Жасанды интеллектінің білім саласына әсері 11 сынып

Жасанды интеллектің білім саласына әсері

Үстіміздегі жылы Жасанды интеллектті дамытудың 2024 – 2029 жылдарға арналған арнайы тұжырымдамасы елімізде бекіді.

«Жасанды интеллект» мәселесіне қатысты сұрақтар біршама уақыт бойы адамзатты ойландырып, толғандырып келе жатқанына қарамастан, ХХІ ғасырда бұған қатысты дискурстар алаңы кеңеюде. Өз кезегінде бұл жасанды интелллекттің қоғамның барлық салаларына, айталық, білім, ғылым, экономика, саясат, медицинада қолданылуымен байланысты. Жасанды интеллект белгілі бір дәрежеде заманауи адамның болмысын анықтаушы бірден-бір факторға айналғанына куә болып отырмыз

Әсіресе, білім саласында осыдан 3-4 жыл бұрынғыға қарағанда оң өзгеріс әкелуде десем, артық айтқандығым емес. Бүгінде еліміздегі педагогтерді жасанды интеллект төңірегіндегі өзге де өзекті мәселелер толғандырады. Өйткені қазіргі ақпаратты технологиялар қарыштап дамыған қоғамда педагог үшін мүмкіндіктер мен басымдықтар, жасанды интеллект өскелең ұрпақтың игілігі үшін жұмыс істеуге қажет.Технологияның дамуына қарай оқытуда оқушының қабілетін, қажеттілігін, жеке ерекшелігін ескеруді ұмытпауымыз керек.

Биылғы оқу жылының басы да аталған тақырыппен басталған болатын. Жасанды зерденің пайдасы мол. Бүгінде өз бетінше ойланатын роботтар көбейіп, барлық салада басымдық алғанына куә болып отырмыз. Бірақ оның тәуекелдері де бар. Қазір әрбір мемлекет орта білімін қызғыштай қорып отыр. Өйткені әр елдің өз ұстанымы мен бағыты бар. Ал жасанды интеллект ғаламдық жүйе болғандықтан, оқыту үдерісінде әлемдік ақпаратты жинақтап жауап береді. Сондықтан біз жан-жақты дайындалғаннан кейін ғана осы технологияларды енгізуіміз керек. Жаратылыстану бағытында ондай тәуекелдер жоқ. Өйткені есеп-қисап бәріне ортақ. Оны тек қазақшаға аударып үлгерсек болды. Осы мақсатта біз қазір «Цифрлы ұстаз», «Тілге бойлау» жобаларын ұйымдастырылуда.

Биыл елімізде саммит болып өтті. Самит аясында «Digital Kazakhstan: заманауи білім беру» тақырыбында цифрлық көрме ұйымдастырылды. Білім беру саласын жетілдіру мен дамыту бойынша аталған көрмеге қырыққа жуық компания қатысып, өз өнімдерін ұсынған болатын. Мәселен, жасанды интеллект негізіндегі кәсіби бағдар мамандары мен психологтердің жұмысын жеңілдететін «WeGlobal» платформасы көптің көңілінен шықты дегім келеді.

Айталық, «2022 жылдан бастап білім беру ұйымдарына профориентатор мамандығы енді. Алайда оқушыға дұрыс кәсіби бағдар беру үшін сапалы қосымша мен құрылғы керек болды. Бір ғана…