Жақсы кітап жан азығы тренингі сыныптан тыс жұмыс

«Қазығұрт» жалпы орта мектебінде «Болашаққа бағдар: Рухани жаңғыру»

бағдарламасы аясында «Кітап – білім бұлағы» кіші жобасы негізінде

«Жақсы кітап – жан азығы» тақырыбындағы

тренинг жоспары

І. Кіріспе

Мақсаты: Шәкірт жүрегінде қазақ әдебиетіне деген сүйіспеншілік сезімін ояту, халқымыздың өлең-жырын, музыкасын жаңғырту арқылы олардың танымдық белсенділігін арттырып, Отанын, халқын сүюге, патриоттық сезімге тәрбиелеу.

ІІ. Негізгі бөлім

«Кітап – алтын қазына» (жүргізуші сөзі)

Топқа бөліну

«Кітап білімнің қайнар көзі» (берілген үзіндіден шығарма атауын табу)

«Тыныштық сәті» (қиялыңа ерік бер)

«Өлең – сөздің патшасы» (өлеңнің жалғасын табу)

«Өзіңді тани біл» (сергіту сәті)

«Ән – көңілдің ажары» (әннің жалғасын табу)

«Сөз тапқанға қолқа жоқ» (берілген әріптен әңгіме құрастыру)

Караоке

«Өмірімді өзгерткен он кітап» (кері байланыс)

Қорытынды

Ұйымдастырушылар:Дүйсебаева А.

Егембердиева М.

Жүргізуші сөзі: Құрметті ұстаздар мен оқушылар! «Болашаққа бағдар: Рухани жаңғыру» бағдарламасы аясында өтіліп отырған «Жақсы кітап – жан азығы» атты тренингке қош келіпсіздер!

Кітап оқу – тың әлемнің табалдырығын аттау. Әсіресе, түрлі жанрдағы кітаптарды қымсынбастан оқитын адамның жан-жақты болатынын аңғаруға болады. Cауатты адамдар көркем әдеби жанрдағы кітаптарды оқығанды дұрыс деп санайды. Өйткені, кез келген әдебиет өзіңді зерттеуге үйретеді. Оқиғаның қалай өрбитінін білуге, оны түсінуге, кейіпкерлерді сезінуге деген құштарлық, олармен бірге уайымдап, бірге күресу бала бойындағы кітапқа деген махаббатты оятады. Ол тек кітапқа ғана қызығушылықты оятып қана қоймай, баланың сөздік қорын көбейтеді, оның ойлау жүйесін жетілдіреді. Кітаптардан сіз өмірлік маңызды сұрақтардың жауабын аласыз. Сонысымен, кітап өз құндылығын ешқашан жоғалтпайды.

Құрметті оқушылар барлығымыз шеңбер болып тұрайық. Біздің «Кезбе тілші» сіздерге сұрақтар қойса, сіздер сол сұрақтарға жауап берсеңіздер.

Сіздің алғашқы оқыған шығармаңыз?

Кітап оқуға қызығушылық неден туындады немесе кім түрткі болды?

Неше жасыңыздан бастап әдеби шығармаларды оқи бастадыңыз?

Осы жасыңызға дейін қанша әдеби шығармаларды оқыдыңыз

Кітап оқыған кезде қандай сезімде боласыздар?

Қандай ақын – жазушылардың кітабын көбірек оқисыз?

Бүгінгі тренингке келген мақсатыңызды айтып өтсеңіз?

Олай болса жауап бергендеріңізге көп рахмет. Үстел бетіндегі кітаптардан бір – біреуден алып орындарыңызға жайғассаңыздар. 2. Топқа бөліну

- №1 «Абай»

- №2 «Ыбырай»

- №3 «Мұхтар»

3. «Кітап білімнің қайнар көзі» (берілген үзінді алынған шығарманы табу)

1. - Исабеков алмасын кеудесіне қыса түсіп қызға қарай өзін-өзі итеріп қалғандай бір ұмтылып тоқтады. Мұны аңдаған қыз жоқ, қасынан үн-түнсіз өтіп барады. — Қарындас! — деді Исабеков абдырап. — Әу, — деп қыз бұған мойнын бұрды, — не айтпақ едіңіз? Бұл маңды бір сәт төбеге ұрғандай тыныштық басты. — Мен сізге... алма әкеліп едім... — деді Исабеков зорға тіл қатып.

Шыңғыс Айтматовтың «Қызыл алма» шығармасынан үзінді

2. - видео («Найман ана»)

1. - Үш күндік жолдың бүгінгі, соңғы күніне бала шәкірт барын салды. Қорықтан күн шыға атқа мінейік деп асыққан-ды. Бұны қаладан алып қайтқалы барған ағайыны Байтасты да таң атар-атпаста оятып тұрғызып еді. Күнұзын аттан да түспей, өзге жүргіншілерден оқ бойы алда отырған. Кей-кейде өзіне таныс Көкүйірім мен Буратиген, Тақырбұлақ сияқты қоныс-құдықтардың тұс-тұсына келгенде балаоқшау шығып, астындағы жарау құла бестісін ағызып-ағызып та алады.

Айбай жолы романы «Қайтқанда»

2. Шіркін-ай, дәл осындай жағдай бола қалса, Жанар қайтер еді? Менің талантыма, өскенде әйгілі ақын-жазушының бірі болатындығыма оның көзі жетер еді-ау. Сосын ол маған, мүмкін, басқаша қарар еді.

«Менің атым Қожа» Бердібек Соқпақбаев.

Бұл повесте сұрапыл Ұлы Отан соғысы кезінде Украина жерінде он жасар қазақ баласының партизандар қатарында болған қилы өмір соқпағы суреттеледі.Ол Майор Мергенбаевтың ұлы атаcының қолында ауылда оқып, жазғы каникулда қаладағы әке-шешесіне келеді. Көп ұзамай соғыс басталады. Он жасар Серікті Жомарт жетектеп Жамал эшелонмен ауылға кетпек болады. Жау бомбалап,эшелон қирайды. Жамал жау оғынан қаза табады. Серік комиссар Савченконың әйелі Анна Ивановна мен оның баласы Бористің қасында қалады. Анна Ивановна екі баланы алып туған жері Винница облысы, Сомогородск ауданы, Зазулин селосында тұратын әкесі Иван Дементьевичке қиындықпен әрең жетеді. Сатқын құрбысы Тамара комендатқа бұларды ұстап бергісі келеді. Астыртын ұйым басшысы Олейниктің байланысшысы Алексей жасырын үй тауып беріп көмек көрсетеді.Жанкештілікпен Отан үшін алысқан партизандар сәулетті қала мен күл болған селоны, немістер тірідей көмген әке-шеше,іні-қарындасты көрді.Бостандық үшін, болашақ бақыт үшін аянбай алысты. Жандармдардан ерлікпен қорғанған ауыл тұрғындарына Қызыл Армия көмекке келеді. Повесть соңында Майор Жомарт Мергенбаев ұлы Серікпен аман-есен кездеседі.

Қ Қайсенов «Жау тылындағы бала»