Жас шеберлер авторлық бағдарламасы технология пәнінен

««Тараз қаласы әкімдігінің білім бөлімінің Әлихан Бөкейханов атындағы №1 гимназиясы» КММ

080012, Тараз қаласы, Пушкин көшесі, №15, тел: 43-34-92, [email protected]

Әдістемелік кеңестің

шешімімен бекітілген

«___»________2018 ж

№ _____хаттама

гимназия директоры

Қызылғұлова Л.Ә.

«___»_________2018ж

«Жас шеберлер»

(авторлық бағдарлама)

Технология пәні

мұғалімі

Досыбаева Ж.І.

Тараз, 2018 жыл

Түсінік хат

Елбасы Н.Ә.Назарбаевтың «Болашаққа бағдар: рухани жаңғыру» атты мақаласы ұлттық рух пен ұлттық сананың кемелденуіне, ұлттық салт-дәстүріміз бен тілімізді, мәдениетімізді сақтауға, бағалауға, бағалай отырып, жаңғырта дамытуға үндейтін, іргелі бағдарламалық бағыттағы құжат. Қазір ел болып егемендік алып, көк туымыз желбіреп, әлемдегі тұрағы биік елдермен терезесі тең өмір сүріп келеміз. Қай заман, қай қоғамда болсын адамзат баласы жас ұрпақ тәрбиесіне зор мән берген. Сондықтан да бүгінгі таңда жаңаша жұмыс жасау, оқу мен тәрбие үрдісін жаңаша ұйымдастыру қажеттілігі туындап отыр. Ал ХХІ ғасырдың бәсекеге қабілетті ұрпағын тәрбиелеу өзекті мәселелердің бірі болып отыр. Ал, нағыз патриот ең алдымен өз ұлтының мәдениеті туралы толық мағұлмат білуімен қатар игеруі тиіс.

Қайта жаңғырып, жастар тәрбиесіне арқау болып отырған халықтық педагогика – бұл күнде педагогтер қауымына ғана емес, бүкіл қоғамымызға ортақ әлеуметтік қозғалыс. Халықтық педагогика жаңалық та, ғылым да емес, ол ежелден халықпен бірге өмір сүріп келе жатқан тәлім-тәрбие мектебі. Ұлттық педагогиканы насихаттауға қай пәннің болса да ыңғайы мен мүмкіншіліктері мол. Соның ішінде технолгия сабақтарында қол өнеріне үйрету арқылы тәлім – тәрбиені оқу – тәрбие процесіне арқау ету негізгі міндетіміз.Ұлттық тәрбие жүректе жатық болғанымен ауқымы шексіз, белгілі бір жүйеге келтірілмеген тың дүниелер. Бұл мұраларды педагогикаға пайдалана білу үшін оларды терең оқып – үйрену, игеру қажет. Халқымыздың дәстүрлі мәдениетiнде сәндік-қолданбалы өнер сан ғасырлар қойнауынан бастау алып, қазіргі уақытта оның көркемдік, мәдени-рухани, әлеуметтік тарихи заңдылығы, ерекшелігі өзіндік маңыздылығымен және елімізде өзінің өзектілігін қазіргі жаһандану дәуірінде арттыра түсуде.

Бағдарламаның мазмұны оқушының жеке тұлғасы, отбасы және қоғамның қажеттіліктерін, қазіргі заманғы педагогикалық ғылымының жетістіктерін ескере отырып белгіленген. Оқушыларды материалдық құндылықтардың заманауи өндірісінің негізгі технологиялық процестерімен таныстыруға, кейінгі кәсіптік білім алуға және еңбек етуге қажетті дайындықтарын қамтамасыз етуге негізделген.

