Жақсы көңіл-күй жан азығы психологиялық тренинг

«Науырзым ауданы білім беру бөлімі

Науырзым орта мектебі» ММ

«Жақсы көңіл-күй – жан азығы»

психологиялық тренинг

Өткізуші: Стамкулова С.Т. педагог-психолог

2019ж

Аудандық семинарда өткізілетін психологиялық тренинг

Тақырыбы: «Жақсы көңіл-күй – жан азығы»

Мақсаты:бірін-бірі кеңірек танып білуге, шаршағандықтарын төмендетіп, көңіл күйлерін көтеру, өзара сыйластық қарым-қатынас орнату.

Сәлеметсіздерме құрметті ұстаздар, шақырылған қонақтар. Бүгінгі біздің «Жақсы көңіл-күй – жан азығы» атты психологиялық тренингке қош келдіңіздер! Бүгін сіздердің психикалық көңіл-күйлеріңізді көтеріп, тренинг барысында бір-бірлеріңізді кеңірек танып білетін боламыз.

«Мен кіммін?» жаттығуы.

Мақсаты: тренингке қатысушылардың бір-бірлерімен танысу.

Нұсқау: қатысушылар шеңбер болып отырады, берілген гүлдің ортасына өз есімдерін жазып, жапырақшаларына «Мен кіммін?» деген сұраққа жауап жазады. Мысалы, мен-ұстазбын, мен-сүйікті жармын. т.б.

«Орын ауыстырайық» ойыны.

Мақсаты: сергіту ойын арқылы бір-бірлерін жақынырақ тану, көңіл-күйлерін көтеру.

Нұсқау: қатысушылар шеңбер бойымен отырады, бір қатысушы ортада тұрып «Кім мұғалім қызметінде 10 жылдан артық жұмыс істейді орындарымен ауыссын» деп сөз айтады. Сол кезде ортадағы қатысушы бос орынға отырып қалу керек. Тағы бір қатысушы ортада қалып қояды. Ол да сол сияқты сөз айтады. Ойын әрі қарай осылай жалғаса береді.

«Сиқырлы себет» жаттығуы.

Мақсаты: қатысушылардың өз ойларын ашық айта біліп, бір-бірлерімен пікір алмасу.

Нұсқау:себетте аяқталмаған сөйлемдері бар карточкалар бар. Қатысушы себеттегі карточканы алып, өз ойымен аяқтайды. Себеттің сиқырлығы – карточкадағы сөйлемдерді «Шынымды айтсам» деп шынайы жауап беру.

«Атомдар және молекулалар» ойыны.

Мақсаты: қатысушылардың бойындағы қысымды түсіру, көңіл-күйді көтеру.

Нұсқау: музыка ойнап тұрады, қатысушылар орындарынан тұрып билейді. Жүргізуші музыканы тоқтатып, бір кез-келген сан айтады. Сол кезде қатысушылар да сол сан бойынша топтасады. Әрі қарай ойын солай жалғаса береді.

Рефлексия.

Мақсаты: семинарға қатысушылармен кері байланыс орнату, өткізілген семинардан алған әсерлерін, ұсыныстарын алу.

Нұсқау: қатысушылар берілген стикерлерге өз пікірлерін жазып, тақтадағы плакатқа жабыстыру.

Тренингке қатысқандарыңызға көп рахмет. Жұмыста табыс, шығармашылық жетістіктерге жетулеріңізді тілейміз!