Жарық тақырыбына арналған сабақ жоспары

Пәні: Жаратылыстану

МЕКТЕП:№14

Ұзақ мерзімді жоспар бөлімі:

5 бөлім

Мұғалімнің аты жөні:

Калиева Е

СЫНЫП: 1Д

Қатысқандар:26

Қатыспағандар:

Сабақтың тақырыбы:

Жарық не үшін қажет?

Осы сабақта қол жеткізілетін оқу мақсаттары(оқу бағдарламасына сілтеме)

1.5.2.3. Жасанды жарықтың қажеттілігін және оның көздерін анықтау;

1.1.2.1. Қоршаған әлем құбылыстарына бақылау жүргізу.

Сабақ мақсаттары

Барлық оқушылар:Жасанды және табиғи жарық көздерін біледі;

Көпшілік оқушылар:Жасанды және табиғи жарық көздерін анықтайды;

Кейбір оқушылар:Қоршаған ортаға жарық түрлерінің қажеттілігін түсіндіреді.

Бағалау критерийлері

Суреттерге қарап жасанды және табиғи жарық көздерін ажыратады,әңгімелейді

Қоршаған ортаға қарап жасанды және табиғи жарық көздерін зерттейді,бақылау жасайды.

Тілдік мақсаттар

Пәнге қатысты лексикамен мен терминология:

Жарықтандыру, безендіру

Диалогқа/жазылымға қажетті тіркестер:

-Мұнда қандай жарық көздері бейнелеген?

-Олардың әрқайсысы не үшін қажет?

-Әртүрлі жарық көздері не үшін қажет?

Адам жарықты қай кезде пайдаланады?

-Жаңа жыл мерекесінде мектеп қандай жасанды жарық көздерімен безендіріледі?

-Сахнаны безендіру үшін қандай жарық көздері қолданылады?

-Суреттегі қандай жарық көзінің бұл мерекеге қатысы жоқ?

Құндылықтарды дарыту

Оқушыларға ұқыптылықты, тазалықты,өзгелердің мәдениетіне және көзқарастарына құрметпен қарауға тәрбиелеу.

Пәнаралық байланыстар

Көркем еңбек пәні бойынша ермексазбен жасанды жарық көздерін жасайды.

АКТ қолдану дағдылары

Интерактивті тақтадағы суреттен мерекеге қатысы жоқ жарық көздерін табады.«Қалта шам» туралы фильм көреді.

Бастапқы білім

Оқушылар қай кезде жарық және қараңғы түсетінін ажырата біледі. Жарықтың кейбір қарапайым көздерін анықтай алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5-мин

5 минут

Оқушыларды «Шаттық» шеңберіне жинаймын.

Келесі өлең жолдарын іс-қимыл арқылы қайталатамын:

Қолымызды созайық,

Күннен жылу алайық.

Күннен алған жылуды,

Жүрекке әкеліп салайық.

Жүректегі жылуды,

Бір-бірімізге сыйлайық.

Оқушыларды мынадай 3 топқа бөлу.

І топ: «Күн» тобы

ІІ топ: «Ай» тобы

ІІІ топ: «Жарық» тобы

Ширату жаттығуы

Топтық жұмыс. «Микрафон» әдісі » әдісі бойынша оқушылардан сурет бойынша өз ойлары туралы сұхбат алу. Әр топта оқушыларына сұрақтар қойылады,сұрақтарға өз ойларын айтады.

-Мұнда қандай жарық көздері бейнеленген?

-Олардың әрқайсысы не үшін қажет?

-Әртүрлі жарық көздері не үшін қажет?

Суреттегі жарық көздерін ата.

Олар табиғи жарық көздеріне жата ма әлде жасанды жарық көздеріне жата ма?

Қалай ойлайсың?

Күннің суреті

Топ атаулары

жазылған А4 парақшалары

Бейнетаспа

Микрофон

Сабақтың ортасы

10 минут

Оқулықпен жұмыс.Қазіргі заманда жарықты пайдаланбайтын жерді табу қиын. Адам баласы жарықты жұмыстан басқа жағдайларда да пайдаланады. Қолайлы өмір сүруіне, өзінің қауіпсіздігі үшін белгі беру құралы ретінде және жол бойында пайдаланады.

Жарықтасымалдағыштар— жарық энергиясын тасымалдайтын аспаптар. Оның ішінде жіңішке қуыс жіптәрізді, мөлдір талшықты жарық жетектері болады. Жарық екі орта шекарасында толық ішкі шағылу нәтижесінде таралады. Жарық тасымалдағыштары медицинада,фотоаппараттарда сәндік шырақ ретінде пайдаланылады.

Жалтылдақ шамшырақтар(мигалка) —автокөлік үстінде орнатылатын жарық сигналдарының

бірі. Ол барлық автокөліктерге арнаулы автокөлікті өткізіп жіберу қажеттілігін ескертеді.

Есте сақта.Ғимараттар жарық және жайлы болу үшін шам,шырағдан және тағы басқа жасанды жарық көздері пайдаланылады.

Сен білесің бе? Ұшатын шамдарды тұрғын үй лерден, ағаштардан, жанғыш заттардан алыс жер лерде ересек адамдармен бірге ұшырады. Егер оны дұрыс пайдаланбаса, өрт қаупі тууы мүмкін. Алдын ала дайындалған бейнежазбаны көрсетуге болады. Оқушыларға кейбір фрагменттерді көрсетпеген дұрыс..