Жарасымды қарым-қатынас бойынша ашық сабақ, 10 сынып

Өзін-өзі тану сабағының жоспары

Мектеп:Жамбыл атындағы орта мектебі Мерзім: 08.02.2019 ж. №21

Тақырып: Жарасымды қарым қатынас

Құндылық: «дұрыс әрекет»

Қасиеттер: Ынтымақтастық, дұрыс сөз, дұрыс ой

Мұғалімі:Ш.Дюсекенова

Сыныбы: 10 Ә сынып. Оқушы саны:10

Сабақтың мақсаты: Үлкен мен кіші арасындағы жарасымды қарым-қатынас ұғымының мәнін ашу.

Сабақтың міндеттері:

Білімділігі:Оқушыларды дұрыс ойлауға, дұрыс әрекет жасауға дағдыландыру.

Дамытушылығы:Оқушылардың бойында ынтымақтастықты қалыптастыра отырып, үлкен мен кіші арасындағы сыйласымдылықтың мәнін ұғындыру, дұрыс іс, дұрыс сөз әрекетін дамыту.

Тәрбиелігі:Оқушыларды үлкенді сыйлауға, құрметтеуге, дұрыс ойлауға, дұрыс сөйлеуге тәрбиелеу.

Ресурстар: (құралдар, мәліметтер) оқулық, жұмыс дәптері, күнделік, қалам, үнтаспа

Сабақ барысы:

Ұйымдастыру кезеңі. Тыныштық сәті. Көзіңді жұмып, терең дем ал, денеңді босат. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңды елестет. Толқындардың жеңіл шалпылына, шағалалардың шуылына құлақ түр. Жалаң аяқтарыңмен құмды сезін. Шалғайдан қара нүкте көріп тұрсың: ол жақындаған кезде дельфин екенін түсіндің. Ол сені теңіз түбіне алып кету үшін келді. Ол өте әдепті екен, сені шыдамдылықпен күтіп тұр. Жайлап оның арқасына отыр, мықтап ұстап, жолға шықтыңдар. Дельфиннің арқасында жайланып отырып, өзіңді қауіпсіз сезін, су астында жүзу қандай керемет. Жан-жағыңа қара: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қарашы, қандай орасан зор әдемі балықтар. Су асты неткен қызықты әрі ғажап әлем. Сен бір нәрсені байқадың ба? Мұнда неткен тұңғиық, толық тыныштық. Осы тыныштық күйде бол (бірнеше секунд үнсіз қалады).

Ал қазір жоғарыға, өз әлемімізге кері қайтуға дайындал. Айналаға жақсылып қара. Ғажап түстерге тағы бір рет қара және тыныштыққа құлақ түр. Осындай тыныштық саған самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Сабақ барысын талдау

1.Топқа бөлу

І топ «Бірлік»

ІІ топ «Сыйластық»

2.Дәйексөз:

«Ізгіліктің басы – үлкенді сыйлаудан басталады»

Халық даналығы.

3.Мұғалім сыйы:

«Қолыңнан келгенше,жақсылық жаса!» Бейнефильм

1.Бейнефильмнен қандай ой түйдің?

2.Жарасымды қарым –қатынас дегенді қалайтүсінеміз?

3.Кез –келген адаммен қарым-қатынас жасау үшін адамға қандай қасиет керек?

4. Ол қасиеттер өз бойыңда бар ма? пікірлерін ортаға салу