Жақсы көңіл күйдің бақшасы балабақша таныстырылымы

Тәрбиешілерге арналған психологиялық семинар-тренинг жоспары:

Тақырыбы: «Жақсы көңіл-күйдің бақшасы»

Мақсаты: Тәрбиешілердің эмоционалды көңіл-күйлерін көтеру, кәсіби шеберліктерін арттыру, топтасып жұмыс жасауды дамыту. Педагогтарды позитивті көңіл-күйге шақыру, жұмысқа қабілеттіктерін қалыптастыру.

Жұмыс түрі: топтық жұмыс.

Алтын ереже:

Ойымызды ашық айтамыз;

Бір-бірімізді тыңдаймыз;

Бір-бірлеп сөйлейміз;

Белсенді қатысу;

Бір-бірімізге сый көрсету.

1.Амандасу рәсімі.

Жаттығу барысы: Ең алдымен оң жақтағы сосын сол жақтағы көршімізбен құшақтасамыз,амандасамыз. Қарама-қарсы отырған көршімізге бір көзімізді қысып, қалған қатысушыларға бір жымиып амандасамыз.

2. Танысу жаттығуы.

«Есімің мәңгі есімде!». Қатысушылар шеңбер бойымен тұрады. Алғашқа адам өз атын айтады, екінші адам өз атын және алдыңғы адамның атын айтады, үшінші адам өз атын және алдыңғы адамдардың атын қайталап өтеді.

3. «Айналма» жіптік курс

Мақсаты: Команда құру, топты біріктіру, көшбасшыларды анықтау.

Қажетті құралдар: айналма 1 данаЕрежесі: қатысушылар шеңбер жасап қолдарынан ұстап тұрады.Жаттығу нұсқаушысының белгісінен кейін айналманы қолдарын үзбей топтан өтіп шығу керек. Жаттығуды күрделендіру үшін айналамының орнына жіп қолдануға да болады.

4. «Сыйлық» ойыны.

Мақсаты: рефлексия процессін күшейту, ұжымда жағымды психологиялық ахуал орнату, топ мүшелерінің бір-бірін түсінісуге, ұжымда тұлғааралық қарым-қатынастың маңызды сапаларын ашу.

Барысы: ойынға қатысушылар шеңбер құрып тұрады. Қазір сіздер бір-біріңізге, яғни өзіңіздің сол жағыңызда отырған көршіңізге сыйлық сыйлайсыз. Көршіңізге қандай сыйлык жасайсыз, сыйлықты үнсіз (вербалды емес) ым-ишара арқылы көрсетіп бересіздер. Сіздің көршіңіз нендей сыйлық сыйлап жатқаныңызды түсінетіндей болуы керек. Барлығы сыйлықтарын алып болғанша ештеңе айтылмайды. Барлығы үнсіз жасалады.

Талқылау:

Көршіңіз сізге қандай сыйлық жасады деп ойлайсыз?

Қандай сыйлық сыйлағанын сіз тез түсіндіңіз бе?

Сізге сыйлық ұнады ма?

Қандай әсерде болдыңыз?