Жарасымды қарым-қатынас ашық сабағы, 10 сынып

Мерзімі: Рыспаева А.А Оқу ісінің меңгерушісі: Жаржанова Ж.К ______________

Мектебі: №6 ХГ Класс: 10 «ә»; Сабақ: 21

Тақырыбы: Жарасымды қарым-қатынас.

Құндылығы: Сүйіспеншілік

Қасиеттер: мейірімділік, жауапкершілік,шыдамдылық

Мақсаты: Оқушылардың адами қарым-қатынас туралы түсініктерін кеңейту. Міндеттері: -адами қарым – қатынас жасау ізгіліктерін түсіндіру; -адами қарым – қатынас жасаудың арасындағы сыйласымды қатысымының мәнін ұғындыру; -өзінен үлкенді сыйлауға, құрметтеуге, инабатты болуға тәрбиелеу;

Сабақ барысы 1. Ұйымдастыру кезеңі

Тыныштық сәті: (5 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

2. Үй тапсырмасын тексеру. С. Б Дорженовтың мәтінін оқып келу., қосымша тапсырмалар

Қазақ халқының үлкенді құрметтеуге байланысты қандай рәсімдері бар?

«Ақсақал», «Ел ағасы» деп кімдерді атаған?

3. Дәйексөз .

А. Линкольннің «Адам өміріндегі ең тамаша нәрсе-оның басқа адамдармен қарым-қатынасы»

2 рет ұлдарға, 2 рет қыздарға, барлығына 1 рет айтқызамын?

Адам өміріндегі дұрыс әрекет не деп ойлайсыздар?

* Қарым-қатынастың адам өміріндегі маңыздылығы қандай?

4.Мұғалімніңсыйы: Бейне ролик «Соқыр ана»

* Фильмдегі қателікті тек баласынан ғана көруге бола ма?

* Ана мен бала арасындағы қандай қарым-қатынасты байқадыңыздар?

* Ананың орнында болсаңыздар қандай ерте әрекет жасар едіңіздер?

* Баласының анасын кеш түсінуінің себебі неде?

* Баланың анасын іздеп баруына кім себеп болды?

5. Шығармашылық жұмыс. Тапсырма.

Оқушылар өнер туындыларын көріп, адамдардың бір-біріне деген ілтипат, сезімдерін, әсерлерін баяндайды.

Ана мен бала арасындағы қарым-қатынасқа байланысты «Ана жүрегі» тақырыбында эссе жазу.

Топпен ән айту:

Ән «Ана туралы жыр»

Сөзін жазған: Ғ. Қайырбеков

Әнін жазған: Ш. Қалдаяқов

Әлемнің жарығын

Сыйладың сен маған,

Даланың әр күнін

Жинадың сен маған.

Сен берген құстардың

Қанаты самғаған,

Балалық құштарым

Өзіңе арналған.

Қайырмасы.

Әлдилеп аялап

Өсірген жемісін.

Самал жел сая бақ

Құшағың мен үшін.

Есейіп кетсемде,

Мен саған сәбимін.

Көгілдір көктемдей,

Көзіңнен танимын.

2.Өтеуге борышым,

Анашым жан сырым.

Іздедім сен үшін,

Әлемнің асылын.

Әлемнің байлығын,

Сыйлар ем, кеш мені.

Сыйлар ем ай, күнін

Қолыма түспеді.

Қайырмасы

7. Үй тапсырмасы. 22- сабақтан С. Ақатайдың мәтінін оқып келу.

Ана мен бала арасындағы қарым-қатынасқа байланысты «Ана жүрегі» тақырыбында эссені аяқтап келу.

8. Тыныштық сәті: (3 мин)

-Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер.

Ал енді көздеріңді ашсаңдар да болады.

5-т

Татулық, тәртіп,

талап, тыныштық, тазалық.

Бейне ролик

Адамның шын ықыласпен істеген іс-әрекеттері қандай сезім тудырады?

Сүйіспеншілік сезімдеріңді қалай білдіресіңдер? Кімге? Неліктен?

Туған жер, табиғат қандай сезім тудырады?

Сөздің қарым-қатынас жасаудағы рөлі қандай?

Әдепті сөйлеудің адами қарым-қатынасқа ықпалы қандай?

Адами қарым – қатынас жасау мәдениетіне нелер жатады? Адамның шын ықыласпен істеген іс-әрекеттері қандай сезім тудырады?

Сүйіспеншілік сезімдеріңді қалай білдіресіңдер? Кімге? Неліктен?

Туған жер, табиғат қандай сезім тудырады?

Сөздің қарым-қатынас жасаудағы рөлі қандай?