Жас мамандармен жұмыс презентациясы психологиядан

"Жас маман ,алға бас қадам!"

жас мамандарға арналған тренинг-сабақ

Мақсаты:

Жас мамандарға көмек көрсету және ұжымда жағымды психологиялық ахуал қалыптастыру. Айналамыздағы адамдармен қарым – қатынасымыз қандай, олар кімдер, біз кімбіз, өзімізді өзіміз танимыз ба?, – деген сұрақтарға жауап іздеп, тұлғаның адами көзқарасын анықтау.

«Мен ің болашағым »

Тыныштық сәті . Әуенді музыка ойнап тұрады. Қатысушылар көздерін жұмып , еркін және ыңғайлы отырады.Мәтін оқылады.

Талдау: Қандай күйде болдыңыз?Жемісті еңбекке қалай қол жеткіздіңіз?

“Танысу сәті”

Әркім өз есімін және есімдерінің бастапқы үш әрпінен тұратын өз бойындағы үш қасиетін айту керек.

Арыстандай айбатты ,

Жолбарыстай қайратты.

Қырандай күшті қанатты

Мен жастарға сенемін!

М.Жұмабаев

Тапсырмалар орындау.

№1 тапсырма:

Жарқын шуағын төккен күн астында әр нәсілдің үш баласы қол ұстасып тұрғаны бейнеленген суретті көз алдыңызға елестетіңіз. «Сыртқы түстері әртүрлі болғанмен бұл балалардың жан дүниесі бірдей, сондықтан да ұлағатты ұстаздар оларға күн сәулесіндей бірдей мөлшерде мейірім шуағын төгеді….»

Сіз қандай мұғалімсіз?

Тапсырмалар орындау.

№2 тапсырма.

Түнгі аспан, жымыңдаған жұлдыздар, Жарығы сөнбеген бір үй бейнеленген суретті көз алдыңызға елестетіңіз «Түн. Айнала жым – жырт. Аспанда жымыңдаған жұлдыздар. Түгел ел ұйқыда, бірақ, ояу бір кісі бар. Ол – мұғалім. Ол қанша жыл ұстаз болғанмен, мектепте де, үйде де ертеңгі сабағына үлкен жауапкершілікпен дайындалып келеді….»

Сіз қандай мұғалімсіз?

Тапсырмалар орындау.

№ 3 тапсырма.

Біреуді нұсқап тұрған сұқ саусақ. «Біз сұқ саусағымызбен өзгені көрсетіп тұрғанда өзге үш саусағымызбен өзімізді көрсеткенімізді аңғара бермейміз. Ендеше, біз әлдекімді кінәлағанда, өзіміздің кінәміз бар ма, жоқ па, осы жағына көңіл бөлуіміз қажет. Әрбір ағаттық үшін кінәні өзгеден емес, өзімізден іздеу керек шығар….»

Сіз қандай мұғалімсіз?

«Жаңбыр» сергіту жаттығуы.

Нұсқау. Барлық қатысушылар шеңбер құрып тұрады. Тренер шеңберде тұрғандарға жаттығу береді, қатысушылар қимылды кезекпен қайталау керек.

1 шеңбер – алақанды бір – біріне жеңіл ысқылайды (ұсақ жаңбыр)

2 шеңбер – саусақпен алақанды шерту (өткір жаңбыр соққысы)

3 шеңбер – алақанмен тізені шапалақтау (жеңіл отыра)

4 шеңбер – тізені алақанмен ұрғылау және жерді аяқпен тарсылдату (жаңбырдың өте қатты дыбысы)

5 шеңбер – алақанмен тізені шапалақтау (жаңбыр азаяды)

6 шеңбер – саусақпен шерту

7 шеңбер – алақанды ысқылау

8 шеңбер – қолды жай жіберу (жаңбыр тоқтайды)