Жарықтың өмірдегі орны туралы кіріктірілген сабақ

Жаратылыстану пәнімен өзін өзі тану интеграцияланған

сабағының жоспары

Мектеп: М.Жұмабаев атындағы №39 гимназия

Мерзімі: 13.04.2018ж

Тақырыбы: Жасанды жарық көздері деген не? Жарық не үшін қажет?

Мұғалім: Байкенжина Д.С.

Сынып: 1 «В»

Оқушы саны: 21

Сабақтың типі: жаңа білімді меңгерту.

Сабақтың әдісі: сұрақ-жауап, түсіндіру, топтастыру.

Құндылық: сүйіспеншілік

Қасиеттер: мейірімділік, риясыздық, тәртіптілік.

Сабақтың мақсаты: Оқушыларға жарық туралы таныстырып, ой қорыту ,білімдерін тереңдете түсу.

Сабақтың міндеттері:

1. оқушыларға жасанды және табиғи жарық көздері туралы түсінік беру

2. жасанды және табиғи жарық көздері оқушылардың ой-өрісін, шығармашылық қабілеттерін дамыту.

3. Оқушыларға жарықтың өмірімізде алатын орны туралы түсіндіре отырып, сүйіспеншілік құндылығының мәнін ашу

Ресурстар: (материалдар, көздері)

Интерактивті тақта, оқулық, дәптер

Сабақтың барысы:

Ұйымдастыру кезеңі: (2 мин)

Оқушылармен амандасу, оқушылар назарын сабаққа аудару

5Т ережесін еске түсіру:

Тәртіп

Талап

Тыныштық

Тазалық

Татулық

Жағымды күйге келу. Жүректен-жүрекке (балалар сабаққа тілектерін айтады).

Мұғалім: Олай болса, балалар бүгінгі сабағымызды бастаймыз,сендерге әр ісімізге сәттілік тілейік

Жаңа түсінік беру. Табиғи жарық көздері әрдайым қажетті жерлерге түсе бермейді. Адам баласына жарықтың қажеттілігі артып, ерте заманнан бері жасанды жарық көздерін ойлап таба бастады. Алдымен от, алау, шырпы шам, кейіннен шырақ, майлы және керосинді шамдар, XIX ғасырдың соңында электр шамы пайда болды. От ең алғашқы жасанды жарық көзі болып саналады. Уақыт өте келе адамдар сапалы жарық көзін майлы тұқымды ағаштарды, майды және табиғи шайырды жағып алуға болатынын білді. Металл өңдеу технологиясын дамыту, шақпақ арқылы тез арада тұтату әдістері алғашқы жасанды жарық көздерін шығаруға және жетілдіруге мүмкіндік берді. Соның нәтижесінде жарықты кез келген жерге орнатуға, орнын ауыстыруға, жанар­ маймен зарядтауға мүмкін болды. Мұнайды, майды және балауызды өңдеудегі жетістіктер отынның керекті фракцияларын (тазартылған балауыз, пара­ фин, стеарин, пальмитин, керосин және т.б.) айыруға көмектесті. Осындай жарық көздеріне шырақ, алау,

майлы шам, кейіннен пайда болған мұнай шамы жатады

Ескерту

Жасанды жарық көздері. Оқулықтағы суретке қарауды ұсыныңыз. Оқушылар күнделікті қолданып жүрген жарық көздерін еске түсіріп, сұрақтарға жауап береді. Жарық көздерінің қайсысын жиі кездестіресің? Бұл жарық көздерін қайдан көруге болады? Оқушылар күнделікті қандай жарық көздерін қолданады? Түнде жұмыс істейтін адамдар қандай жарық көзін пайдаланатынын айтыңыз, мысалы, наубайханада, зауытта және фабрикада. Оқушылардан қандай маман иелері түнде жұмыс істейтінін сұраңыз. Біреуінің ата-анасы түнгі уақытта жұмыс істесе, жұмыс туралы егжей-тегжейлі біліп, сыныпқа айтуды ұсыныңыз.