«Жас шеберлер» үйірмесі бастапқы технологиялық білім, еңбек білігі мен дағдыларын, еңбекті жоспарлау және ұйымдастыру тәсілдерін меңгерту, кеңістік қиялын, ақпарат түрлерінде бағдарлау қабілеттерін дамыту, қоршаған әлем өзгерісіндегі адам еңбегінің рөлі туралы білімді меңгерту, адам және адам еңбегіне құрметпен қарауға, еңбексүйгіштікке, жауапкершілікке тәрбиелеуге бағытталған. Жан – жақты ұлттық педагогикалық бағытта жұмыстар жүргізуіне, сәндік – қолданбалы өнерлері мен ұлттық дәстүрлеріміз арқылы оқушыларды ұлттық құндылықтарға тәрбиелеудің жаңа әдіс – тәсілдері мен технологияларға негізделген. Осы тақырыпқа сүйене отырып, 7 – сыныптарға арналған факультатив курсының авторлық бағдарламасын ұсынып отырмын.

Бағыты: бағдарлама гуманитарлық бағытта жұмыс жасай отырып, тікелей қазақстан тарихы және қазақ әдебиеті пәндерімен тікелей байланысты. Яғни, халықтық қолданбалы шығармашылық жұмыстарды қайта жандандыра отырып оны көркем өңдеу, күнделікті тұрмыста, отбасында, ұрпақ тәрбиесінде маңызы зор. Бұл оқушыларды болашақ мамандығын дұрыс таңдауларына, әрбір оқушының шын мәнінде келер ғасыр және уақыт талабына сай адам болып тәрбиеленуі мен технологияларға негізделген.

Жаңалығы: оқушыларды ұлттық құндылықтарға еңбек арқылы тәрбиелеуді жүзеге асырады. Тәрбиелік мәні бар дәстүрлер мен көнерген қолөнерімізді қайта жандандырып оны сәндік – қолданбалы өнердің элементтерін қолдана отырып, қазіргі заманға сай бұйымды ыңғайлы, төзімді, қарапайым және әсем етіп орындау арқылы оқушылардың бойында ұлттың рухани байлығын, мәденитін көрсету бүгінгі таңда маңызды роль атқарады.

Педагогикалық мақсатқа лайықтылығы:

Оқушылардың танымдық белсенділігін ынталандыру. Күнделікті өмірде алынған білім, дағдылар мен әдептердің тәжірибелік құндылықтарын түсіну және кәсіптік бағдарлау мәселелерін шешу. Шығармашылық және еңбек мәдениетіне деген көзқарасын қалыптастыру. Көркем – эстетикалық қабілеттерін дамыту, айналадағы шындықтың сұлулығын көре білу және оның шығармашылық өзгерісіне деген ұмтылысын дамыту.

Өзектілігі: технология саласында оқушылардың заманауи өндірісінде алған білім жүйесінің нәтижелігіне бағытталған функционалдық сауаттылығын қамтамасыз ету, шығармашылық ойлау қабілетін, орындаған жұмысына шығармашылық көзқараспен қарауы дамиды. Сапалы білім берумен қатар еңбекке баулу, үйрету аса қажет. Жастарымыздың өнерлі болуы қоғамдық өмірімізге үлкен әсерін болады. Қолөнер үйірмесі өнер мен білім беру ісін бір-бірімен ұштастырып, бала санасына үлкен жүрек, мол мейрімділікпен қоса кәсіби дарын, іздемпаздық, іскерлік, адамның адамгершілік дүние танымын қалыптастырып үйрету болып табылады.

Мақсаты: балаларға қосымша білім беруде оқушының білімін, шеберлігін көрсету. Оқушыны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту.

Міндеті: жұмыс орнын дұрыс ұйымдастыруға, өндіру материалдарын үнемді пайдалана білуге, еңбек мәдениеті мен еңбекті қорғаудың бастапқы элеметтерін меңгертуге бағыттау. Баланың бейнелі ойлау, өз ойындағы нобай, сурет, сұлба, сызбалар мен жазықтыққа шығара білу қабілеттерін қалыптастыру. Бұйым жасаудың тиімді әдіс – тәсілдерін, технологиясын пайдалануды игерту арқылы оқушылардың шеберлігін арттыру. Қалдық материалдардан көркем бұйымдар, макеттер жасау арқылы оларға…