Жақсы көңіл-күй сыйлайын психология сабақ жоспары

ТРЕНИНГ

«Жақсы көңіл-күй сыйлайын»

Мақсаты: балабақшадағы қызметкерлердің психикалық көңіл-күйлерін көтеру, ұжым арасында өзара қарым-қатынас қабілеттерін дамыту, өздеріне құрметпен қарау.

Міндеттері: ұжымда сыйластық қарым-қатынас орнату арқылы адамгершілікке, достыққа, өзара түсінушілікке, көңілді, мейірімді ұйымшыл болуға баулу, өзара ойын әрекетінде қарым-қатынасын жетілдіру, қатысушылардың өздеріне деген сенімділіктерін арттыру.

Психологиялық технологиялар: музыкалық терапия, ойын терапиясы.

Қажетті құрал-жабдықтар: проектор, слайдтар, сауалнама бланкілері, ақ қағаздар, жануарлардың аты жазылған карточкалар, әуендер, майшам

1. Амандасу

Психолог: Сәлеметсіздер ме, балабақша қызметкелері! Бүгінгі «Жақсы

көңіл-күй сыйлайын» атты семинар-тренингімізге қош келдіңіздер! «Бір

күнгі танысыңа, қырық күн сәлем» дегендей, біз бүгін бір-бірімізбен

дәстүрден тыс амандасудың түрлерін көрсетеміз.

 Бір-біріңе күлімсірей қарап, алақанның ішін және сыртын тигізіп

сәлемдесу.

 Оң жақ, сол жақ тізелерін түйістіру арқылы сәлемдесу.

 Оң жақ, сол жақ иықтарын тигізіп сәлемдесу.

 Маңдайларын бір-біріне тигізіп амандасу.

Сәлемдесу рәсімі аяқталғаннан кейін қойылатын сұрақтар.

1. Сәлемдесу кезінде қандай әсерде болдыңыз?

2. Сізге қандай әдіс ұнады?

3. Осы әдістердің қайсысын өмірде пайдаланып көрдіңіз?

2. «Комплимент» ойыны

Қатысушылар шеңбер бойымен тұрып кезекпен кез-келген жағымды

сөздер айтады, ал қалғандары ол сөздің кімге арналғанын табады. Сөз

иесі ойынды ары қарай жалғастырады.

3. «Көңілді музыка» ойыны

Мақсаты: бойдағы шаршаудан, стресстен арылу.

Қатысушылар шеңбер бойымен тұрып, бір-бірінің иықтарына қолдарын

қояды. Музыканың ырғағымен шеңберді айнала отырып билеп, иыққа

ақырын саусақ қимылдарымен массаж жасайды.

Рахмет, бұл біздің сергіту жаттығуымыз болатын.

4. «Табиғат мінезі» жаттығуы

Қане, барлығымыз тізбектеле тұрайық. Көзімізді жұмып, өзімізді табиғат

аясында тұрғандай сезінейік. Күн тамаша ашық, күн сәулесі шуақ шашып

тұр, айнала тамаша көрініске толы. Енді, көзімізді ашып, өзімізді еркін

сезінейік. Алғашқыда бәрі жақсы болып тұрды да кенет, аяқ астынан

жеңіл жел соқты.

Алдыңызда тұрған адамның арқасынан жәймен ғана қолмен жеңіл желдің

самалындай етіп сипаймыз.

Жел күшейді – енді алдыңыздағы адамның арқасын қатты уқалай

бастаймыз.

Кенет, боран басталды - енді боран күшіндей екі қолмен айналдыра

күштірек уқалаймыз.

Содан кейін, аяқ астынан жай ғана жаңбыр сіркірей бастады – енді

қолымызбен жаңбырдың тамшысындай жәймен ұрамыз.

Бір кезде қатты жауын жауды – біз қатты жауын сияқты арқамызды

саусақтың ұшымен жоғары төмен сипалаймыз.

Аяқ астынан бұршақ жауды – арқамызды саусақ басымен бұршақ

жауғандай қаттырақ ұрамыз.

