Жасөспірімдер психологиясы бойынша педагогтерге семинар материалы

Жасөспірімдер психологиясы

Ата-аналарға арналған семинар-тренинг.

Жасөспірімдер психологиясы ең маңызды әлеуметтік мәселе деуге болады.Кейінгі кезде ата-аналар балаларының ештеңеге ықыласы жоқ және ешнәрсені істегісі келмейтіндігіне шағым жасайды,тіпті ағзаға қажетті тағамдардан да бас тартатыны бар. Балалар неге олай боп барады?Неге жасөспірімдер психологиясы әлеуметтік деңгейге жетіп қалды? Қазіргі заманның ата-аналары баласы үшін не істемейді? Баласының барлық талабын орындап,тіпті қалаған , қаламаған ойыншықтарын,киімдерін алып беріп,баланың өзі не қалау керек екенін,нені армандау керек екенін білмей қалған жағдайы бар.Өйткені, балаға керек нәрсенің барлығы бар, кішкене күнінен бастап баланың барлық шарттары түгел орындалып жатса,одан басқа не керек? Сондықтан бала, шын мәнісінде нені қалау керек,өзінің ішкі жан-дүниесінде шын армандаудың не екенінен,қимас затқа қол жеткізу үшін мақсат қоя білу дегеннен мақұрым қалып барады.Даму барысында баланың осы кезеңі (армандау кезеңі)бос өтіп жатқандай ма,қалай?

Кейбір ата-аналар баланың пікірімен санаспайды,ол не қалайды,не істегісі келеді,онымен жұмысы жоқ,тек өздерінің тапсырмасын орындаса жетіп жатыр.Мұндай жағдайда бала өздігінен ойлау,өздігінен мәселе шешу сияқты нақты фрагменттерден шет қалып,роботқа айналады,мұндай бала ойлану,шығармашылықпен айналысудан шет қалып,қызықты ісімен де шұғылдана алмай дүбара болады.

Енді бір балалар ата-ана тарапынан қараусыз,ертеден кешке дейін компьютер,телефон ойындарынан шыға алмай абстрактілі ойлау қабілетінен айрылады.

Ең өкініштісі,ата-аналардың ойынша балалар өзі-ақ өседі,бәрі қалыпты жағдайға келеді! Міне,осы - орны толмас қателік! Гормондардың әсерінен ержетіп,бойжетіп келе жатқан жасөспірімдердің көңілінде өзімен сырласпағаны,оның пікірімен санаспағаны жайындағы өкпе-реніші өмір бойына қалып қояды. Ата-ананы жек көріп,тіпті көргісі келмейтін дәрежеге жетеді.

Жасөспірімдер еліміздің,заманымыздың саналы азаматы,әр шаңырақтың тірегі мен отанасы боп ержетуі мен бойжетуі үшін не істеуіміз қажет?

Мына амалдарға көңіл аударып көрейік!

1.Баланың өзіне ұнаған ісімен шұғылдануға белгілі шеңбер ішінде уақыт бөлу. -Сабақты орындап болған соң, өзіңнің сүйікті ісіңмен шұғылдана аласың,алайда оған дейін мына тапсырмалардың бірін таңдап орында!-деп үш-төрт тапсырманың қалағанын орындауға мүмкіндік беру.Мұндай шара сізге,әрине, көмек беруі керек.

2.Баланың өз әлемі болады,оған да мүмкіндік беру! Егер балаңыз дос-жарандарымен жүрсе немесе компьютерде отырса, кино көрсе(әрине,өз жасы ерекшелігіне сай),онда бала бос сандалып жүр деуге келмейді. Бұл уақытта…