Жақсылық жасау өз қолыңда тәрбиелік материал

Тақырыбы: Жақсылық жасау өз қолыңда

Мақсаты: Оқушылардың жақсылық құндылығы туралы, «жақсы адам» туралы түсініктерін кеңейту және жақсылық пен жамандықтың қатар жүріп адам өмірінде сан қилы белең көрсететінін ұғындыру.

Міндеттері: - Жақсылықтың адам өміріндегі мәні және жақсылық жасаудың қуаныш әкелетіндігін сезіндіру, жақсылықты түсіну, жақсылық жасауға тәрбиелеу.

Тәрбие сағаты сын тұрғысынан ойлау технологиясы бойынша құрылған

Жүру барысы

1.Ұйымдастыру бөлімі

Алдымен оқушыларға өздеріне ұнаған түстерін таңдауын сұраймын (мен үш топқа бес оқушыдан бөлдім: сары, жасыл, қызыл пішіндер) Сол түстер бойынша топқа бөлінеді.

Ой шақыру. (әр топ таңдалған түстеріне сипаттама беріп өтеді)

Кітапханашы: Ал, бүгінгі тәрбие сағатымыздың негізгі тақырыбы : Жақсылық жасау өз қолыңда

Бүгін біздер жақсылық туралы сөз қозғаймыз. Алдымен мен сендерге бір сұрақ қоямын, сол сұрақтың жауабын іздеп көресіздер. ( бір минут ішінде мәлімет жазып алу керек)

Сұрақ: Жақсы адам да қандай қасиеттермен ерекшеленеді?

Адамның жаман қасиеттері қандай?

Әр топтың жауап сандарын есептеп қорытындылау.

Жақсы кісі деп сөзінен ісі көрінетін, айтқан сөзін кейіннен өзі ұстанатын кісіні айтады. Жақсы кісі түсінуге тырысады, бірақ одан пайда іздемейді. Жай адам пайда іздейді, бірақ түсінуге тырыспайды.Адам дүниеге ештеме қалап келмейді. Жақсы мен жаманды өскен соң өзің қалап аласың. Жақсылық пен жамандық адамның іс-әрекеті арқылы өлшенеді. Халқымыз «жақсылық» деген ұғымды адамгершілікке балаған. Адамгершілігі мол адамды «жақсы адам» деген.

Кітапханашы : Рахмет, жақсы ойларыңды айттыңдар. Енді әр топқа тапсырма беремін.

Топтастыру тәсілімен келесі сөздерге анықтама жазамыз .(постер қорғау )

І топ: «Жақсылық» деген сөзге

ІІ топ: «Жамандық» деген сөзге

ІІІ топ: жақсылық пен жамандық туралы мақал мәтел жазу

Бейне сежет көрсетейін

Мағынаны тану кезеңі

Кітапханашы: Адамның ішкі сұлулығы — адамның жүрегі, жүрек жылуы, махаббат, ар-ұят, қайрат, мейірімділік, жақсылық, адамшылық осы жүректен туындайды. Ойымызды әрі қарай өрбіту үшін мәтінмен жұмыс жүргіземіз.

Әр топқа үш түрлі мәтін таратылады.

І топ: «Жақсылық сынықтары» мәтіні (қосымшаны қара)

Сұрақтар:

Бұл әңгімеден кейін қандай сезімде болдыңдар?

Сендер қалай ойлайсыңдар, әже неліктен көп жылдар бойы әйнек сынықтарын жинап жүрді?

Егер де адамдар әженің не істеп жүргенін білгенде не істер еді?

ІІ топ: «Ұстаз ақылы» (қосымшаны қара)

Сұрақтар:

Ұстазының жауабын шәкірттері түсінді ме?

Адамдар неге жамандыққа тез үйір болады, қалай ойлайсыңдар?

ІІІ топ: «Екі қасқыр» әңгімесі (қосымшаны қара)

-Ата Екі қасқыр деп нені меңзеп отыр?

Жамандық пен жақсылық өмірде бірге жүреді екен. Ал қайсысы жеңеді? Жақсылық жеңу үшін адам не істеу керек?

Мәтін бойынша ІІ тапсырма . Алдарыңызда бірнеше мақалдар, нақыл сөздер жазылған парақ жатыр. Ойланып, соның ішіндегі қайсысы өз мәтіндеріңе байланысы бар деп ойлайсыздар. Егер де байланысы бар десеңдер, сол мақалдың тұсына белгі салыңыздар.

Жақсы-жақсы десең, жақсылыққа кезігерсің.

Өмірде кім жақсылық жасаса, сол есіңде жүреді, сондықтан жақсылық көрсетуге асық.

Жақсы мінез - бақыт баспалдағының бірінші сатысы.

Он жақсы ұсынысты бір жаман пікір құртады.

Жақсының жақсы екендігі жыл өткен сайын айқындала береді.

Жақсылық барлық адамның бойында бар қасиет, сондықтан барлық ынта жігеріңмен соған берілуің керек.

Жақсы іс — жақсылыққа,

Жаман іс — бүлікке.

Кемшілік-кемшілік деп жүре берме, оны жоюдың жолы мен әдісін тап.

Жақсының жанында жүрген жаман да жақсы болып кетеді, жақсыға неғұрлым үйір бола бер!

Өзің жақсылыққа бейімделмесең, өзгеге жақсылық көрсете алмайсың.

Күн мен түн, ақ пен қара, өлім мен өмір, бақыт пен қырсық, дос пен қас егіз туғандар, бірінсіз бірінсіз күні жоқ.

Жақсылықты ақылмен жаса.

Адам адамға жақсылық жасау үшін жаралған.

Адам жаны жақсылыққа тоймаған.

Біреуге жақсылық етсең, ол жақсылығыңды міндет етпе.

Жақсының жақсылығын айт, нұры тасысын!

Жақсылық - жан жадыратады.

Әр топ өз жұмыстарын оқып түсіндіреді. Жауаптар талқыланады.(жұмыстарыңызды қатысып отырған қазыларға тапсырыңыздар.

Кітапханашы: Өте жақсы, балалар. Енді осы мәтіндерден кейін мен сендерді Жақсы адам болудың алтын ережесімен таныстырғым келеді:

1. Сыпайы, қамқоршы бол;

2. Адамдарға жақсы көңілмен қатынас жаса;

3. Жақсы, ізгілікті әрекеттерді жасап отыр;

4. Жамандыққа жамандықпен жауап қайтарма.

Ой қозғау кезеңі. Қорытындылау

Бүгінгі тәрбиелік шарамыз да аяқталуға жақын. Тақырыбымызды қорытындылайық. Не айтылды, не түсіндіңдер, не түйдіңдер. Әр топ өз ішінде талқылап , қалған топтардың жұмыстарына

«екі жұлдыз ,бір тілек » тәсілі арқылы баға берейік.