Бір кезде бәрі басылды, күн жарқырап ашылып, адамға бір күшті шуақ

берді. Енді алдымыздағы адамдармен алмасамыз. Осы жаттығуды сізге

алдыңызда тұрған адам орындайды.

5. Сауалнама: «Ұжымда маған ұнайтын....»

6. «Кім екенін тап!» ойыны

Мақсаты: бұл жаттығу арқылы өзгелерді дұрыс қабылдап, тану арқылы

олардың ерекшеліктерін білуге үйретеді.

Шарты: әрбір адам өзінің аты-жөнін көрсетпей, өз-өзіне психологиялық

мінездеме жазады. Өзінің ұнамды-ұнамсыз қасиеттерін жазуы керек.

Психолог мінездеме жазылған парақтарды жинап алып, араластырып,

арнайы дорбаға салып, арасынан біреуін алып дауыстап оқиды.

Қатысушылыр мінездеменің иесін табуы тиіс.

7. Өз жұбыңды тап!» жаттығуы

Қатысушылар шеңбер құрап отырады. Мен сіздерге жануарлардың аттары

жазылған текшелер таратып беремін. Атаулар екі текшеде қайталанған.

Мысалы, егер сіздің қолыңызда піл деп жазылған болса, сіз тағы біреудің

қолында сондай текше бар екенін біліңіз. (Жаттықтырушы текшелерді

таратады, егер қатысушылар саны тақ болса, жаттығуға жаттықтырушы

өзі де қатысады).

Сіздің текшеңізде не жазылғанын оқыңыз. Жазуды сіз ғана көруіңіз

керек. Енді текшені жинап қойса болады. Әрқайсысыңыздың

міндеттеріңіз өз сыңарыңызды табу. Бірақ, сөйлеспейсіздер, өзіңіздің

жануарыңызға тән дыбыстар шығармайсыздар, тек әртүрлі қимылдар

арқылы кез-келген әрекетті үнсіз жасайсыз.

Егер өзіңіздің жұбыңызды тапсаңыз, бірге тұрыңыз, бірақ үндемейсіз,

сөйлеспейсіздер. Тек барлығы өз сыңарын тапқан кезде ғана, қандай

нәтиже болғандығын тексереміз. Топ мүшелері өз сыңарын тапқаннан

кейін, жаттықтырушы «Сіз кімсіз?» деп сұрап шығады.

Әдетте, бұл жаттығу өте көңілді өтеді, нәтижесінде топ мүшелерінің

көңіл-күйі көтеріліп, шаршағандығы тарқайды. Жаттығу қатысушылардың

ары қарай ашыла түсуіне септігін тигізеді.

8. «Оның есесіне мен...» жаттығуы

Барлық қатысушыларға аяқталмаған сөйлемдері бар карточкалар

таратылады. Сөйлемдерді әр қатысушы өз ойымен аяқтайды.

- Мен бәліш пісіре алмаймын, оның есесіне ..... .

- Мен шаршадым, оның есесіне ...... .

- Мен жақсы билей алмаймын, оның есесіне .... .

- Мен көп үндемейтін адаммын, оның есесіне .... .

- Мен көп ұйықтаймын, бірақ оның есесіне .... .

- Мен жұрттың бәріне құрметті бола алмаймын, оның есесіне ... .

- Мен еден жууды ұнатпаймын, оның есесіне ... .

- Мен жалқаумын, оның есесіне .... .

- Мен батыл емеспін, оның есесіне ..... .

- Мен өзім туралы көп ойламаймын, оның есесіне...... .

- Мен тез ашуланғыш адаммын, оның есесіне..... .

- Мен соншалықты сымбатты емеспін, оның есесіне .... .

- Мен тым толықпын, оның есесіне.... .

- Менің аяқтарым ұзын емес, оның есесіне ... .

- Менің кемшіліктерім көп, оның есесіне ... .

- Менің арықпын, оның есесіне ..... .

- Мен тамақты көп жеймін, оның есесіне .... .