа, шыншылдыққа, мейірімділікке тәрбиелеу. Шығармашылық қиялын,ой-өрісін, есте сақтау, жүйелі ойлауын дамыта отырып, танымдық қабілеттерін жетілдіру.

Күтілетін нәтиже: Оқушы бойында сүйіспеншілігі, адамгершілігі, имандылығы, мейірімділігі артады. Ой-өрісі кеңіп, таныдылық қабілеті артады.

Сабақтың әдісі: әңгімелеу, пікірталас, топтық жұмыс, жұптық жұмыс.Сабақтың көрнекілігі: ұлағатты сөздер, бейне - ролик, түрлі-түсті жүрекшелер, стикер, плакат, маркер.

Сабақтың барысы:

І. Ұйымдастыру. Амандасу.

-Саламатсыздар ма құрметті оқушылар және ұстаздар! Бүгінгі біздің «Жүрегім толы мейірімділік» тақырыбындағы ашық тәрбие сабағымызға қош келдіңіздер. Сабағымызды бастау үшін, балалар, барлығымыз, «тыныштық сәтін» ұйымдастырайық. (Мұғалім баяу ән қосады, оқушыларды тыныштық сәтіне дайындайды)

Тыныштық сәті - Балалар, көздерімізді жұмып, денемізді тіке ұстап, аяқтарымызды айқастырмай, қолдарыңды жүрек тұсына бір сәт қойып, дүрсілін тыңдап көрейік. Сендердің жүректерің мейірімге, қайырымға, махаббатқа, жылы сезімге толы. Адам бойындағы бар жылу мен мейірім жүректен шығады. Енді осы жүректен алған жылуымызды түсіріп алмайтындай қимылмен барша әлемге, туысқандарымызға, достарымызға жіберейік.

Топқа бөлу

Адам қасиеттеріне байланысты топқа бөліну. Әр оқушы мұғалімнен бір қасиет жазылған қағаз алады, бас әрпі бойынша топқа бөлінеді.

ІІ. Тұсау кесер: Ендеше, тақтаға назар аударыңыздар. (бейнефильм көрсетіледі)

Біз бүгінгі сабақта адамның жақсы қасиеттерінің бірі мейірімділік туралы әңгімелесеміз. Балалар мейірімділік әр адамның жүрегінде өмір сүреді. Мейірімділікті адамның көзінен көруге, іс-қимылынан табуға болады. Мейірімді адамды барлығы жақсы көреді.

ІІІ « Мейірімділік нұры» жаттығуы.

Қымбатты, оқушылар, мейірімділік деген не? Мейірімділік туралы біздің көз қарасымыз қандай? Мейірімділік қандай қасиеттерден тұрады?

Балалардың жауаптарын түйіндеу:

-Адамдар бір-біріне жылы сезімдерін білдіріп, айналасындағыларға тек жақсылық ойлап, игілікті істер жасау арқылы ғана мейірімділікті таныта алады.

Мейірімділік— адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Мейірімділік адамның жоғары адамгершілік белгісі ретінде оның бүкіл тыныс-тіршілігін, жан дүниесін жадырататын, шат-шадыман тіршілігі үшін қажетті аса маңызды қасиеттің бірі болып саналады. “ Мейірімділік, махаббат, қайырымдылық, адалдық секілді ақ жүректен шығады” (Шәкәрім). Қазақтың дәстүрлі әдеп жүйесінде мейірімділік адамдар арасындағы адамгершілік, ізгілік пен ізеттілік, имандылық пен инабаттылық секілді асыл қасиеттермен үндестік тапқан. Ж.Баласағұн “Кір тигізбей ұста ойыңның өресін, мейірім етсең — мейірімділік көресің” деп, мейірімділікке зор мән берген екен.

ІҮ. Негізгі бөлім: