Жапырақтан жасалған балықтар мектепке дейінгі балаларға

ҚАРАҚИЯ АУДАНЫ ӘКІМДІГІНІҢ «ҒАРЫШКЕР» БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ

Жапырақтардан жасалған балықтар

(ашық ұйымдастырылған оқу қызметі)

Дайындаған тәрбиеші: Б.Тасубаева

Тексерген әдіскер: А.С.Игильманова

Жетібай ауылы

2016 жыл

Білім беру саласы: Таным

Бөлімі: Құрастыру

Тақырыбы: «Жапырақтардан жасалған балықтар»

Мақсаты: Білімділік: Су асты патшалығы жайлы білімдерін кеңейту, су жәндіктерін жапырақтан жасалу жолдарын көрсете отырып, балықтың бөліктерімен таныстыру.

Дамытушылық: Ұқыпты жұмыс жасау дағдысын дамыту.

Тәрбиелік: Өзара көмек беруге тәрбиелеу

Алдын-ала жүргізілетің жұмыстар: Жапырақтардан жасалатын заттар туралы әңгімелесу.

Көрнекі құралдар: Көгілдір түсті қағаздар, кепкен жапырақтар, үлгі суреттер, желім, ұсақ бұтақтар.

Қолданылатын әдіс-тәсілдер: Түсіндіру,көрсету, әңгімелеу,ойын.

Сөздік жұмыс: Кепкен жапырақтар, қарақұмық, бұршақ.

Қос тілділі к компонент: Жапырақ-лист, қарақұмық-гречка.

Оқу қызметі кезеңдері

Тәрбиешінің қызметі

Балалардың қызметі

Мотивациялық

қозғаушылық

Жылыулық шеңберіне жиналу.

Күнге қарайық,

Қолымызды созайық.

Қуанайық,күлейік,

Күннен шуақ алайық.

Балаларға балықтардың түрлерін сурет бойынша көрсетіп, әңгімелеу, және аквариумдағы балықтар туралы өз ойларын айтқызу. Балаларға үлгі сурет бойынша талдау жасату.

Балалар жылулық шеңберіне жиналып, қимылмен көрсетеді.

Балалар балықтардың аттарын атап, аквариумдағы балықтар туралы әңгімелейді.

Ұйымдастырушылық-ізденушілік

Суда жүзген балықты кепкен жапырақтан жасау оңай әрі ыңғайлы.Ол үшін бізге көк немесе көгілдір қатты қағаз керек болады. Сонымен қатар бірнеше әртүрлі пішіндес кепкен жапырақтар, қарақұмық, бұршақ, скотч, түрлі түсті қағаз және фломастер қажет.

-Таңдап алған көк түсті қатты қағаздың астыңғы жағын ПВА желімімен желімдеп, үстіне қарақұмық пен бұршақты араластырып себеміз. Кепкен жапырақты қағаздың ортасына көлденең жапсырамыз, балықтың құйрығын жасау үшін бір ұзын, бір кішірек жапырақты таңдап аламыз да, оны бір-біріне жартылай беттестіріп жапсырамыз. Балықтың денесіне теректің немесе қайыңның жапырақтарын, ал құйрығына емен немесе

үйеңкінің жапырақтарын аламыз, ал балықтың

қанаттарына кішірек жапырақтар таңдаймыз.

Балықтың көзін қара фломастермен бояп

жасаймыз. Су астының өсімдіктерін, ағаштың ұсақ

бұтақтарын желіммен жапсыру арқылы келтіреміз.

Сөздік жұмыс: Кепкен жапырақтар, қарақұмық,

бұршақ.

Қос тілділік компонент: Жапырақ- лист,

қарақұмық-гречка.

Дид.ойын: «Кімде қанша жапырақ?»

Шарты: Музыка ойналады. Жерге жапырақтар шашып тастаймын, содан соң сендер музыка

аяқталған соң жапырақты жинап аласыңдар.