Жақсы көңіл-күй – жан шуағы дамыту жаттығуы

Жақсы көңіл-күй – жан шуағы.

Мақсаты: Ұжымдастық, сыйластық, бір-біріне сенім арту, қарым-қатынасты нығайту, жағымсыз көңіл-күйден арылу, бірлесіп жұмыс жасауға баулу, өзін еркін сезінуге комектесу.

Тренингтің міндеттері:

Білімділік: Қатысушылардың өз ойларын ашық жеткізіп, бір-бірінің пікірін құрметтеуге, сеніммен қарауға бейімдеу.

Дамытушылық: Тұлғаның өзін ортада көрсете білуі, өзін бағалай алуға түрлі психологиялық жағдайлардан шығу және өз пікірін ашық айтуға ықпал жасау.

Тәрбиелік: жеке тұлғаның рухани өсуіне психологиялық жағдай жасай отырып, адамгершілік, сыйластық, әдептілік, шынайылық, адалдық, құндылықтарын ұғынуға көмектеседі.

Қатысушылар: бастауыш сынып оқушылары.

Жұмыс түрі: Топтық жұмыс.

Өтілу барысы:

1.«Бір-бірімізбен амандасайық». Көңіл-күйімізді сұрасайық.

2. Ғажайып сыйлық

3. Молекула жаттығуы

4. Жақсы көңіл-күйдің суретін саламыз.

5. Сілкіну жаттығуы

6. Тыныштық сәті. Слайд көрсету.

7. Тренингті қорытындылау, бағалау

Тренингтің ережелері:

1.Әр қатысушы ойын ашық айтуы керек.

2.Өзгелердің пікірін құрметтеуі керек.

3.Белсенді әрекет ету қажет.

4.Шынайылық.

5.Топтасып жұмыс жасау.

Кіріспе сөз.

Сәлеметсіздер ме, құрметті балалар! Бүгінгі «Жақсы көңіл-күй жан шуағы» атты тренингіме қош келдіңіздер. Жақсы көңіл-күй жан азығы демекші жақсы , көңілді жүретін адамдарды жұпар иісті гүлге теңегім келеді. Айналасына жұпар иісін шашып, қасындағы адамдардың да көңіл-күйін көтеруге, қуанышқа, шаттыққа бөлеуге тырысады. Бүгінгі тренингіміздің мақсаты: ортада жағымды ахуал қалыптастыру, көңіл-күйімізді көтеру.

Амандасу жаттығуы.

Жаттығу барысы: Ең алдымен оң жақтағы, сосын сол жақтағы көршімізбен құшақтасамыз, амандасамыз. Қарама-қарсы отырған көршімізге бір көзімізді қысып, қалған қатысушыларға бір жымиып қоямыз. Көршіңізден көңіл-күйінің қандай екенін сұрап қойыңыз.

2. Ғажайып сыйлық.

Сыйлықтың суреті бейнеленген қазағдың арғы бетіне керемет тілектер жазылған. Сол тілектерді оқып,қатысушылар бір-біріне сыйлайды.

Молекула жаттығуы.

Қатысушылар - атомдар олар үздіксіз әретте болады. Жүргізуші сандар айтып тұрады, атомдар сол сан бойынша топталады. Мысалы: үш дегенде 3 атомнан тұратын молекула құралады. Жұпсыз қалған ойыншылар шығарылып отырады.

4. Керемет көңіл-күйдің суретін саламыз.

Қажетті заттар: қағаз, желім, түрлі-түсті қағаздар, түрлі-түсті қаламдар. Қатысушылар топтарға бөлініп, берілген ақ қағаздарға қалаған суреттерін ақылдаса отырып салады. Салған суреттерін қорғайды. Әр адамның өз ойы-пікірі болады. Біреу үшін жақсы көңіл-күй жарқырап…