Жасөспірімдер желіккен бе семинар материалы 6 бет

№5 Михаил Ломоносов атындағы орта мектебінде өткізілетін

«Жасөспірім желіккен бе? Тәрбие таяз ба?» атты

дөңгелек үстелдің бағдарламасы

Дөңгелек үстел мақсаты: жасөспірімдер арасындағы құқық

бұзушыл. алдын алу;

Өтілетін орны: Өтілетін мерзімі:

Қатысатындар:

Жүргізуші:

Қайырлы күн, құрметті әріптестер және бүгінгі дөңгелек үстеліміздің қонақтары! Қазіргі таңда еліміздегі, тіпті әлемдегі күрт өсіп бара жатқан проблемалардың бірі – жасөспірімдер арасындағы қылмыс санының күн санап артуы. Бұл жайттар ешкімді де ешқашан бейжай қалдырмасы анық. Бүгінгі тақырыбымызға арқау болатын мәселе де осы: “Жасөспірім желіккен бе? Тәрбие таяз ба?” Осы сұрақтардың жауабын табу.Ендеше жағдайы жан ауыртып,қоғамға қозғау салған осы мәселеге кім қалай қарайды?Шешудің жолы қандай? Көп болып сыр алмасып көрелік. Ол үшін бүгінгі үстеліміздің қонақтарымен таныстырып өтелік: Бүгінгі дөңгелек үстеліміздегі әңгімемізді бастамас бұрын арнайы әзірленген бейне сюжетке назар аударайық. (бейнесюжет)

1) Қоғамның басты байлығы – бала. Ендеше оның игілігі мен мүддесі үшін қызмет етуде конститутциямыз лайықты қызмет атқаруда. Біз өмір сүріп отырған қоғамның мақсаты кәмелетке толмаған жасөспірімдер мен жас жеткіншектердің тәрбие мәселесі мәнінде шешу. Олардың келешегіне заман талабына сай жол салу. Бұл салада мемлекетіміз 2004 жылғы 9 шілдеде қабылданған Кәмелетке толмағандар арасындағы құқық бұзушылықтың профилактикасы мен балалардың қадағалаусыз және панасыз қалуының алдын алу туралы № 591 заңы аясында көптеген іс – шаралар атқаруда. Олай болса, алғашқы сұрағымызды аудандық прокуроратурасынан келген __________________________________________________________ берсек.

Қазіргі күні осы ҚР Балалар құқығы туралы заңдар қаншалықты

орындалуда? Осы заңдарға қаншалықты келісесіз? Бүгінгі жасөспірімдер

арасындағы құқық бұзушылыққа осы заңдардың қаншалықты әсері бар?

Мысалы айтып жатырмыз ғой, қазір Бала құқығы деп жасөспірімдерімізді

тым еркінсітіп алдық дегендей ... Рахмет!

2) Мемлекет өскелең ұрпақты тәрбиелеуге ерекше назар аударады. Қазақстан Республикасының даму бағдарламасына байланысты еліміздің ішкі саясатының бір негізгі элементі: құқықтық тәртіп пен қоғамдық қауіпсіздікті сақтау және қорғау болып табылады. Қазіргі күні адамзат баласы бір – біріне достық қолын созып, мейірім алақанын ұсынудың орнына, пышағын алып, тапаншаны абырой санап, адам деген бауырына баукеспе пейілін танытады. Ал мұндай жүгенсіздікке кім кінәлі? Ендігі сұрақты аудандық ішкі істер бөлімінің кәмелетке жасы толмағандар ісі

жөніндегі инспекторларына берсек. 2014 жыл Жуалы ауданының жасөспірімдері үшін қандай жыл болды?

Жасөспірім арасында болған қылмыстар туралы айтып өтсеңіздер...

Рахмет! 3) Қазақ деген есім - сайын дала көгінде ұлағатты тәрбие, таза қанды ұрпақ деген есіммен астасып жатты. Жаңа өмірге көзқарастар бүгінгі ардақты азат таңымыздың арайлап атуына жол ашты. Елім деп еміренер, ұятым, арым деп тебіренер тәрбие елдіктің биік тұғырына қонақтады. Осындай асқақтатып айтар қазақи тәрбиеміздің еңсесін басатын жәйт - тағы да жасөспірімдер арасындағы теріс қылықтар. Жасыратыны жоқ аты жаһанды жаңғыртқан есірткі, арақ, топ – тобымен ырылдасқан төбелес дәл бүгін не ұттыруда? Атаның алтын аманаты, ананың тәрбие салтанаты бүгінгі жалынды жастардың желіккен жағдайымен ақтала ала ма? Келесі сұрақты Аудан. құқық бұзуш. алдын алу жөн. комитеттің хатшысы Лаура ханымға берсек: Қоғамымызда жасөспірім арасында келеңсіз жағдайларды ң орын алуына

сіздіңше, не себеп? Рахмет.

4) Қазіргі жастардың ақыл парасаты құлдырау үстінде Олар аяқ астынан бәлеге ұрынып, абыройынан айырылып қалатын жәйіттер де баршылық. Осы кезде оларды жақсы тәрбие ғана түзеп, дұрыс жолға сала алады. Кейбіреулер білімді болса тәрбие өзі-ақ қалыптасады дейді. Сондықтан білімді болған жөн деседі. Білім алғанның бәрі жақсы тәрбиелі бола алмайды. Білім алу үшін де тәрбие қажет. Келесі сұрақты осы тәрбие саласында көп қызмет атқарып жүрген аудандық білім бөлімінің бас маманы Салтанат ханымға берсек: